Hadith on Hazrat Salman Farsi R.A

*Wo 4 Sahabi e Rasool Jinse Allah Aur Uska Rasool Muhabbat Karte Hain*

Hazrat Ibne Buraidah Razi Allahu Tala Anhu Se Riwayat Hain Unhone Apne Walid Se Suna Ke Huzoor Nabi e Kareem Sallallahu Alaihi wa Aala Aalehi wa Sallam Ne Farmaya : Allah Ne Mujhe 4 Logo Se Muhabbat Karne Ka Hukum Diya Hai Jinse Wo Khud Muhabbat Karta Hai, Kisi Ne Arz Kiya Ya Rasool Allah Sallallahu Alaihi wa Aala Aalehi wa Sallam Un 4 Ke Naam Kya Hain ? Huzoor Sallallahu Alaihi wa Aala Aalehi wa Sallam Ne 3 Martaba Farmaya : Ali Unme Se Ek Hain, Ali Unme Se Ek Hain, Ali Unme Se Ek Hain Aur Phir Baqi 3 Naam Farmaye Wo 4 Naam Ye Hain 1. Hazrat Ali Bin Abu Talib Alahis Salam, 2. Hazrat Abuzar Ghaffari Razi Allahu Tala Anhu, 3. Hazrat Salman Farsi Razi Allahu Tala Anhu, 4. Hazrat Miqdad Bin Aswad Razi Allahu Tala Anhu.

📚 *Reference* 📚
Sunan Ibne Majah, Jild 1, Hadees No 149.

*Hazrat Salman Farsi

Hazrat Salman Farsi Razi Allahu Tala Anhu Ki Zauja Ne Bayan Kiya Ke Jab Salman Farsi Ka Aakhiri Waqt Qareeb Aaya To Aapne Mujhe Apne Qareeb Bula Kar Farmaya Kamre Ke Tamaam Darwaze Khol Do Mere Pas Kuch Mehman Aane Wale Hai Chunache Mene Tamaam Darwaze Khol Diye Phir Aapne Mushk Mangwai Aur Usko Apne Bistar Ke Ird Gird Chidakne Ka Hukum Diya Phir Kaha Ab Tum Mere Pas Se Chali Jao, Me Chali Gayi Kuch Dair Ke Bad Mujhe Aawazen Sunayi Di Aye Allah Ke Wali Aye Rasool Allah Ke Wafadar Dost Aap Par Hamara Salam, Ye Sunkar Me Fauran Kamre Me Dakhil Hui To Dekha Ke Aapki Ruh Parwaz Kar Chuki Hai Aur Aap Bistar Par Yun Lete Hue The Goya So Rahe Hon.

📚 *Reference* 📚
Dalail Al Nabuwah, Imam Abu Al Abbas Al Mustaghfiri, Jild 2, Safa 639.

*Hazrat Salman Farsi

Hazrat Hasan Basri Razi Allahu Tala Anhu Ne Bayan Kiya Ke Hazrat Sayyedna Salman Farsi Razi Allahu Tala Anhu Ko Bait Al Maal Se 5 Hazar Dirham Mila Karte The Lekin Aap Ye Sab Guraba Aur Masakin Par Kharch Farma Dete Aur Khud Khajur Ke Patto’n Se Tokriyan Banakar Guzar Basar Kiya Karte The.

📚 *Reference* 📚
Kitab Al Zuhd, Imaam Ahmad Bin Hanbal, Safa 173.