Taleemat e Ameer 11

** تعلیمات امیر ( Taleemat e Ameer r.a )
** گیارہواں حصہ ( part-11 )

یہ بھی معلوم ہوا کہ سلسلہ اویسیہ کے متوسلین بڑی عظمت اور ہیبت کے مالک ہوتے ہیں۔ 
ہمعات میں ص۶۳ پر اسی وجہ سے فرمایا کہ ’بسااست کہ اویسی عالم ارواح است اجمالا‘ یعنی سلسلہ اویسیہ عالم ارواح ہے۔ پھرحضرت شاہ ولی اللہؒ ہمعات ص۲۱ پر فرماتے ہیں۔

‘مشائخ عظام میں ایک سلسلہ اویسیہ بھی ہے جس کے سردار خواجہ اویس قرنی ہیں ان کو حضور اکرم ﷺ سے روحانی طور پر فیض حاصل ہوا۔ اور شیخ بدیع الدین کو بھی حضور اکرم ﷺ سے روحانی طور پر فیض ملا اور وہ ہندوستان کے کبار مشائخ سے ہوئے ہیں،
معلوم ہوا کہ اویسی وہ ہوتا ہے جسے کسی ولی اللہ کی روح سے فیض حاصل ہوا ہو۔ 
بڑے بڑے اولیاء اللہ اس سلسلہ اویسیہ کے طریقہ سے فیض لیتے رہے ہیں۔ 
اس سلسلہ والے حضور اکرم ﷺ کی روح پر فتوح سے بھی فیض لیتے ہیں۔ 

📚 ماخز از کتاب چراغ خضر۔