Month: September 2021

14 Safar Yaume Shahadat Hazrat Sayyedna Owis Qarni r.z

HAZRAT OWIS QARNI YAMEN KY HAI. APKA PURA NAME OWIS BIN AMIR QARNI HAI.AP NE PYARE NABI S.A.W.M KA ZAMANA PAYA MAGAR SARKAR S.A.W.M KI ZIYARAT NA KAR PAE..PYARE NABI A.S HAMESHA QARAN KI TARAF RUKH KR APNE KAMEZ KI BOTON KO KHOL KR FARMATE KY MUJHE QARAN SE MOHABBAT KI HAWAE ATI HAI. HAZRAT OWIS QARNI PYARE NABI A.S SE BAHOOT MOHABBAT FARMATE THE.. OR ZABANE RISALAT S.A.W.M SE BHI HAZRAT OWIS R.Z KY LIYE IRSHAD HOTA HAI…OWIS QARNI KHAIRUTTABAIN HAI. WOJO SHAKAS OWIS HAI WO APNI MAA KY SATH APNE RAB KO PUKARTA HAI…REF ALHAKIM MUSTADRAK., HUZOR AS NE IRSHAD FARMAYA THA TUM ME JO SHAKAS OWIS KO PAAE US SE APNI MAGFERAT KI DUA KARWAE. REF MUSLIM SHARIF.EK RIVAYAT ME YE BHI MILTA HAI KY RASOOL ALLAH S.A.W.M NE MAULA ALI R.Z OR

HAZRAT UMAR R.Z SE FARMAYA THA MERAYE JUBBA OWIS KO MERI TARAF SE TOHFA DENA OR MERI UMMAT KI MAGFERAT KI DUA KARWANA.. LEHAZA JAB YE DONO HAZRAT HAZRAT OWIS TAK POHCHE TO HAZRAT OWIS R.Z NE SOWAL FARMAYA KY RASOOL ALLAH A.SKI PESHANI PE KITNE SHIKAN THE…JAB KOI

JAWAB MUSOL NAI HOA TO HAZRAT OWIS NE FARMAYA JAB RASOOL ALLAH JAMAL ME HOTE TO 3 SHIKAN HOTE OR JAB RASOOL ALLAH A.S JALAL ME HOTE TO 4 SHIKAN HOTE..HAZRAT OWIS KABHI BHI SHOHRAT KY TALABGAR NAI THE JAB AP MADINA AAE WISAL NABVI A.S KY BAAD TO HAZRAT UMAR NE PUCHA KY AAP KAHA JAO GE ISKY BAAD TO FARMAYA KUFA TO HAZRAT UMAR NE FARMAYA

KY WAHA KY HAKIM KO MAI LATTER LIKH DU KY AP KI HELP KRE TO AP R.Z NE FARMAYA K MUJHE ISKI HAJAT NAILEHAZA JAB BHI KOI KUFA SE MADINE ATA TO HAZRAT UMAR HAZRAT OWIS KY BARE ME SOWAL KRTE HAZRAT OWIS SIRF DO BOSEDA CHADAR APNE PAS RAKHTE EK DIN HAZRAT UMAR NE KUFA JANE WALE EK SHAKAS KO HUKM DIYA KY OWIS MILE TO MAGFERAT KI DUA KARWANA OR US SHAKS NE CHADAR DI TO HAZRAR OWIS NE FARMAYA MALYE SIRF IS WAJA SE QUBOL KIYA Q KY TUM MADINE SE AAE HO YE CHADAR KO MERE MAHBUB KY SHAHER SE NISBAT HAI.. HAZRAT OWIS QARNI MAULA ALI A.S KY SATH JANG SIFFIN ME SHARIK THE TO KSI NE KAHA TUM MEOWIS HAI TO JAWAB MILA HAI.

TO US SHAKS NE KAHA KY MAINE PYARE NABI A.S SE SUNA HALOWIS TABAIN ME BAHTAREN SHAKAS HAI REF MUSNADE AHMED.. LEHAZA OWIS QARNI JANGE SIFFIN ME MAULA ALIA.SK GEROH KI TARAF SE LADTE HOE SHAHED HOE..

