Hazrat Usman Ghani (R.A)

Image result for Hazrat Usman Ghani (R.A)

maxresdefault

 

Hazrat Usman (R.A) belonged to a noble family of Quraish a tribe of Mecca. He was born in 573 A.C. He (R.A) was from the “Umayyah” family of Quraish that was a well reputed and honorable family of Mecca during the pre-Islamic days. His inherited name was “Abu Amr” but he (R.A) was commonly known as “Usman ibn Affan” as his father was “Affan bin Abul-As”.

Hazrat Usman was one of the known people of Mecca who knew reading and writing. He did a business of clothes in which he succeeds and became rich. He used to spend his money on helping poor and needy people. Due his noble acts Meccans had great respect for him in their hearts.

Companion of prophet in heaven

Acceptance of Islam

Hazrat Usman (R.A) was one of those people who accepted Islam in early days when Prophet Muhammad (SAW) started preaching Islam. He (R.A) accepted Islam when Hazrat Abu Bakar (R.A) preached to him. When He (R.A) accepted Islam, people of Quraish started hating him. Even his close relatives started to rebuke him and chastised him severely. He (R.A) got married to Ruqayya (R.A) one of the daughters of Prophet Muhammad (SAW).

Usman (R.A) known as Al-Ghani

Some years later after acceptance of Islam, he married to one of the daughters of Prophet (SAW) Ruqayya (R.A). In spite of his wealth and position, his relatives manipulated him because he had embraced Islam, and he was forced to immigrate to Abyssinia. Sometime later he returned to Mecca but soon migrated to Medina with the other Muslims. In Medina, his business again began to flourish and he regained his prior success. Usman’s generosity had no limits. On various occasions, he spent a great portion of his wealth for the welfare of the Muslims, for charity and for preparing the Muslim armies. When the Emigrants from Mecca came to Medina, they had great difficulty in getting drinking water. Hazrat Usman (RA) bought a well named “Bi’r-i-Rumah” from a Jew against twenty thousand dirhams for free use of Muslims. That was the first trust ever made in the history of Islam. The Holy Prophet (PBUH) gave him the glad words of Paradise for this act. That is why he came to be known as ‘Al-Ghani’ meaning ‘The Generous.’

Usman (R.A) also known as “Dhun-Nurain”

Hazrat Usman (R.A.) migrated with other Muslims to Medina. He could not participate in the first battle of Islam against non-believers of Mecca at Badr because his wife Ruqayya (R.A) was very ill. She died before the Muslims returned from Badr after the victory. The Holy Prophet (SAW) gave him glad words that he would get the same reward as though he had participated in the battle. After the death of Ruqayya (R.A.), the Holy Prophet (SAW) married his next daughter, “Umm Kulthum” with him and he was given the title of “Dhun-Nurain” i.e., the man with two lights because He (R.A) married with two daughters of Prophet Muhammad (SAW).

Writer of Quranic Revelations

Hazrat Usman (R.A) had a great command over Arabic language and also he had beautiful handwriting. Due to this Holy Prophet (SAW) appointed him as one of the noble scribes of Holy Revelations.

Great Islamic Scholar

Hazrat Usman (R.A) was not only a huge intellectual on the subject of Quranic Revelations and their Shan e Nazool but also was its Hafiz (person remembering Quran in its memory). He used to explain the Ayahs very well and was thought to be an authority in this regard. He was one of the few Companions who excelled in deriving laws from the verses of the Holy Quran. His opinions and judgments have been mentioned in books. He was considered an authority on the laws of Hajj. He was great Islamic scholar as he knew reading and writing even before the acceptance of Islam.

As a Third Caliph of Islam

After the death of the second Caliph Hazrat Umar (R.A), Hazrat Usman (R.A) selected as the third caliph of Muslims. During his caliphate, he regime constituted a glorious period in the history of Islam. The territories of an Islamic state (caliphate) were quietly extended. Though the conquests during his time were not so much in number as during the time of ‘Hazrat Umar (R.A), nevertheless they were not few. He ruled over a vast part of the then known world, right from Kabul (Afghanistan) to Morocco. He put down the rebellions with an iron hand. He continued the tradition of Hazrat Umar (R.A) and expanded the Islamic state to far off non-Arab countries. Did formation of Naval Muslim forces leading to more effective outreach. Ultimate glorification of Islamic State through victories over Byzantine and Roman realms and capturing the North African territories during his caliphate period. Actually, Islam was at the peak of its glory during the period of Hazrat Usman (R.A).

