Hadith:Duniya ka sabse badtareen aadmi

*Duniya ka sabse badtareen aadmi…
*
“Hazrat Ammar bin Yasir RadiAllahu Anhu bayan karte hain ke gazwa “Zaatul Ushaira” me Hazrat Ali Alaihissalam aur mai ek dusre ke saath they pas jab Huzoor Nabi-e-Akram SallAllahu Alaihi wa Aalihi wa Sallam us jagah aaye aur wahan qayaam farmaya, humne Banu Mudlij ke logo ko dekha ke wo ek khajoor taley Apne ek chasme me kaam karrahe hain. Hazrat Ali Alaihisslaam ne mujhe farmaya: Ay Abul Yaqzaan tumhari kya raaye hai agar hum un logo ke paas jaaye aur dekhen ke wo kya kar rahe hain? Pas hum unke paas aaye aur unke kaam kpkuch der tak dekha fir hame neend aane lagi to mai aur Hazrat Ali RadiAllahu Anhu wahan se chale aur khajooron ke darmiyan mitti par he let kar sogaye. Pas Allah ki Qasam Hame Huzoor Nabi-e-Akram SallAllahu Alaihi wa Aalihi wa Sallam ke alawa kisine nahi jagaya. Aap SallAllahu Alaihi wa Aalihi wa Sallam ne hame Apne Mubarak Qadmon ke mas se jagaya jabke hum khoob khaak aalud hochuke they pas us din Huzoor Nabi-e-Akram SallAllahu Alaihi wa Aalihi wa Sallam ne Hazrat Ali Alaihisalam se farmaya: Ay Abu Turab! Aur ye Aap SallAllahu Alaihi wa Aalihi wa Sallam ne Aap RadiAllahu Anhu ke Jism par mitti ko dekhkar farmaya. Fir Aap SallAllahu Alaihi wa Aalihi wa Sallam ne farmaya: Kya Mai Tumhe 2 babakht tareen aadmiyo ke naam na batau?
Hamne kaha: Haan Ya RasooAllah! Aap SallAllahu Alaihi wa Aalihi wa Sallam ne farmaya:

“Pehla shakhs qaum-e-Samood ka Ahimar tha jisne Swaleh Alaihissalam ki untni ki taange kaati thi aur dusra shakhs wo hai jo Ay Ali jo Tumhare Sar par waar karega. Yahan tak ke (khoon se ye) Daadhi tar haoajegi.”

Imam Ahmed, Musnad, 4/263, Hadees no 18321
Imam Nasai, Sunan al Kubra, 5/153, Hadees no. 8538
Imam Hakim, Mustadrak 3/151, Hadees no. 4679

Hadith : SHAAN E MAULA ALI MURTAZA ALAHISSALAM

*Jiski Ye Khwahish ho..*

Hazrat ibne Abbas RadiAllahu Anhuma se riwayat hai ke Huzoor Nabi-e-Akram SallAllahu Alaihi wa Aalihi wa Sallam ne farmaya:

“Jo shakhs ye pasand karta hai, Meri tarah Zindagi basar kare, Meri tarah Wisaal paaye, Jannat-e-Edn uska thikana ho jisey Mere Rabne Sanwara hai, pas wo Mere baad ALI ko Dost rakhe aur Uske dost ko bhi dost rakhe!
Aur Mere baad Aaimma ki iqteda karey kyunki Wo Mera Kumba hai Jinhe Meri Khilqat par Paida kiya hai (aur Unhe) Ilm wa Feham ata kiya gaya hai.
Meri ummat ke unlogo keliye halaqat hai jo Unki Fazilat ka inkar karenge aur unke darmiyan Mere Rishte ko kaatenge. Allah Ta’ala unhe Meri Shafa’at nasib nahi karega.”

Alaihim Afdalus Salawatu was Salaam

Imam Abu Nuaim Asfahaani, Hilyatul Aulia wa Tabqatul Asfia, 1/86,
Rafayi, at Tadween, 2/485

“Aaimma” se murad Aaimma e Ahle Bayt Alaihi-Mussalam!

Allahumma Salli wa Sallim Ala Sayyedina Muhammadiw wa Ala Aali Sayyedina Muhammadin Ala Qadree Muhabbatika Feeh.

*Na pehle Koi Unke Jaisa na baadme koi Un jaisa…*

Ameer ul Momineen Sayyeduna Maula Ali Alaihissalam ki Shahadat ke baad agle din Sayyeduna Imam Hasan Alaihissalam ne logo se Khutba Irshad farmaya:

“Guzishta kal tumse wo Hasti juda hogayi hai Jinse na to guzishta log ilm me sabqat le sake aur na baadme aane waale Unke Martaba-e-ilmi ko paa sakenge. Huzoor Nabi-e-Akram SallAllahu Alaihi wa Aalihi wa Sallam Unko Apna Jhanda dekar bhejte they aur Jibrael Aapki daayin taraf aur Mikaeel Aapki baayi taraf hote they aur Aap RadiAllahu Anhu ko Fatah ata hone tak Aapke saath rehte they.”

Alaihim Afdalus Salawatu was-Salaam

Imam Ahmed, Musnad 1/199, Hadees no. 1719
Tabrani, Al Mujam al Awsat, 2/366, Hadees no. 2155

Allahumma Salli wa Sallim Ala Sayyedina Muhammadiw wa Ala Aali Sayyedina Muhammadin Ala Qadree Muhabbatika Feeh.

SHAANE MAULA ALI MURTAZA

🌹Hazrat maula ali r.z se rivayat hai Rasool Allah ﷺ ne farmaya
👉🏻 _MAI *HIKMAT* KA GHAR HU OR *ALI USKA DARWAZA* HAI._
Ref:- tirmizi sharif 3723

🌹Hazrat Abdullah ibn Abbas r.z se rivayat hai Rasool Allah ﷺ ne farmaya
👉🏻 _*MAI ILM KA SHAHER HU OR ALI USKA DARWAZA* JO IS SHAHER ME DAKHIL HONA CHAHTA HAI USKO CHAHIYE K WO IS DARWAZE SE AAE_ ..

Ref:- hakim al mustadrak 4637