👉🏻apka pura name owis bin amir or yamen ky shaher qaran k rahne wale is waja se owis qarni mashhur hoe..

👉🏻rasool allah sallal allaho alyhe wasallam ka mubarak zamana paya magar apki ziyarat nai kar pae…

👉🏻rasool allah sallal allaho alyhe wasallam qaran ki taraf rukh krk apne jube ki boton khol ky farmate ky mujhe qaran se mohabbat ki hawae ati hai

👉🏻rasool allah sallal allaho alyhe wasallam ne apko khairuttabain farmaya…

👉🏻rasool allah sallal allaho alyhe wasallam ne farmaya tum me jo shakas owis ko pae wo apni magferat ki dua un se karae

👉🏻sayyedna umar farooq r.z or maulae kainath hazrat ali r.z ko pyare nabi a.s ne apna juba de kar farmaya tha ky owis ko meri taraf se tohfa dena or meri ummat ki magferat ki dua karwana..

👉🏻ksi se kuch na lete the magar jab koi madine se kuch la ky de de to qubol farmate or kahte ky is hadiye ko madine se nisbat hai sirf is waja se qubol krta hu…

👉🏻hazrat ali r.z ky lashkar me sharik the or jange siffin me aap shaheed hoe..

बेकसूर
हुजूर नबी करीमﷺ ने फरमाया:
किसी बेकसूर मुसलमान पर इल्जाम लगाना आसमान और जमीन से भारी गुनाह है।

📚 बुखारी जिल्द 1 पेज 330

“Hazrat Anas Bin Maalik RadiyAllahu Ta’ala Anhu Se Riwayat Hai Ki Mein Ne Huzoor Nabi-E-Akram SallAllahu Ta’ala Alayhi Wa Aalihi Wa Sallam Ko Farmate Huwe Suna Ki Hum Hazrat Abd-ul-Muttalib Kee Awlaad Ahl-E-Jannat Ke Sardaar Hain Jin Me Mein, Hamzah, Ali, Ja’far, Hasan, Husain Aur Mahdi Shaamil Hain.”

Is Hadith Ko Imam Ibn Majah Ne Riwayat Kiya Hai.
–
[Ibn Majah Fi As-Sunan, 02/1368, Raqam-4087,

Hakim Fi Al-Mustadrak, 03/233, Raqam-4940,

Ghayat-ul-Ijabah Fi Manaqib-il-Qarabah,/215, Raqam-262.]

Sayyeda Sakina ki Khatir Sayyeda-e-Kainat Qabr-e-Aqdas se Tashreef laayin…

“Karbala ke baad luta hua Kafila jab damishq ki taraf lejaya gaya to chalte chalte raaste me ek muqaam par yazidi lashkar ke paas paani khatam hogaya. unhone kafila rok diya aur paani lene keliye logo ko bheja. Dhoop thi chil chilati dhoop thi sehra tha, kafile ke sarbara ne apne liye khaima nasab karaya kyunki badi door se paani aana tha. wo khaima nasab karke aaram se saaye tale baith gaya aur tamazat-e-aaftaab se tapte jalte hue tilo par Huzoor ki Shehzadiyon ko khule aasmaan ke niche bitha diya. unke paani ke intezar me Ahle Bayt ka Kafila chilchilati dhoop me tapta raha.

Imam-e-Aali Muqaam Sayyeduna Imam Hussain ki Pyari Lakhte Jigar Shehzadi Sayyeda Sukaina Salamullahi Alaiha. Asal Naam Unka Arabi Talaffuz me Sukaina hai, hurf-e-aam me Sakina chalta hai. To Sayyeda Sakina, Choti Masoom Shehzadi, dekha ke tapti dhoop me sehra me ek chotasa darkht hai tiley ke saath, uska thodasa saaya hai. Chilchilati dhoop hai, Sayyeda Sakina us dhoop ke andar us saaye dar chotisi jhaadi me jaake matti ka Sarhaana banake late gayin. Sayyeda Sakina ki Aankh lag gayi. Aad thi us darkht ke jhaadi ki isliye kisiko nazar nahi Aayin. paani aaya yazidio ne aawaz di kafila chal pada. Ahle Bayt ki Shehzadiyan kajawon par thin unt par aur unt waha niche baith gaye they, to Kisiko pata nahi chala aur Sayyeda Sakina ko wahi chodkar Kafila chal pada.