Assemblage of the Complete Holy Quran

At the time of Hazrat Abu Bakr (R.A), Furqan e Hameed was assembled together in written form and was kept with His daughter Hasfa (R.A), the spouse of the Holy Prophet (SAW). But due to the expansion of the Islamic state to other corners of the words, it was felt by Hazrat Usman (R.A) noticed differences in the recitation of Holy Quran. So, he directed Hazrat Zaid bin Sabit (R.A) to make multiple copies of the same Quran he had written in the time of Hazrat Abu Bakr (R.A) to help save the Quranic text from any possible editions and bring people to a common way of recital process. For this, he is known as “Jami’ul-Quran” meaning “The compiler of the Quran.”

Martyrdom of Third Caliph Hazrat Usman (R.A)

Hazrat Usman (R.A) faced the resistance from so-called Muslims who had declared him as the third caliphate of Islam and Muslims. One day when He (R.A) was reciting the Sacred Book of the Almighty Lord in his home, he (R.A) was brutally martyred by heretics. Thus, He (R.A) attained the great status of being called a Martyr and as He (R.A) was assassinated on Friday,12-17 of Dhul Hijjah, 35 A.H, at the age of 84. Ibn Umar (R.A) reported that Allah’s Messenger (SAW) mentioned a fitnah (trial) by saying:

“This innocent one will be killed in that, referring to Usman bin Affan.” (Tirmidhi)

The contributions of the third Caliph of Islam, Hazrat Usman (R.A) are wide range from acceptance of Islam to helping the poor Muslims with his wealth, working for the peace as a caliphate and expanding the outreach of Islam to distant regions, assisting others in religious matters to compiling the entire Holy Quran on one recitation. Hence, he (R.A) truly served the Religion of Islam unselfishly and got the greatest of the possible reward from Allah SWT by naming him among the most righteous companions of the Holy Prophet (SAW) in Paradise. Hazrat Usman (R.A) was a great person and leader. We should follow his lifestyle and teachings in our life.

WhatsApp Image 2019-07-29 at 8.49.26 AM

Hazrat Usmaan Ghani radiy-Allāhu ta’ala anhu :
♦♦♦♦♦♦♦♦♦♦♦♦♦♦♦♦

Alqaab :
‾‾‾‾‾‾‾‾
Zun-Noorain, Ghani, Sayyed-ul-Askhiya.

*****
Aap ki wilaadat 579 A.D. me (Huzoor Rasool-Allāh sallallāhu alaihi wa sallam ki wilaadat ke 6 saal pehle) Taa’if me hui.

Aap ke waalid ka naam Affaan ibn Abul Aas aur waalida ka naam Arwa bint Karaiz hai.

Aap Quraish ke Banu Umayya qabeele se ta’alluq rakhte hain.
Jo Makka ke bahot raees aur izzatdaar khaandaano me se hain.

Aap ki naani Umme Hakeem Baida binte Abdul Muttalib Huzoor sallallāhu alaihi wa sallam ke waalid Hazrate Abdullāh ki Tuwaama (judwa bahen) thi aur Huzoor sallallāhu alaihi wa sallam ki phuphi thi.

***
Aap ne 611 A.D. me Shaam (Syria) se tijaarat ke safar se waapas aane par Hazrate Abu Bakr Siddeeq radiy-Allāhu ta’ala anhu ki daawat se Islaam apnaaya.
Aap musalman hone waale chothe (4) mard hain aur as-Saabiqoon al-Awwaloon me saamil hain.

Aap ke musalman hone par aap ki 2 biwiya : Umme Amr bint Jundab aur Faatima bint Waleed, aap ko chhodkar chali gai.

Aap ke chacha Haqam bin Abul Aas ko jab aap ke musalman hone ka pata chala to unho ne Aap ko pakadkar baandh diya aur kaha ‘Tum apne baap-daada ka deen chhodkar ek naya deen ikhtiyaar karte ho. Main tumhe us waqt tak nahi chhodunga jab tak tum deene Islaam ko na chhod doge.’
Aap ne farmaaya ‘Khuda ki qasam! Main deene Islaam ko kabhi nahi chhodunga aur kabhi is se juda na hounga.’ Baar baar ye jawaab sunkar aakhirkaar aap ke chacha ne Aap ko chhod diya.’

