Hadith : Manaqib e Fazail Hazrat Khadijah SalamUllahAlaiha

Allahu Akbar Kya Shaan Hai Sayyeda Khadijah Salamullah Alaiha Ki Ke Khud Haq Ta’ala Unhein Salam Pohchata Hai ❤

Imam Ali Alayhissalam Farmate Hein Ke Rasoolullah (ﷺ) Ne Farmaya Apne Zamane Mein Maryam Sabse Afzal Aurat Thin, Aur Is Ummat Mein Khadijah Sabse Afzal Hein.

(Sahih Bukhari, Hadees-3815)

Sayyeda Ayesha RadiAllahu Anha Bayan Karti Hein Ke Rasoolullah (ﷺ) Ne Sayyeda Khadijah Salamullah Alaiha Ki Wafat Tak Dusri Shaadi Nahi Ki.

(Sahih Muslim, Hadees-6157)

Sayyeda Ayesha Farmati Hein Maine Rasoolullah (ﷺ) Ki Kisi Zauja Par Itna Rashk Nahi Kiya Jitna Sayyeda Khadijah Par Kiya, Kyunki Rasoolullah (ﷺ) Aksar Unka Zikr Kiya Karte Thae Unhone Bayan Kiya Ke Aap (ﷺ) Se Mera Nikah Unki Wafat Ke Baad Hua Tha Aur Allah Ne Unhein Hukm Diya Tha Ya Sayyedna Jibraeel Alayhissalam Ke Zariye Ye Paigham Pohchaya Tha Ke Aap (ﷺ) Unhein Jannat Mein Motiyon Ke Ek Mahal Ki Basharat De Den.

(Sahih Bukhari, Hadees-3816)

Sayyeda Ayesha Farmati Hein Maine Rasoolullah (ﷺ) Ki Kisi Zauja Par Itna Rashk Nahi Kiya Jitna Sayyeda Khadijah Par Kiya, Halake Maine Unko Dekha Tak Nahi Magar Wajah Ye Thi Ke Rasoolullah (ﷺ) Unka Zikr Bohot Kiya Karte Thae Aur Jab Kabhi Bakri Zibah Karte Toh Uske Paarche Bana Kar Sayyeda Khadijah Ki Dost Auraton Ko Bhej Dete Mein Kabhi Aapse Yun Kehti Shayad Khadijah Ke Siwa Aur Duniya Mein Koi Aurat Thodi Thi Toh Rasoolullah (ﷺ) Farmate Khadijah Mein Ye Sifatein Thi Aur Meri Aulad Unhi Ke Pait Se Huyi.

(Sahih Bukhari, Hadees-3818)

Ismail Ne Bayan Kiya Ke Maine Abdullah Bin Abi Aufa Se Pucha Rasoolullah (ﷺ) Ne Sayyeda Khadijah Ko Basharat Di Thi? Unhone Farmaya Ke Haan Jannat Mein Motiyon Ke Ek Mahal Ki Basharat Di Thi Jahan Na Koi Shor Hoga Na Koi Gham Aur Na Thakan Hogi.

(Sahih Bukhari, Hadees-3819)

Sayyedna Abu Hurairah Bayan Karte Hein Ke Jibraeel Alayhissalam Rasoolullah (ﷺ) Ki Khidmat Mein Hazir Huye Aur Arz Kiya Ya Rasoolullah! Ye Khadijah Aapki Khidmat Mein Hazir Hein Inke Pas Ek Bartan Hai Jismein Salan Hai Ya Farmaya Khana Ya Koi Aur Mashrub Hai, Jab Ye Aapke Pas Aayen Toh Unko Unke Rab Ki Janib Se Salam Pohcha Dijiyega Aur Meri Taraf Se Bhi Aur Unhein Jannat Mein Motiyon Ke Mahal Ki Basharat De Dijiyega Jahan Na Shor Hoga Aur Na Takleef Aur Thakan Hogi.

(Sahih Bukhari, Hadees-3820)

*10 Ramzan ul Mubarak*

*Yaume Wisaal*

*Zuaja e Imaam ul Ambiya Madar e Syyeda e Kaynat Malka e Arab Mohsina e Islaam Ummul Momineen Hazrat Syyeda Khadija tul Kubra (Salamun Aleha)*

*Aapki Wiladat 555 Esvi Me Hui, Aapka Wisaal 10 Ramzan ul Mubarak 10 Nabawi Mutabik 619 Esvi Me Hua, Aap Shehansha e Qull Huzoor Ahmad e Mujtuba Muhammad Mustafa (Sallallahu Alaihi wa Aala Aalehi wa Sallam) Ki Pehli Zauja e Mohtarma Syyeda e Kaynat Syyeda Fatima Zehra (Salamun Aleha) Ki Walida Majida Aur Hazraat e Hasnain Karimain (Alaihimus Salam) Ki Nani Jan Thi, Aapke Damad Mola e Kaynat Mola Imaam Ali (Alaihis Salam) Aur Ameer ul Momineen Hazrat Syedna Usman Ghani (Razi Allahu Tala Anhu) Hain, 595 Esvi Me Huzoor (Alaihis Salam) Ne 4 Miskaal Sona Maher Ke Ewaz Me Aapse Nikah Farmaya, Khutba e Nikah Mohsine Islaam Hazrat Syedna Abu Talib (Alaihis Salam) Ne Padha, Huzoor (Alaihis Salam) Ne Aapse Bhut Zada Muhabbat Farmate The, Aapki Hayaat Me Huzoor (Alaihis Salam) Ne Kisi Dusri Aurat Se Nikah Nahi Kiya, Hazrat Syedna Ibrahim (Razi Allahu Tala Anhu) Ke Alawa Huzoor (Alaihis Salam) Ki Tamaam Aulad Apse Hi Hain, Huzoor (Alaihis Salam) Ne Aapki Shan Me Farmaya:- Jis Tarha Apne Zamane Ki Behtareen Aurat Maryam Hain (Hazrat Syedna Isa Alaihis Salam Ki Walida Majida) Aur Apne Zamane Ki Behtareen Aurat Khadija Hain, Aapne Aurto Me Sabse Pehle Islaam Apnaya Aur Huzoor (Alaihis Salam) Ke Sath Namaz Padhna Aur Ibadat Karna Shuru Kiya, Jab Ahle Makkah Ne Huzoor (Alaihis Salam) Ki Mukhalifat Karna Shuru Kiya Tab Aap Har Haal Me Huzoor (Alaihis Salam) Ke Saath Rahi Aur Hosla Deti Rahi, Aapka Is Ummat Par Aesa Ehsan Hain Jo Koi Ada Nahi Kar Sakta Aapne Sabse Pehle Apna Maal Islaam Ke Liye Kharch Kiya, Aapne Apni Tamaam Milkiyat Huzoor (Alaihis Salam) Ko De Di Thi, Khud Allah Kareem Aur Hazrat Jibrael (Alahis Salam) Aap Par Apna Salaam Bhejte Hain, Jis Saal Aapka Wisaal Hua Usi Saal Hazrat Syedna Abu Talib (Alaihis Salam) Ka Bhi Wisaal Hua Tha, Huzoor (Alaihis Salam) Ko Aap Dono Ke Duniya Se Tashrif Le Jane Ka Itna Gum Hua Aapne Us Pure Saal Ko Gum Ka Saal Karar Diya, Aapka Mazar Mubarak Jannat ul Mualla, Makka Mukarrama, Saudia Arabia Me Marjai Khaliak Hain…*

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s