Kafila thodi der aage gaya to jis shakhs ke haath me neza tha jispar Imam-e-Aali Muqaam ka Sar-e-Anwar tha, wo uske haath se chootkar zameen me gad gaya. unhone koshish ki is neze ko ukhaadke aage chale par neza aisa jama ke uski puri taqat ke bawajood Imam-e-Hussain ka Sar-e-Anwar aage nahi badha. usne aur logo ko bulaya badi koshish ki magar Imam-e-Aali Muqaam ka Sar-e-Anwar jis neze par tha wo neza aage nahi chala. wo pareshan hue aur Sayyeduna Imam Zainul Aabideen ke paas gaye aur kaha Aapke Baba ka Sar-e-Anwar aage nahi Chalta. Unki Aankhe Aab dida hogayin. Wo Apni Phuphi Sayyeda Zainab ke Paas aaye, arz kiya Phuphijaan Aap zara unto ke kajawo me Shahzadiyo ko gin len, lagta hai Baba Jaan ki koi Shehzadi reh gayi hai Sar-e-Anwar aage nahi chalta.

Sayyeda Zainab ne ek ek ka Naam lekar tasalli ki ke Saare kajawo me hain. Jab Sayyeda Sakina ka Naam liya to jawab nahi aaya. Baar baar Sukaina Sukaina Sukaina kaha to Jawab nahi aaya. Jab Jawab nahi aaya to Wo tadap uthin, Apne Kajawe se niche aagayin aur Kehne Lagin ke Hussain ki Sakina reh gayi hai kahi. Shayad jaha kafila ruka tha wahi Reh Gayin.

Ab raat ka waqt hogaya tha, raat ke andhere me Daudte Daudte piche pahunchi. Aur aage jo Pahunchi to andhere me dekha ke Koi Nakaabposh Khatoon Hain aur Sayyeda Sakina ko Goudh me leke Baithi Hain aur Unko Choomti Hain aur Sayyeda Sakina Us Nakaabposh Aurat ki Goudh me meethi meethi Zubaan me Karbala ki Kahani Suna rahi hain jaise bache kahani sunte sunaate hain. Wo Qaiyat suna rahin hain ke Hamare Saath aisa hua fir ye hua fir Baba ke saath ye hua fir Bhai ke saath ye hua. Wo Karbala ki Kahani suna rahin Hain aur Wo Nakaabposh Khatoon Sunti bhi Hain Choomti bhi Hain Roti bhi Hain.

Itne me Sayyeda Zainab kareeb pahunchin aur Aap Aawaz deti Hain ke: Nakaabposh Khatoon Allah Aapka Bhala kare Aapne Hamari Beti ko Sambhaal liya, Humpe Bada Ehsan kiya hai Is Beti ko Goudh me lekar, Allah Aapko Ajr de. Batayen to sahi ke Aap Hain Kaun Ehsaan Karne Waalin? Unhone Chehra-e-Anwar se Nakaab palta farmaya:
“Zainab bhul gayi ho? Tumhari Maa Fatimah Hun….
Hussain ki Lakhte Jigar Sakina Tanha Reh gayi thi kafila chal pada tha to Mai Isko tanha dekhkar Qabr me nahi rehsaki, Maine Chaha Mai jakar Sakina ko Sambhaal lun.”

Ye Rooh Mujassam Thi, Sayyeda-e-Kainat ki Rooh-e-Aqdas Mujassam Thi Mutamassal Thi Rooh-e-Aqdas.
Tanhayi me Sayyeda Sakina ko Sambhaala diya. Sayyeda Zainab ne Sayyeda Sakina ko Saath liya, aur Wo to Roohani Taur pe Aamad Thi To Sayyeda-e-Kainat Rukhsat Hogayin, Nigaho se Ojhal Hogayin.”

Alaihim Afdalus Salawatu was-Salaam

-Shaykh-ul-Islam Dr. Tahir-ul-Qadri

Allahumma Salle Ala Sayyedatina Zainab wa Ummiha wa Jaddiha wa Abeeha wa Akhwaaniha wa Alaihaa wa Ahle Baytihaa wa Baarik wa Sallim