***
Huzoor sallallāhu alaihi wa sallam ke farmaan par 5 Nabawi (614–615 A.D.) me Aap ne apni biwi Ruqayya bint Huzoor Muhammad Mustafa sallallāhu alaihi wa sallam ke saath Habasha (Abyssinia) hijrat ki. Muhaajireen ke is giroh me 11 musalman mard aur 4 aurte thi.

Huzoor sallallāhu alaihi wa sallam ne farmaaya ke ‘Hazrate Uṡmaan Ghani un musalmano me se hai jinho ne deen e islaam ki khaatir sab se pehle hijrat ki hai.’

Phir kuchh waqt baad Aap Hazrate Ruqayya radiy-Allāhu ta’ala anha ke saath Makka waapas aa gaye.

622 A.D. me aap ne apni biwi Hazrate Ruqayya ke saath Madeena hijrat ki aur Aap Hazrat Abu Talha ibn Ṡaabit al-Najjaari radiy-Allāhu ta’ala anhu ke yaha thehre. Phir kuchh waqt baad Aap ne apna khud ka makaan bana liya.
Madeena me sukoonat ikhtiyaar karne ke baad aap Tijaarat ka kaarobaar karte rahe aur aap ki imaandaari ki wajah se ALLĀH ke fazl se aap ke kaarobar me hamesha barkat rahi.

***
Hazrate Uṡmaan Ghani ne Jung e Badr ke ilaawa har Jung me shirkat ki.

Jung e Badr ke mauqe par Aap ki biwi Ruqayyah shadeed beemaar thi aur aap un ki khidmat ke liye rooke the. Lekin jab Jung e Badr me musalmano ki fateh ki khabar mili us se pehle hi Hazrate Ruqayya radiy-Allāhu ta’ala anha ka inteqaal ho chuka tha.

****
Aap Ashra e mubashara me se hain.

Aap ko Huzoor sallallāhu alaihi wa sallam ne 2 baar Jannati hone ki bashaarat di.
Aur Huzoor sallallāhu alaihi wa sallam farmaaya karte the ke ‘Jise Jannati insaan ko dekhna ho wo Hazrate Uṡmaan Ghani ko dekh le.’

***
Huzoor sallallahu alaihi wa sallam aksar Aap ko apne khat likhne ka kaam dete the.
Aur kai baar ‘Wahy’ (Aayate) bhi likhwate the.

****
Aap ki Sakhaawat mash’hoor hai.
Aap ko ‘Ghani’ aur ‘Sayyed-ul-Askhiya’ kaha jaata hai ya’ni ‘Tamaam sakhiyo ke sardaar’.

Aap ko ALLĀH ta’ala ne bahot maal o daulat ata farmaaya tha. Magar Aap hamesha saadgi se rehte the aur sunnat e rasool par amal karte the aur ALLĀH ki raza ke liye ishq e Rasool ke saath zyada se zyada khairaat karte rehte the.

****
Ek martaba Huzooor Nabi e kareem sallallāhu alaihi wa sallam irshaad farmaaya ke ‘Jo shakhs (masjid se mutassil) ghar khareed kar Masjid e Nabawi me saamil kare use ALLĀH ta’ala bakhsh dega.’ Hazrate Uṡmaan Ghani radiy-Allāhu ta’ala anhu ne wo ghar khareed kar masjid me saamil kar diye. Phir ek martaba Huzoor Sayyed e Aalam sallallāhu alaihi wa sallam ne farmaaya ‘Jo shakhs falaan qabeele ke murbad ya’ani khajoore aur galla sookhaane ki jagah khareed kar musalmaano par waqf kar de us ko ALLĀH ta’ala bakhsh dega.’ Hazrat e Uṡmaan Ghani radiy-Allāhu ta’ala anhu ne uss jagah ko khareed kar musalmaano par waqf kar diya. Phir ek martaba Huzoor Nabi e kareem sallallāhu alaihi wa sallam ne irshaad farmaaya ‘Jo shakhs jaish e asraat ka saamaan muhaiyya kar de ALLĀH ta’ala us ko bakhsh dega.’ Hazrate Uṡmaan Ghani radiy-Allāhu ta’ala anhu ne tamaam lashkar ka mukammal saamaan faraaham kar diya, yaha tak ke us me ek uqaal bhi kam na thi.

