Month: September 2021

Kya Syeda-e-Kainaat Fatima Zahra Imam Hasan Imam Hussain Alaihimussalam Huzoor Muhammad Sallallahu Alaihi Wasallam Ke Baad Sab Ambiya-e-kiram Se Afzal Hein..?

(1) Maula Ali Ki Afzaliyat Ki Daleel Huzoor Muhammad Sallallahu Alaihi Wasallam Ne Apna Nafs Qarar Diya Aur Ye Quran Se Sabit Hai Maula Ali Ka Nafse Rasool Hona “Aayat-e-Mubahila Se Sabit Hai”, Huzoor Ne Imam Ali Alaihissalam Ko Maula Kaha Aur Farmaya Mai Jis Jis Ka Maula Ali Bhi Uska Maula Hai (Ye Hadees Imam Bukhari,Imam Muslim,Imam Hakim,Musnad-e-Ahmed Sab Mai Sahih Sanad Se Maujood Hai) Nabi Paak Alaihissalam Hazrat Aadam Ke Bhi Maula, Hazrat Nooh Ke Bhi Maula, Hazrat Isa Ke Bhi Maula, Hazrat Yusuf Ke Bhi Maula, Aur Jitni Bhi Ambiya Aaye Huzoor Alaihissaam Sabke Maula Huzoor Ka Farman Hai Mai Jis Ka Maula Hu Ali Bhi Uska Maula Hai Ab Hazrat Ali Bhi Maula Hue Hazrat Aadam Ke, Hazrat Nooh Ke, Hazrat Yusuf Ke, Hazrat Isa Ke, Hazrat Muhammad Sallallahu Alaihi Wasallam Ke Baad Sabke Maula Hue Farman-e-Rasool Ke Mutabiq Hadees Mai Lafze Maula Se Muraad Sardar,Aaqa Ke Hein.

(2) Syeda Fatima Zahra Salamullah Alaiha Ki Afzaliyat Ki Daleel Huzoor Muhammad Mustafa Sallallahu Alaihi Wasallam Ne Farmaya Fatima Mere Jigar Ka Tukda Hai Jo Tukda Huzoor Alaihissalam Ka Ho Wo Sabse Afzal Hai Usse Badh Ke Kuch Nahi.

(3) Imam Hasan, Imam Hussain Alaihimussalam Ki Afzaliyat Ki Daleel Allah Ke Nabi Ne Aap Dono Ko Jannat Ka Sardaar Kaha Ye Fazilat Hasnain Karimain Ko Hasil Hai.

Note:- Nadan Log In Hastiyon Ko Sahaba-e-kiram Mai Dhoondh Rahe Hein Ke Kon Afzal Hai Kon Nahi Aree Nadanon Ye Wo Paak Hastiya Hein Jo Huzoor Sallallahu Alaihi Wasallam Ke Baad Tamam Ambiya-e-Kiram Par Fazilat Rakhte Hein Yehi Sufiya-e-Kiram Ka Mazhab Hai Aqida Hai Ahle Bait Par Mulla Ye Buland Fazail Ahle Bait Ke Hazam Nahi Kar Pate Isliye To Mulla Kitabon Mai He Reh Jata Hai Aur Faqeer Sufi Allah Tak Pohoch Jata Hai Aur Kissi Maa Ke Laal Mai Himmat Hai To Quran-o-Hadees Se Radd Kare Mulla Maulviyon Ke Fatwe Na Dikhae Hujjat Quran-o-Hadees Hai Mulla Nahi.

Huzoor Qutub-e-Aalam Madare Aazam Syedna Sarkar Shah Niyaz Beniyaz Rehmatullah Alaih Farmate Hein “Aqal Ke Madarse Se Uth Ishq Ke Maikade Mai Aa Jame Fana-o-Bekhudi Ab To Piya Jo Ho So Ho”

Aaqa Sallallahu Alaihi Wa Aalihi Wasallam Ki Sayyedna Abu Talib Alayhissalam Se Muhabbat 🌹

