Yaum e Shahdat Sahabi e Rasool

Sahabi e Rasool Baradar e Mola Ali Hazrat Syedna Jafar Tayyar
(Razi Allahu Tala Anhu)

Aapki Wiladat 590 Esvi Me Makkah Sharif Me Hui, Aapki Shahadat 5 Jamadi ul Awwal 8 Hijri Mutabik September 629 Esvi Ko Junge Mu’tah Ke Dauran Hui, Aap Mohsin e Islam Hazrat Syedna Abu Talib (Alaihis Salam) Ke Sahabzade Aur Mola e Kaynat Mola Imaam Ali (Alaihis Salam) Ke Bhai Hain, Aap Ahle Baith Ke Un Afraad Me Shaamil Hain Jinki Shakal o Surat Huzoor (Alaihis Salam) Se Mushabeeh Thi, Aap Islaam Ki Shuruat Me Hi Ameer ul Momineen Hazrat Syedna Abu Bakar Siddique (Razi Allahu Tala Anhu) Ki Dawat Par Musalman Hue, Junge Mu’tah Me Hazrat Zaid Bin Haarisa (Razi Allahu Tala Anhu) Ki Shahadat Ke Bad Muslim Lashkar Ka Alam Hazrat Jafar Tayyar Ne Thaam Liya Aur Bhut Bahaduri Ke Sath Dushmano Se Ladte Rahe, Jab Aapka Ghoda Jakhmi Ho Gya To Aap Paidal Ladne Lage Aur Dushmano Ne Jab Har Taraf Se Waar Karna Shuru Kar Diya To Pehle Aapka Ak Baazu Shaheed Hua, Aapne Dusre Bazu Se Alam Ko Thama Aur Isi Tarha Ladte Rahe, Jab Dushmano Ne Dusra Baazu Bhi Juda Kar Diya Tab Aapne Dono Baazuo Ke Bache Hue Hisso Ko Jodkar Alam Ko Apne Sine Se Laga Liya Lekin Alam Ko Girne Na Diya, Aakhir Usi Halat Me Aap Shaheed Ho Gye, Aapki Is Aazeem Qurbani Ka Allah Kareem Ne Ye Inaam Ata Farmaya Ke Aapke Shaheed Hue Baazuo Ke Badle 2 Par Ata Farmaye, Chunaache Ap Tayyar (Flyer) Aur Zul-Janaheen (The Winged) Ke Alqaab Se Mashoor Hain, Aapka Mazar Mubarak Mu’tah, Jordan Me Marjai Khaliak Hain…

Yaume Shahadat

Sahabi e Rasool Hazrat Syedna Zaid Ibn Haarisah (Razi Allahu Tala Anhu)

Aapki Wiladat 581 Esvi Me Najd Me Hui, Aapki Shahadat 5 Jamadi ul Awwal 8 Hijri Mutabik September 629 Esvi Ko Jange Mu’tah Ke Dauran Hui, Jab 609 Esvi Me Huzoor (Alaihis Salam) Ne Islaam Ki Dawat Di To Aap Foran Islaam Me Daakhil Ho Gye, Aap Islaam Me Daakhil Hone Wale Sabse Pehle 3 Sahabi e Rasool Me Shaamil Hain, Huzoor (Alaihis Salam) Aapse Bhut Muhabbat Karte The Aur Habeeb Kehkar Bulaate The, Jab Huzoor (Alaihis Salam) Ne Sahaba Me Aapas Me Mawakhaat Qaaim Ki To Aapko Apne Chacha Hazrat Syedna Humza Bin Abdul Muttalib (Razi Allahu Tala Anhu) Ka Bhai Banaya, Aap Ak Aese Sahabi e Rasool Hain Jinka Naam Quran Sharif Me Aaya Hain, Aapne Junge Badr Junge Uhud Junge Khandaq Junge Khaibar Me Shamil Hokar Apni Shujaat Dikhai, Huzoor (Alaihi Salam) Ne Aapko 7 Jung Me Islami Fauj Ka Salaar Banakar Bheja Tha, Jung e Mutah Me Aapne Bhut Bahaduri Ke Sath Jung Ki Magar Shadeed Jakhmi Hokar Aakhirkaar Shaheed Ho Gye, Aapka Mazar Mubarak Mu’tah, Jordan Me Marjai Khaliak Hain…

5 Jamadi ul Awwal

Yaume Shahadat

Sahabi e Rasool Hazrat Syedna Abdullah Ibn Rawaahah
(Razi Allahu Tala Anhu)

Aapki Shahadat 5 Jamadi ul Awwal 8 Hijri Mutabik September 629 Esvi Ko Junge Mu’tah Ke Dauran Hui, Aap Madina Pak Ke 12 Aadmiyo Ke Us Giroh Me Shaamil The Jisne 11 Nabawi 621 Esvi Me Maqaam e Aqaba Par Huzoor (Alaihis Salam) Se Baiat e Ula Ki, Iske Bad 12 Nabawi 622 Esvi Me Maqaam e Aqaba Par Huzoor (Alaihis Salam) Se Phir Se Baiat Ki, Aur Har Haal Me Unki Ita’at Karne Ka Waada Kiya, Huzoor (Alaihis Salam) Ne Hazrat Miqdaad Ibn Muhajir (Razi Allahu Tala Anhu) Ko Aapka Bhai Banaya, Aap Shaayaraan e Islaam Me Shamil Hain, Aapne Kai Mauqe Par Huzoor (Alaihis Salam) Ki Shaan Me Qaseeda Padhe Hain, Aapne Junge Badr Junge Uhud Junge Khandaq Junge Khaibar Me Shaamil Hokar Apni Shujaat Dikayi, Jung e Mutah Me Hazrat Zaid Bin Haarisa (Razi Allahu Tala Anhu) Aur Hazrat Jafar Tayyar (Razi Allahu Tala Anhu) Ki Shahadat Ke Bad Aap Islami Lashkar Ke Salaar Bane, Aapne Bhut Bahaduri Ke Sath Jung Ki Magar Ak Kafir Ne Khanjar Se Aapke Chehre Par War Kiya Aap Shadeed Zakhmi Hone Ke Ba Wajood Bahaduri Se Jung Karte Hue Shaheed Ho Gye, Aapka Mazar Mubarak Mu’tah, Jordan Me Marjai Khaliak Hain…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s