(Kanzul Ummal, Kitaab ul Fazaa’il, Hadeeṡ -36249)

****
Jab Muhaajireen Makka mukarrama se hijrat karke Madeena munawwara me aaye to yaha ka paani pasand na aaya jo khaari tha.
Madeena Munawwara me ek shakhs ki milkiyat me chashma tha, jis ka naam ‘Beer e Rumaa’ tha. Wo shakhs apne chashme ka paani bechta tha.
Huzoor sallallaāhu alaihi wa sallam ne us se farmaya ‘Tum ye chashma mujhe jannat ke chashme ke badle bech do aur Jannat ka chashma mujh se le lo.’
Us ne arz kiya ‘Mere aur mere baal bacho ki rozi isi se hai. Mujh me taaqat nahi.’

Ye khabar Hazrat Uṡmaan Ghani radiy-Allāhu ta’ala anhu ko pahunchi to aap ne 35000 dirham dekar us shakhs se wo chashma khareed liya.
Phir Aap ne Huzoor Sarware kaunain sallallāhu alaihi wa sallam ki baargaah me haazir hokar arz kiya ‘Ya Rasool-Allāh sallallāhu alaihi wa sallam! Jis tarah aap us shakhs ko jannat ka chashma ata farma rahe the agar main ye chashma us se khareed lu to kya Huzoor wo Jannat ka chashma mujhe ata farma denge?’
Huzoor sallallāhu alaihi wa sallam ne farmaaya ‘Beshak wo main tumhe de dunga.’
Hazrat Uṡmaan Ghani ne khush hote hue arz kiya ‘Ya Rasool-Allāh sallallāhu alaihi wa sallam! Wo chashma maine khareed liya hai aur ab use main musalmano ko waqf karta hu.’

Wo kuan ‘Beer e Uṡmaan’ ke naam se mash’hoor hai. Madeena shareef jaane wale khusnaseeb us kuen ki ziyarat ke liye jaate hain.

****
Ghazwa e Tabook ke dauraan aap ne ek tihaai musalman lashkar (taqreeban 1000 aadami) ka kharch apne zimme liya aur saath me baaqi lashkar ko madad karne ke liye 1000 deenaar aur 1000 oont aut 15 ghode bhi diye.

****
Madeena me musalmano ki ta’adad badhne lagi aur Masjid e Nabawi me jagah kam padne lagi tab aap ne apne maal se aur zameen kharidkar di.

****
Ek martaba Huzoor sallallāhu alaihi wa sallam ne ek shakhs ko Hazrat Uṡmaan radiy-Allāhu ta’ala anhu ke paas bheja. Jab wo Aap ke makaan ke qareeb pahuncha to us ne suna ke Aap apne khaadim se keh rahe hain ke ‘Tune khaane me namak zara zyada daal diya hai. Agar tum namak kam daalte to wo kal ke liye kaam aata.’ Ye sunkar wo shakhs waapas chala gaya.
Dusri martaba jab raat ko wo pahuncha to suna Aap apne khaadim se keh rahe hain ke ‘Tune chiraag ko zara zyada tez rakha hai. Agar tum tail bachaate to wo kal ke liye kaam aata.’ Ye sunkar wo waapas chala gaya.

Huzoor sallallāhu alaihi wa sallam ne use phir se bheja aur kaha ke ‘Hazrat Uṡmaan ko mera naam dena.’ Us ne aisa hi kiya. To Aap ne kaha ke ‘Tum andar waale kamre me chale jaao aur jo chaho le lo.’ Wo andar gaya aur zaroorat ke mutaabiq maal lekar baahar aaya.
Phir us ne puchha ke ‘Aap apne khaadim ko aisi chhoti baato ke liye daant rahe the aur aaj mujhe itna saara maal de rahe hain. Ye baat meri samajh me nahi aai.’
Aap ne kaha ke ‘Fuzulkharchi gunaah hai. Aur main Pyare Aaqa sallallāhu alaihi wa sallam ki sunnat par amal karta hu. Aur ye sab maal mujhe ALLĀH ne Huzoor sallallāhu alaihi wa sallam ke sadqe me diya hai. Is liye use Aaqa sallallāhu alaihi wa sallam ki raza ke liye kharch karne me mujhe khushi hoti hai. Agar tum pehle hi bata dete to tumhe 3 martaba aana na padta.’