Sayyedna Abu Talib Alayhissalam Bayan Karte Hein Ki Mein Apne Ibn Akhi Yani Muhammad Mustafa Sallallahu Alaih Wa Aalihi Wasallam Ke Saath Maqame Zil Majaz Mein Tha, Isi Ashna Mein Mujhe Shadid Pyaas Mehsus Huyi Toh Mein Ne Aapki Khidmat Mein Apni Pyaas Ke Mutaliq Arz Kiya Aur Mein Dekh Raha Tha Ke Us Waqt Nabi Alayhissalam Par Bhi Tishnagi Galib Hai Magar Na Toh Aap Muztarib Thae Aur Na He Beqarar, Nabi Alayhissalam Ne Meri Guzarish Sunte He Qadam Mubarak Mood Liye Aur Sawari Se Utar Kar Farmaya Chacha Jaan Kya Aapko Pyaas Lagi Huyi Hai? Maine Kaha Haan Toh Aap Ne Apni Aydi Zameen Par Daba Di Aur Zameen Se Paani Ubalne laga Sayyedna Abu Talib Farmate Hein Ke Fir Aapne Mujhe Paani Pene Ka Ishara Farmaya Toh Maine Khub Sair Hokar Woh Paani Piya.

(Tabqat Ibn Saad, Jild-1)

(Imaane Abi Talib, Allama Saim Chishti, Jild-1)

Hazrat Aaisha RadiyAllahu Ta’ala Anha Bayan Karti Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Chhe-06 Bando’n Par Mein La’nat Karta Hoo’n Aur Allah Bhi Un Par La’nat Karta Hai Aur Har Nabi Mustajab-ud-Da’wat Hai Woh Bhi Un Par La’nat Karta Hain :
Jo Kitab-ul-Allah Me Zyaadati Karne Waala Ho Aur Allah Ta’ala Kee Qadar Ko Jhutlaane Waala Ho Aur Zulm-O-Jabar Ke Saath Tasallut (Hukumat) Haasil Karne Waala Ho Taa Ki Us Ke Zariye Use Izzat De Sake Jise Allah Ne Zalil Kiya Hai Aur Use Zalil Kar Sake Jise Allah Ne Izzat Dee Hai Aur Allah Ta’ala Kee Haraam Kardah Chizon Ko Halaal Karne Waala Aur Meri Itrat Ya’ni Ahl-E-Bayt Kee Hurmat Ko Halaal Karne Waala Aur Meri Sunnat Ka Taareek (Tark Karne Waala).”

Is Hadith Ko Imam Tirmidhi, Ibn Hibban Aur Hakim Ne Riwayat Kiya Hai.
–
[Tirmidhi Fi As-Sunan, 04/457, Raqam-2154,

Ibn Hibban Fi As-Sahih, 13/60, Raqam-5749,

Hakim Fi Al-Mustadrak, 02/572, Raqam-3941,

Tabarani Fi Al-Mu’jam-ul-Kabir, 17/43, Raqam-89,

Bayhaqui Fi Shuab-ul-Iman

14_Safar ko Sayyeduna Abu Bakr Siddiq RadiAllahu Anhu ke Shehzade, Maula Ali Alaihissalam ke Adopted Bete (Godh liye hue Bete), Sayyeduna Imam Jafar Sadiq Alaihissalam ke Par-Nana, Hazrat Sayyeduna Muhammad bin Abu Bakr RadiAllahu Anhuma ki Shahadat ka Din hai.

Aapko Maula Ali Alaihissalam ne Apni Khilafat me Egypt ka Governor banakar bheje they lekin bagiyo ke sardar ke hukm par Muawiya bin Hudayj naami zalim ne Hazrat Muhammad bin Abu Bakr RadiAllahu Anhuma ko moblynch karke Shaheed kiya aur fir Aapke Jism-e-Aqdas ko gadhey (donkey) ki khaal me lapet kar jalaya gaya. Itni nafrat thi in zalimo ko Ahle Bayt aur Unke gulamo se.

Aapke Jism-e-Pak ka bacha hua hissa Egypt ke Fustat shehar me dafan kiya gaya.

Allah ke bayinteha Durood o Salam ho Ahle Bayt aur Unke Chahne walo par aur bayshumar lanat ho Unke dushmano par.