HAZRAT SYED MARDANUDDIN AULIA CHISHTI RAHMATULLAH ALAIH

🌹🌹 707 YEARS OLD MAKAM HAZRAT SYED MARDANUDDIN AULIA CHISHTI RAHMATULLAH ALAIH, DAULATABAD, AURANGABAD, MAHARASHTRA.🌹🌹 ➡️

WILADAT AUR TA’LEEM : Hazrat Syed Mardanuddin Aulia Rahmatullah Alaih Ki Wiladat Iraq Ke Tarikhi Shaher Baghdad Mein Hui. Aap Ne Ibtidai Taleem Apne Walid Se Hasil Farmai Aur Abhi Aap Ne Hosh Bhi Na Sambala Tha ke Aap Ke Walid Ka Wisaal Hogaya.Phir Aap Ke Chacha Jaan Ne Aap ki Taleem Bhi Sambhali Aur Aap ki Kifalat Bhi Ki.Chacha Aur Walid Ke Baad Aap Ne Baghdad Ke Mashoor Aur Aa’la Ulama Se Apni Talim Mukammal Ki. Aap Ne Quran Sharif Ko Bachpan Mein Hi Hifz Kar Liya Tha Aur Phir Ulama Ki Sohbat Se Aap Ne Ilm e Hadees,Fiqah,Tafseer,Falsafa Aur Tamam Uloom Mein Kamal Hasil Kar Liya. Allah Pak Ne Aap Ko Batini Husan Ke Sath Sath Zahiri Husan Se Bhi Khub Khub Nawaza Tha Aur Bachpan Hi Mein Aap Ke Buzrugi Ke Aasar Numaya Hogaye The. Hazrat Syed Shah Maradanuddin Aulia Chishti Nizami Rahmatullah Alaih Khalifa Hai Mahboob e Ilahi Hazrat Khwaja Nizamuddin Auliya Rahmatullāh Alaih Dehlavi Ke. Aap Ne Hazrat Nizamuddin Auliya R.A.Ke Hukum Par Dulatabad Sharif Ko Apni Riyazat Ka Maqam Banaya Aur Yahi Se Deen e Haq ki Aisi Khidmat Anjam Di Ke Aaj Bhi Bila Lihaz Qom o Millat Hindu Muslim Sab Aap Ke Aqidat Mando Mein Shamil Hai.

➡️ HAZRAT BU ALI SHAH QALANDAR R.A.KI AAP SE MUHABBAT : ♥️ Anwar e Khuld Ki Musannifa Asir ul Salikeen Ke Hawale Se Farmati Hai ki Maroof Sufi Hazrat Shaykh Sharfuddin Bu Ali Shah Qalandar R.A. Aap Ko Apna Mahboob Rakhte The Aur Aap Unke Liye Itne Aziz The Ki Hazrat Bu Ali Shah Qalandar R.A. Aap Ko Dekhne Ke Liye Rozana Bila Naga Aap Ke Ghar Tashreef Laya Karte.

➡️ TALASH E MURSHID : Jis Waqt Hazrat Maradanuddin Aulia Rahmatullah Alaih Ki Taleem Puri Hogai To Aap Ne Apni Walida Aur Chacha Se Ijazat Talab Ki aur Talash e Murshid Mein Nikal Pade Aap Ne Sind Ke Raste Se Hind Ka Safar Farmaya Aur Sindh Mein Aap Ne 6 Mahine Qayam Bhi Farmaya Aur Ulamao Se Ilm Bhi Hasil Farmate Rahe Aap Ne Pakpatan Sharif Mein Zuhad ul Ambiya Hazrat Baba Fareeduddin Masood Ganj Shakar Rahamatullah Alaih Ke Astane Par Hazri Bhi Di Aur Chilla Kashi Bhi Farmayi Phir Waha Se Delhi Me Mahboob e Ilahi Hazrat Khwaja Nizamuddin Auliya Rahmatullah Alaih Ki Khidmat Mein Hazri Di Aur Aap Ke Dast E Haq Par Bait Bhi Ki Ek Zamane Tak Aap Ki Khidmat Mein Rahe Phir Murshid e Pak Ne Aap Ko Jab Kamil Darje Par Parwan Chadaya Phir Ek Roz Khilafat Se Bhi Nawaza Aur Deccan Ki Janib Rawana Farma Diya.

➡️ DAULATABAD AAMAD : Jis Waqt Aap Dulatabad Sharif Pohanche Yahan Ek Jadugar Raha Karta Tha Jo Hawa Mein Ud Kar Apna Shikar Karta Tha Hazrat Ek Maqam Par Jakar Tashrif Farma Hue Aur Ek Ladki Wahan Thi Joke Us Jadugar Ki Beti Thi Hazrat Ne Us Se Pani Ki Darkhawast Ki Ladki Ne Kaha Aap Yahan Aaye Hue Hai Agar Is Ki Khabar Mere Baba Ko Ho Jaye To Woh Aap Ka Bura Hashr Kar Denge Aap Chale Jaeeye Aap Ne Farmaya Koi Baat Nahi Jab Us Jadugar Ne Aap Ko Nuqsan Paochane Ki Koshish Ki Aap Ne Apne Khadawan (Chappal) Ko Hukum Diya Ke Usko Jakar Mare Phir Jadugar Ne Shart Rakhi Ke Agar Aap Mujhe Hara Dete Hain To Mein Apne Sare Kunbe Ke Sath Aap Ke Deen Mein Shamil Ho Jaunga ! Phir Usne Puri Taqat Laga Kar Hazrat Par Jadu Se War Kia Lekin Aap Par Uska Koi Asar Nahi Hua. Aap Ne Usko Ek Ishare Se Zamin Mein Dhasa Diya Aur Us Ne Haar Manli Aur Aap Ke Halqa e Iradat Mein Shamil Hogaya… Phir Aap Ne Dulatabad Ko Apna Maqam Bana Liya lekin Tareekh Is Par Khamoosh Hai ki Aap Ne Dulatabad Mein Kitne Sal Qayam Farmaya Aur Aap Ka Wisaal Kis Umar Mein Howa Lekin Sab Ye Zaroor Kahte Hain Ki Aap ka Wisaal 736 Hijri Mein Hua.Jis Waqt Tak Muhammad Tughlaq Apna Dar ul Hukumat Delhi Ko Muntaqil Kar Chuka Tha… Aap Ka Mukhtasar Tazkira Mukammal Tarikh e Islam Mein Mufti Shokat Ali Fahmi Ne Bhi Farmaya Hai.

➡️ WISAAL MUBARAK : Aap Ne 736 Hijri Mein Dulatabad Mein Apni Riyazat Ke Maqam Par Hi Wisaal Farmaya Aur Aap Ke Astane Par Ek Pur Noor Gumbad Tameer Kiya Gaya Ye Kis Ne Tameer Kiya Is Ka To Koi Zikr Nahi Milta Lekin Malik Amber Ke Zamane Mein Aap ke Astane Par Blackstone (Kale Pathar) se Sutoon Banane Ka Zikr Zaroor Milta Hai…. (Aap Ka Maujuda Gumbad Naya Hai Aur Masjid Ko Bhi Tamir Kiya Gaya Hai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s