***
Musalman hone ke baad Aap ka ma’amool tha ke Aap har Ju’maa ko ek ghulaam aazaad karte.

Ek martaba Aap ne Huzoor Rasool-Allāh sallallāhu alaihi wa sallam ko apne ashaaba ke saath apne yaha daawat ke liye arz kiya. Huzoor sallallāhu alaihi wa sallam ne daawat qubool farmai.
Waqt par Huzoor sallallāhu alaihi wa sallam apne ashaaba ke saath Hazrat Uṡmaan Ghani ke ghar tashreef le chale. Hazrat Uṡmaan Ghani Huzoor sallallāhu alaihi wa sallam ke pichhe pichhe chalne lage aur aap ke qadam mubarak ginne lage. Huzoor sallallāhu alaihi wa sallam ne puchha ‘Aye Uṡmaan! Kya kar rahe ho?’ Hazrat Uṡmaan ne arz kiya ‘Ya Rasool-Allāh sallallāhu alaihi wa sallam! Mere maa-baap aap par qurbaan ho. Main chaahta hu ki aap sallallahu alaihi wa sallam ke har qadam ke badle me aap ki azamt par ek ek ghulaam aazaad karu.’
Chunaanche, Hazrat Uṡmaan ke ghar tak Huzoor sallallāhu alaihi wa sallam ke jitne qadam pade utne ghulaam Hazrat Uṡmaan ne aazaad kiye.

***
Sulaih Hudaibiyah ke mauqe par Huzoor sallallāhu alaihi wa sallam ne musalmano ki taraf se numainda banaakar Hazrate Uṡmaan Ghani ko Makka bheja. Kaafiro se guftagu me kuchh zyada der hone par musalmano ko andesha hua ke kahin kaafiro ne Hazrate Uṡmaan Ghani ko shaheed na kar diya ho.

Huzoor sallallāhu alaihi wa sallam ne waha maujood sab ashaaba ko bai’at ke liye farmaaya. Sab ashaaba ne Huzoor sallallāhu alaihi wa sallam ke haath par apne haath rakhkar ye ahad kiya ke ‘Agar Hazrate Uṡmaan Ghani ko shaheed kar diya hoga to hum kaafiro ke saath puri taaqat se jung karenge.’
Jise ‘Bai’at al-Ridwaan’ kehte hain.
Aur Huzoor sallallāhu alaihi wasallam ne sab ke saath apna baanya haath rakha aur farmaaya ke ‘Ye mera haath Hazrate Uṡmaan ki taraf se hai.’

Ba’az Sahaaba e kiraam ne kaha ke ‘Hazrat Uṡmaan Ghani khush-qismat hain ke woh Baitullāh shareef ka tawaaf karke aaenge.’
Huzoor sallallāhu alaihi wa sallam ne farmaaya ‘Uṡmaan mere baghair tawaaf nahi karenge.’
Hazrat Uṡmaan Ghani Makkah se jab waapas aaye to sahaaba ne un se puchha ke ‘Kya aap ne Baitullāh ka tawaaf bhi kiya?’
Aap ne jawaab diya ‘ALLĀH ki qasam. Quraish tawaaf karne ke liye israar karte rahe. Lekin agar main waha [Makkah me] ek saal bhi muqeem rehta to bhi Huzoor Nabi e kareem sallallāhu alaihi wa sallam ke baghair tawaaf na karta.’

***
Ek martaba Huzoor sallallāhu alaihi wasallam ki baargaah me ek Janaaza laaya gaya. Aap ne us ki namaaz e janaaza padhaane se inkaar kiya.
Aur farmaaya ‘Ye Uṡmaan se bughz rakhta tha. Lihaaza ab ALLĀH bhi is shakhs se naraaz hai.’

***
7 Hijri (629 A.D.) me Jung e Khaibar ke baad Aap ne Huzoor sallallāhu alaihi wasallam ke saath Umrah kiya.

8 Hijri (630 A.D.) me Fateh Makka ke baad Aap ki waalida aur pariwaar musalman hua.

9 Hijri (631 A.D.) me Aap ne Ameer-ul-Hujaaj Hazrat Abu Bakr Siddeeq radiy-Allāhu ta’ala anhu ke saath Hajj ada kiya.
Phir 10 Hijri (632 A.D.) me Huzoor sallallāhu alaihi wasallam ke saath Hajj ada kiya.

