Aayatul Kursi ek bahot badi Naymat hai

Aayatul Kursi ek bahot badi Naymat hai.

Hazrat Sayyeduna Maula Ali KarramAllahu Wajhahul Kareem se riwayat hai wo farmate hain:
“Mai kisi pukhta aqal musalman shakhs ko na dekhunga ke ye Aayat “Aayatul Kursi” padhe bagair soye agar tum jaan lo ke isme kya hai isey kisi haal me na chodo. RasoolAllah SallAllahu Alaihi wa Aalihi wa Sallam ne Irshad farmaya ke Aayatul Kursi Arsh ke niche se Mujhe di gayi aur Mujhse pehle kisi aur Nabi ko ye na di gayi.”
Maula Ali Alaihissalam farmate hain ke jabse Maine ye RasoolAllah SallAllahu Alaihi wa Aalihi wa Sallam se suna, kabhi koi aisi shab na guzri jisme Maine Aayatul Kursi na padhi ho.
Suyuti, Durrul Mansoor, 2/21

Aur Maula Ali Alaihissalam he riwayat karte hain ke Aaqa SallAllahu Alaihi wa Aalihi wa Sallam ne farmaya: “Jo shakhs har farz namaz ke baad Aayatul Kursi padhta hai, usey Jannat me dakhil hone se sirf maut rokey rakhti hai. Uska inteqal hua nahi ke Jannat me dakhil hua! Aur jo shakhs sote waqt Aayatul Kursi padhta hai Allah Ta’ala uske ghar aur uske padosi ke ghar aur uske aas paas ke gharon ko Amaan de deta hai.”
Bayheqi, Shobul Imaan
Suyuti, Durrul Masoor.

Sayyeduna Imam Hasan Alaihissalam se riwayat hai ke Huzoor Nabi-e-Akram SallAllahu Alaihi wa Aalihi wa Sallam ne farmaya:
“Jo shakhs farz namaz ke baad Aayatul Kursi padhega, wo dusri namaz tak Allah ke zimme aur hifazat me rahega.”
Tabrani, Manzari, Haysami, Suyuti

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s