Hazrat Jabir RadiAllahu Anhu se marvi hai ke Huzoor Nabi Akram SwallAllahu Alaihi wa Aalihi wa Sallam ne Gazwa-e-Taif ke mauqe par Hazrat Ali RadiAllahu Anhu ko bulaya aur unse sargoshi ki. Log kehne lage aaj Aap SwallAllahu Alaihi wa Aalihi wa Sallam ne Apne Chachazaad Bhai ke sath kaafi der tak sargoshi ki. To Aap SwallAllahu Alaihi wa Aalihi wa Sallam ne farmaya: “Maine Nahi ki, balke Khud Allah ne Ussey Sargoshi ki hai.”
Tirmizi: #3726 Ibne Abi Aasim: #1321 Tabrani: Mujam al Kabeer #1756
Maula-e-Kainat Hazrat Sayyeduna Maula Ali al Murtaza KarramAllahu Wajhahul Kareem wa Alaihissalam ke Aise Fazaeel o Manaqib jo aapne shayad he kabhi padhe/sune honge!
1. Hazrat Salman Farsi RadiAllahu Anhu riwayat karte hain ke RasoolAllah SallAllahu Alaihi wa Aalihi wa Sallam ne farmaya: “Mai aur Ali Allah ki Bargah me Noor they. Us Noor ne Allah Ta’ala ki Hamd bayan ki Aadam Alaihissalam ki Takhleeq se 14000 saal pehle! Jab Allah Ta’ala ne Aadam Alaihissalam ko banaya to Us Noor ko Unki Pusht me rakha aur Unse lekar Hum tak is lambe arse me PAK Rehmo aur Sulbo me Muntakil hota raha, yahan tak Hazrat Abdul Muttalib tak pahuncha. Fir Uske 2 Hisse Hue. Ek Hissa Mai Hun Dusra Ali Hai!” (Reference end pe)
2. Dusri Riwayat ke Alfaz hain ke Aaqa SallAllahu Alaihi wa Aalihi wa Sallam ne farmaya: “Aadam Alaihissalam ki Takhleeq se 14000 saal pehle, Mai aur Ali Allah ki Bargah me Ek Noor they. Jab Allah Ta’ala ne Aadam Alaihissalam ko Paida kiya tab Us Noor ke 2 Hisse kiye. Ek Hissa Mai Hun Dusra Ali hai!”
3. RasoolAllah SallAllahu Alaihi wa Aalihi wa Sallam ne farmaya: “Ana wa Ali min Noor e Wahid Ana wa Ali min Shajr e Wahid.” “Mai aur Ali Ek Noor Hain Mai aur Ali Ek He Nasab se Hain!”
4. Aaqa SallAllahu Alaihi wa Aalihi wa Sallam ne farmaya: “Mai aur Ali Ek He Darakht se Paida Hue Hain! (yaani Ek He Shajra, Ek He Nasab)”
5. Aaqa SallAllahu Alaihi wa Aalihi wa Sallam ne farmaya: “Allah ne Mujhe aur Ali ko EK HE NOOR se banaya!”
6. Rasool-e-Akram SallAllahu Alaihi wa Aalihi wa Sallam ne farmaya: “Ali Mera Johar Hai!”
7. RasoolAllah SallAllahu Alaihi wa Aalihi wa Sallam ne farmaya:
“Ali Mujhse Mai Ali se Hun. Usko Meri Mitti se Banaya gaya aur Mujhe Ibrahim Alaihissalam ki Mitti se aur Mujhe Ibrahim Alaihissalam se zyada Bartari Hasil hai.
8. Huzoor SallAllahu Alaihi wa Aalihi wa Sallam ne farmaya: “Ali Mere Jaisa Hai (ka Nafsi)”
9. Aur ek jagah Irshad farmaya “Ali Mere Liye Aise Hai Jaise Mera Sar Mere Jism keliye!”
10. “Ali Mujhse Hai Mai Ali se Hun” (Sahih Bukhari)
11. Hazrat Abdullah ibne Abbas RadiAllahu Anhuma riwayat karte hain ke RasoolAllah SallAllahu Alaihi wa Aalihi wa Sallam ne Maula Ali Alaihissalam keliye farmaya:
FAHUWA MINNI BE MANZILATI HARUNA MIM MUSA, ILLA ANNAHU LA NABIYYU BA’ADI Aur Ye Mere Liye Aise Hai Jaise Hazrat Musa Alaihisaalam keliye Hazrat Harun Alaihissalam, magar ye ke Mere Baad koi Nabi nahi!”
SallAllahu Alaihi wa Ala Aalihi wa Sahbihi wa Baarik wa Sallim Alaihim Afdalus Salawatu was-Salaam
——————————————————————————————————————————
References: 1. Manaqib al-Khawarizmi al-Hanafi, ch.14, pg.88 ——————————————— 2. Imam Ahmad ibn Hanbal, al-Fada’il al-sahaba, vol.2, pg.663 H#1130 from Abdur-Razzak, from Mu’amar, from al-Zuhri, from Khalid ibn Mu’dan, from Zadan, from Salman al-Farsi. (RadiAllahu Anhum) – Imam-al Tabari, al Riyad al Nadirah, vol.2, pg.163- 164 and vol.3 pg.154 – Mustadrak al-Hakim, vol.2 pg.609 – Imam-al Jawzi in Tadhkirat Al-ashy khawass, pg.46 – Musnad al-Firdaus, H#4176 (its mentions 4000 years instead of 14000 years) – Tarikh Damishq ibn Asakir, Vol.3, Pg.154 – Imam Dhahabi Mizan al-itidal, vol.1 pg.235 – Imam al-Razi in Zayn al Fata fi tafsir Surat Hal ata – Imam Ahmad ibn Hanbal in Zawaid manaqib Amir al Muminin, manuscript. This tradition has also been narrated by also Ibn Mardawayh, Ibn Abd al Barr, al Khatib al Baghdadi, Ibn al Maghazili, al-Asimi, Shiruyah al Daylami and others from Imam Ali Alaihissalam, Hazrat Salman , Abu Dharr , Anas ibn Malik, Jabir ibn Abd Allah and other companions (RadiAllahu Anhum Ajmaeen) Musnad Ahmad bin Hanbal, vol.4 pg.66 ———————————————
3. Imam Alusi in Tafsir Ruh al-Ma’ani, Vol.6 pg.186 – Imam Tabarani in Mujam al awsat, vol.3 ———————————————
11. Raawi: Sayyeduna Abdullah ibne Abbas RadiAllahu Anhuma Tabrani, Mujam al Kabir, 12/18, #12341 Haysami, Majma uz Zawaid, 9/111
Allahumma Salle Ala Sayyedina wa Maulana Muhammadiw wa Ala Sayyedina Aliyyuw wa Sayyedatina Fatimah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim.
Aal-e-Qutub Aal-e-Syed Abdullah Shah Ghazi 