***
Huzoor sallallāhu alaihi wasallam ke wisaal ke baad Hazrat Umar Faarooq radiy-Allāhu ta’ala anhu ke baad Aap ne Hazrat Abu Bakr Siddeeq radiy-Allāhu ta’ala anhu se Bai’at ki.
Aap Hazrat Abu Bakr Siddeeq radiy-Allāhu ta’ala anhu ke musheer rahe.
Hazrat Abu Bakr Siddeeq radiy-Allāhu ta’ala anhu ne apne wisaal ke waqt aap se Hazrat Umar Faarooq radiy-Allāhu ta’ala anhu ko khalifa banaane ki wasiyat ki.

***
Aap 5 Moharram 24 Hijri (11 November 644 A.D.) ko Hazrat Umar Farooq radiy-Allāhu ta’ala anhu ke baad teesre Khalifa hue.

Aap ke zamaane me Islaami saltanat Asia aur Africa me Faars (Iran) aur Khurasan (Afghanistan) tak aur Tunisia aur Morocco tak phaili.

Aap ke zamaane me Qur’an majeed ko jama karke Kitaab banane ka kaam mukammal hua, jo Hazrate Abu Bakr Siddeeq radiy-Allāhu ta’ala anhu ke zamaane me Hazrate Umar Faarooq radiy-Allāhu ta’ala anhu ke mashware par shuru kiya gaya tha.

*******
Ek martaba ek shakhs ne raasta chalte hue ek ajnabi aurat ko ghoor ghoor kar galat nazar se dekha. Is ke baad wo Ameer ul Mo’mineen Hazrat Uṡmaan Ghani radiy-Allāhu ta’ala anhu ki khidmat me haazir hua to us shakhsh ko dekhkar aap ne pur jalaal lehje me irshaad farmaaya ‘Tum log aisi haalat me mere paas aate ho ki tumhari aankhon mei Zina ke asraat hote hain.’ Us shaks ne kaha ki ‘Aye Ameer ul Mo’mineen! Kya Rasool-Allāh ke baad aap par ‘Wahi’ utarne lagi hai? Aap ko kaise maaloom hua ki meri aankhon me Zina ke Asraat hain?’
Aap ne irshaad farmaya ‘Mere upar Wahi to naazil nahi hoti magar maine jo kaha wo bilkul sachi baat hai, Kyun ki ALLĀH ta’ala ne mujhe aisi Firaasat ataa farmai hai jis se main logon ke dilo ke haalaat aur khayaal jaan liya karta hu.’

***
Aqwaal :
‾‾‾‾‾‾‾‾‾‾
Aap farmaate hain :
(1) Ta’ajub hai us par jo Jannat par eimaan rakhta hai aur phir dunya ke aish o aaram se waabasta rehta hai.
Ta’ajub hai us par jo Dozakh (ke azazb) ke baare me jaanta hai phir dunya me gunaah se door nahi hota.
Ta’ajub hai us par jo shaitaan ko dushman jaanta hai aur phir us ki ita’at karta hai.
(2) Gunaah kisi na kisi surat me dil ko pareshaan rakhta hai.
(3) Zabaan ki lagzish paanv ki lagzish se zyada khatarnaak hai.
(4) Khaamoshi gusse ka behtareen ilaaj hai.
(5) Haqeer se haqeer paisha ikhtiyar karke mehnat karna haath failaane se zyada behtar hai.
(6) Kisi ki aankh tumhari wajah se nam na ho,
Kyun ki tumhe us ke har aansoo ka qarz chukana hoga.
(7) Hamesha sach bolo taake qasam khaane ki zaroorat na pade.
(8) Dunya ke liye pareshaan hona ye qalb ki taariki hai aur aakhirat ke liye pareshaan hona ye qalb ka noor hai.

***
Pariwaar :
‾‾‾‾‾‾‾‾‾‾‾‾
Musalman hone se pehle Aap ki 2 biwiya, 6 bete aur 2 betiya thi.
(1) Umme Amr bint undab se
4 bete : Amr, Khaalid, Aban, Umar;
1 beti : Maryam.

