Durood kaise bheja jayee??

“Bukhari Sharif aur Muslim Sharif ki Muttafaq Alaih Hadees hai, Ahle Bayt ka Muqaam ye hai, Hazrat Abu Humaid as Saaedi RadiAllahu Anhu raawi hain ke Sahaba-e-Kiram ne pucha: Ya RasoolAllah SallAllahu Alaihi wa Aalihi wa Sallam! Kaifa Nusalli Alaik? Yaani hum Aap par Durood kaise bheja karen?

Aaqa SallAllahu Alaihi wa Aalihi wa Sallam ne farmaya: kaho, Allahumma Salli Ala Muhammadin wa Azwajihi wa Zurriyatihi Kama Sallaita Ala Aale Ibrahim wa Baarik Ala Muhammadin wa Azwajihi wa Zurriyatihi Kama Barakta Ala Aale Ibrahim Innaka Hamidum Majeed

Naam liye 3, yaani farmaya Durood ye hai ke Durood padho Meri Zaat Par, Ay Allah Durood Bhej (hamare Aaqa wa Maula) Muhammad (SallAllahu Alaihi wa Aalihi wa Sallam) ki Zaat-e-Pak par aur Unki Azwaje Muttahraat par aur Unki Zurriyat par yaani Aal Aulad aur Nasl-e-Pak par, Sayyeda Fatimah tuz Zahra (Salamullahi Alaiha) aur Hasanain Kareemain (Alaihi-mussalam) aur Puri Aal par.

Aur Abu Dawood ki Riwayat hai wo Hazrat Abu Hurairah RadiAllahu Anhu se marvi hai Usme Aaqa SallAllahu Alaihi wa Aalihi wa Sallam ne farmaya: Allahumma Salli Ala Muhammadin wa Azwajihi Ummhatul Mumineen wa Zurriyatihi wa Ahle Baytihi kama Sallaita Aale Ibrahima Innaka Hamidum Majeed.

Yaha aur touzih hai, farmaya ke Durood Bhejo kaho Ay Allah Durood Bhej (Hamare Aaqa wa Maula) Muhammad (SallAllahu Alaihi wa Aalihi wa Sallam) par, fir Huzoor ki Azwaaj par Jo Ummahatul Momineen Hain. Ummahtul Momimeen Azwaje Muttaharat ka Zikr karke fir Farmaya Zurriyatihi wa Ahle Baytihi, yaani Huzoor ki Zurriyat (Nasl) par Huzoor ki Ahle Bayt par. Azwaje Mutaharat ka Zikr alag se kardiya, fir Zurriyat aur Ahle Bayt me irtekaaz kiya Maula Ali al Murtaza, Sayyeda Fatimah tuz Zahra aur Hasanain Kareemain (Alaihi-muswalatu was-Salaam) Inko Huzoor ki Ahle Bayt Karaar diya.

Ab Durood ka Hukm, lafz sunlen Sahaba ne pucha tha: Kaifa Nusallai Alaik? Ya RasoolAllah Aap par Durood kaise bhejen? Hame sikha dijiye ke Aap par Durood kaise padha jata hai? Sahaba ne pucha Aap par kaise bhejen, Aaqa SallAllahu Alaihi wa Aalihi wa Sallam sikha dete kaho “Allahumma Salle Ala Muhammad, Kama Sallaita Ala Ibrahim” ye farma dete, to Huzoor par to Durood hojata.

Lekin Aaqa SallAllahu Alaihi wa Aalihi wa Sallam ne Apne Upar padhe jaane waale Durood me APNI ZAAT SE APNI AHLE BAYT KO JUDA NAHI KIYA. Jis tarah Quran-e-Majeed me Allah Pak ne Huzoor ki Jaan-e-Mubarak se Maula Ali ko Sayyeda Fatimah tuz Zahra ko aur Hasan-o-Hussain Alaihi-muswalatu was-Salaam ko juda nahi kiya (Aayat-e-Mubahla). Jis tarah Ye 4 Tan Aaqa SallAllahu Alaihi wa Aalihi wa Sallam ke Tan-e-Mubarak ke saath Allah Pak ne Jod diye, is tarah Durood-e-Pak me Aaqa SallAllahu Alaihi wa Aalihi wa Sallam ne Apni Zaat-e-Pak ke saath Azwaje Mutaharat, Apni Zurriyat aur Ahle Bayt ko Jod diya, yaani matlab hua AGAR INPAR DUROOD NA PADHO TO MUJHE APNA DUROOD BHI KABOOL NAHI!

Fir Ahle Bayt ko Jod kar Allah Pak ne ye Durood Namaz me rakh diya. Assalamu Alaika Ayyuhan Nabiyyu alag kehalwa diya aur Durood ke Muqaam par Allahumma Salli Ala Muhammadiw wa Ala AALI MUHAMMADIN. Huzoor ki Aal aur Ahle Bayt par Durood ko Namaz ka hissa banadiya. Namaz ka Hissa banakar Aaqa SallAllahu Alaihi wa Aalihi wa Sallam ke saath Ahle Bayt-e-Pak ko paiwast kardiya. Ab jo shakhs Inko Huzoor se juda karna chahe, uska Imaan he khatm hoga! Imaan ke hote hue Inko Juda koi nahi karsakta!
Haan Imaan ko khud se juda karde to fir Ahle Bayt ko Mustafa se juda karlo.”

SallAllahu Alaihi wa Aalihi wa Sallama

-Shaykh-ul-Islam Dr. Tahir-ul-Qadri

Allahumma Salle Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahbihi wa Baarik wa Sallim.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s