Day: September 8, 2021

“Hazrat Aboo Hurayrah RadiyAllahu Ta’ala ‘Anhu Riwayat Karte Hain Ki Hum Ne (Der Se) Isha’ Kee Namaaz Aaqa ‘Alayh-is-Salatu Wa’s-Salam Ke Saath Padhi. Jab Aa SallAllahu Ta’ala ‘Alayhi Wa Aalihi Wa Sallam Sajda Me Gaye Hasan Aur Husayn Dono’n Bhaai Huzoor SallAllahu Ta’ala ‘Alayhi Wa Aalihi Wa Sallam Kee Pusht Mubaarak Par Chadh Gaye, Jab Huzoor SallAllahu Ta’ala ‘Alayhi Wa Aalihi Wa Sallam Ne Sare Anwar Sajde Se Uthaaya To Dono’n Ko Apne Haatho’n Se Aaraam Se Thaam Liya Aur Zameen Par Baitha Liya. Jab Aap SallAllahu Ta’ala ‘Alayhi Wa Aalihi Wa Sallam Sajde Me Jaate To Woh Dono’n Yahi Amal Dohraate Hatta Ki Aap SallAllahu Ta’ala ‘Alayhi Wa Aalihi Wa Sallam Ne Isi Haalat Me Poori Namaz Ada Farmaayi. Phir Dono’n Shehzado’n Ko Apni Goud Me Bethaaya.”
–
[Ahmad Bin Hanbal Fi Al-Musnad, 02/513.]

Yeh Sajda Khuda Ke Huzoor Ho Raha Hai, Huzoor SallAllahu Ta’ala ‘Alayhi Wa Aalihi Wa Sallam Haalate Namaaz Me, Sajde Se Sar Uthaate Huwe Huzoor SallAllahu Ta’ala ‘Alayhi Wa Aalihi Wa Sallam Ne Apne Haatho’n Se Dono’n Shehzado’n Ko Thaam Liya Ki Kahin Yeh Ma’soom Shehzade Neeche Na Gir Jaaein Aur Badi Ihtiyaat Se Unhein Zameen Par Betha Diya. Hasan Aur Husayn Namaaz Ke Dauraan Pushte Mubaarak Par Chadhe Rahe. Huzoor Nabiyye Akram SallAllahu Ta’ala ‘Alayhi Wa Aalihi Wa Sallam Haalate Namaz Me Ihtiyaat Se Unhein Utaarte Rahe Hatta Ki Namaaz Mukammal Huwi Aur Huzoor Nabiyye Akram SallAllahu Ta’ala ‘Alayhi Wa Aalihi Wa Sallam Ne Dono’n Shehzado’n Ko Apne Aaghoshe Mahabbat Me Samet Liya.
–
[Dhib’he ‘Azeem(Dhib’he Isma’il ‘Alayh-is-Salam Se Dhib’he Husayn RadiyAllahu Ta’ala ‘Anhu Tak)/84_85.]
〰〰
Join Karen