(2) Faatimah bint Waleed se
2 bete : Waleed, Saeed;
1 beti : Umme Saeed.

♦ In me se sirf Hazrate Aban radiy-Allāhu ta’ala anhu musalman hue.

Musalman hone ke baad Aap ki 6 biwiya aur 3 saahabzaade aur 4 saahabzaadiya hain.

(1) Ruqayya bint Huzoor Muhammad Mustafa sallallāhu alaihi wa sallam (Wisaal 2 Hijri) se
1 beta : Abdullāh.
(2) Umme Kulṡoom bint Huzoor Muhammad Mustafa sallallāhu alaihi wa sallam (Wisaal 8 Hijri).
(3) Fahida bint Ghazwan se
1 beta : Abdullāh al-asghar.
(4) Ummul Baneen bint Einiyah se
1 beta : Abdul Malik.
(5) Ramla bint Shaibah se
3 betiya : Aa’isha, Umme Aban, Umme Amr.
(6) Nailah bint Fraizah se
1 beti : Maryam.

♦ Aap ke teeno bete kam umr me wafaat paaye.

***
Huzoor sallallāhu alaihi wa sallam ki 2 saahabzaadiya ek ke baad ek Aap ke nikaah me aai. Is liye Aap ko ‘Zun-Noorain’ kaha jaata hai.

Huzoor sallallāhu alaihi wa sallam kehte the ‘Agar meri aur koi beti hoti to main wo bhi Uṡmaan Ghani ke nikaah me deta.’

***
35 Hijri me Kufa, Basra aur Misr (Egypt) se 3000 baaghi Madeena ke ird gird ke ilaake me jama hue. Phir unho ne hamla karke Hazrate Uṡmaan Ghani radiy-Allāhu ta’ala anhu ke makaan par ghera daala. Aap ne apne saathiyo ko musalmano ke khilaaf jang karne se mana farmaaya. Baaghiyo ne Aap ke ghar me khaane peene ki cheeze pahunchane par rok laga di.
Hazrate Hasan ibn Ali, Husain ibn Ali , Abdullāh ibn Zubair radiy-Allāhu ta’ala anhuma ne Aap ki hifaazat ke liye aap ke ghar par pehra diya.
Jab balwaiyo ne dekha ke darwaaze se andar jaana mumkin nahi to ghar ki chhat par chadh gaye aur use todkar andar pahunche.
Unho ne tilaawate Qur’an kar rahe Hazrate Uṡmaan Ghani ke sar par zordar waar kiya aur aap ko zahkmi kar diya.
Jab Aap par waar kiya gaya to aap ne farmaya ‘Bismillāhi tawakkaltu al-Allāh.’ Aur Aap ki daadhi mubarak se behta hua khoon Qur’an majeed par girne laga.
Maana jaata hai ke Aap ko jakhmi karke shaheed karne wale ka naam ‘Hemaar’ tha.

Shahaadat se kuchh waqt pehle Aap ne apne ashaab se farmaaya ke ‘Mujhe khwaab me Huzoor Rasool-Allāh sallallāhu alaihi wa sallam ne farmaaya ki Aye Usmaan, aaj iftaar hamare saath karna. Is liye aaj maine roza rakha hai.’
Aap ki ahlya mohtarama farmaati hain ke Aap ko neend aai aur bedaar hote hi aap ne farmaaya ‘Ye muhaasara kiye hue log mujhe shaheed kar denge. Maine kaha ‘Aye Ameer ul mo’mineen, Hargiz nahi.’ Aap ne farmaaya ‘Huzoor Sarware Kaunain Rasool-Allāh sallallāhu alaihi wa sallam ne khwaab me aakar farmaaya Tum is Jum’aa ko hamare paas haazir hone waale ho.’

***
Aap ka wisaal 12-17 Zil Hijjah 35 Hijri (656 A.D.) ko 77 baras ki umr me hua.
Aap ki namaaz e janaaza Hazrat Jaabir bin Muta’am radiy-Allāhu ta’ala anhu ne padhaai.

Aap ka mazaar Jannatul Baqi, Madeena munawwara me hai.

***
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Uṡmaan Ghani radiy-Allāhu ta’ala anhu aur Ashaaba ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.