Zikr e Hazrat Zaid Ibn Ali Shaheed AlahisSalam.

2 Safar ko Unki Shahadat hai Jinke Murid Imam-e-Aazam Abu Hanifa Jaisi Azeem Hasti hai! Unke baareme Muhaddis-e-Akbar Imam Shuabi ne farmaya:
“Allah Ta’ala ki Qasam! Kisi aurat ne bhi Unse zyada Fazilat ka Hamil, Unse zyada Faqih, Unse zyada Shujaah aur Unse zyada Zahid paida nahi kiya!!”

Aur Unke bare Khud Imam-e-Aazam Abu Hanifa RadiAllahu Anhu farmate hain:
“Maine Unke Zamane me Unse zyada Faqih, Unse zyada Aalim, Unse zyada Haazir Jawab, Unse zyada baat ki Wazahat karne wala kisiko nahi dekha!!”

Wo Azeem Hasti hain Imam Hussain Alaihissalam ke Potey, Imam Zainul Aabideen Alaihissalam ke Shahzade, Hazrat Sayyeduna Imam Zaid bin Ali Alaihi-Mussalam!!
(Imam Muhammad al Baqir Alaihissalam ke Bhai)

Aap Ilm o Amal ke Samandar to they he aur Aap Haq ki aawaz buland karne se bhi nahi darte they (jo ke Ahle Bayt-e-Athaar ki Shaan hai!)

Aapne hukumat ke kiye jaane waale zulm ke khilaf aawaz uthayi to hukumat ne Imam Abu Hanifa ko Unke khilaf fatwa deno ko kaha. To Imam-e-Aazam ne fatwa diya ke Jo Imam Zaid Alaihissalam ki Madat karega usko Badr Waalo jaisa Sawab milega!!

Jab Imam Zaid Alaihissalam ko Shaheed kiya gaya to us hukmraan ne Aapke Jism-e-Aqdas se kapde nikaale aur Aapko suli par chadhaya aur kaha ke Ahle Bayt ke Log koi khaas nahi hote Inke Jism bhi maut ke baad sad jaate hain (maazAllah).

To 4 saal tak Aapka (ba-zaahir) murda Jism-e-Pak suli pe latka raha lekin jo bhi shakhs kareeb se guzrata usko Mushk se behtar khushu aati!! Aur Allah ne Aapke Satr ki Hifazat ki!!

Jab Aapke Shahdat ki Khabar Aapke Bhatije Imam Jafar as Sadiq Alaihissalam tak pahunchi to gum ke maare Aap nidhaal hogaye, kai hafto tak Apne Chacha ke gum me rote rahe. Aur farmaya:

“Allah Rabbul Izzat ki Qasam! Imam Zaid Hum me sabse zyada Quran ko padhne waale, Allah ke Deen ki Hum me sabse zyada Samajh bujh rakhne waale aur Hum me sabse zyada Sulah Rehmi karne waale they. Allah Rabbul Izzat ki Qasam! Duniya aur Aakhirat me ab Hum me Unki Misl koi bhi maujud nahi..”

Imam Zaid Alaihissalam Bahot Bade Muhaddis bhi they aur aaj duniya me available gaaliban jo sabse purani Hadees ki Kitaab hai, Wo Imam Zaid bin Ali Alaihi-Mussalam ki Murattab ki hui “Musnad Zaid” hai! Jisme Aapne Apni Sanad se Aaqa SallAllahu Alaihi wa Aalihi wa Sallam ki Ahadees Riwayat ki Hain aur Wo Kitab pdf aur hard copies me kai languages me maujud hai!

kamse kum 2 rakat Nafl padhke Uska Sawab Aapki Bargah me Bataor-e-Hadiya pesh karen.. InshaAllah

Allahumma Salle Ala Sayyedina Muhammadiw wa Ala Aali Sayyedina Muhammadin
(SallAllahu Alaihi wa Ala Aalihi wa Sahbihi wa Baarik wa Sallim)

Tarzuman-E-Hazrat-E-Zain’ul Aba Zaid-As Shaheed
Nusrat-E-Islam Hai Muskil’Kusha Zaid-As Shaheed
Momino Ki Jis Tarah Fariyad Sunte Hai Imam
Ha usi Surat Se Sunte Hai Dua Zaid-As Shaheed
Jo Mila Hai Hazrat-E-Abbas Ko Baad-E-Imam
Bas Wahi Hai Aap Ka Bhi Martaba Zaid-As Shaheed
Ho Yaqee’n Dil Main Aqeedat Main Ho Shamil Gar Khuloos
Khaakh-E-Dar Hai Aap Ki Khaakh-E-Shifa Zaid-As Shaheed
Waqt-E-Muskil Kyu Na Main Aakhir Pukar’u Aap Ko
Aap Bhi To Hai Mere Hajat’Rawa Zaid-As Shaheed 🙏🙏
Jaan Di Hai Aap Ne Bhi Nusrat-E-Shabbbir Main
Aap Bhi To Hai Shaheed-E-Qarbala Zaid-As Shaheed
Sari Duniya Main To Teri Nasl’e Hai Pheli Hui
Kyu Biche Na Fir Tera Farsh-E-Aza Zaid-As Shaheed
Main To In Ko Isliye Kehta Hu “Mehsar” Be-misaal
Phir Na Aaya Is Jaha’n Main Dusra Zaid-As Shaheed

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s