HAZRAT SYED MEERAN HUSSAINI MAKKAH SHAH MADARI Rehmatullah alaih

HAZRAT SYED MEERAN HUSSAINI MAKKAH SHAH MADARI AUWLIYA, QUDDAS SIRRAHU AZIZ, GADIPURA, NANDED, MAHARASHTRA.

Aap Tashkent (Uzbekistan) ke rahnewale the. Aap Hussaini Sadaat hai aur aal e Rasool hai.24 waston se aap ka silsila e nasab Hazrat Moula Ali Radiyallahu Taala Anhu se ja milta hai.

Aap paidashi wali hai,aur bachpan se aap ke kaano me awaz aati thi ki hindustan aao.Jab 14 saal ke hue toh aap ne apne walidain se hindustan jaane ki ijazat mangi aur phir safar e hindustan ke liye nikal pade aur makanpur me Hazrat Qutubuddin Badiuddeen Zinda Shah Madar Quddas Sirrahu Aziz ki bargah me hazir hokar faiziyab hue.Kuch waqt aap wahin bargah me ruke rahe.

Aap ke hindustan aane se pahle hi Qutbul Madar ess duniya se parda farma chuke the.phir aap ko Qutbul Madar ki bargah se hukm hua ki tum Deccan ki taraf safar karo,kyonki tumhare kadamon ki barkat se Deccan me islam ko fatah hasil hogi.Aap ne Qutbul Madar R.A. ki Bargah me khwahish zaahir ki mujhe ek martaba apne watan jakar walidain se milna hai.Phir aap ko mulaqat ke liye ijazat mil gayi.

Phir Aap wahan se wapas Makkah aaye Hajj ka mahina tha ain halat e tawwaf me hazrat Syedna Murtuza Ishqi Rahmatullah Alaih se Aap ki mulaqat hui.Unhone aap ko gale se laga liya ,aap ki peshani ko bosa diya aur wahan par aap ko silsile e madari ki ijazat aur khilafat ata farmai. Isi wajah se aap ko Makkah Shah Kaha jata hai kyonki aap ko ye nematein Makkah me ata hui.

Phir wahan se Hajj Ada Karne ke baad aap wapas apne watan ke liye rawana hue,lekin raste me fatehpur naami ek basti se aap ka guzar hua wahan ek badshah tha jo be aulad tha.Badshah ne apne gulam ke zariye Hazrat Makkah Shah se aulad ke liye dua karne ki guzarish ki toh hazrat ne kaha usey aulad toh hogi par woh usey sambhal nahi payega.Kyonki jo aulad hogi uski kaifiyat bahut zyada jalali hogi.Aap ne dua ki aur badshah ko aulad ata hui jinka Hazrat Naam Fatah Ullah Noori Rahmatullah Alaih Hai.Hazrat Makkah Shah ne Hazrat Fatah Ullah Noori R.A. ko apne sath hi lekar unke watan tashkent pahunch kar aap ne apne walidain se mulaqat ki aur apne safar ke tamam Waqiat unko bataye.

Phir unse Hindustan wapas jaane ki ijazat mangi aur safar ke liye nikal pade.Aap Punjab, Dehli se hote hue Kalyan Pahunche Aur Hazrat Haji Malang Madari Rahmatullah Alaih ki bargah me hazri di aur faiziyab hokar raste me deen e tabligh ka kaam karte hue 932 hijri me shaher e nanded ko apne murideen ke saath tashreef laye.

Us waqt Nanded me gair islami raja ki hukumat thi usne aap ko nanded chodkar wapas jaane ko kaha aur na mane toh elaan e jung ki dhamki di.Jiske jawab me Hazrat Makkah Shah ne jung ko qubool kiya.Aap ne kahan hum bhi yahan se wapas nahi jayenge agar woh hum se jung ki khawahish karta hai.Aap ke chahte pahle murid wa khalifa Hazrat Fatah Ullah Noori R.A. aur tamam dusre murideen ne milkar jung ki aur dushmano ko halak kiya.Par ek Shaqs jo rakkas tha usey aap ne qatl kar diya tha lekin woh phir se zinda ho gaya.Phir aap ne apne Shaykh ko yaad kiya unhone aap ko mitti utha kar us rakkas ko marne ko kaha.Jaise hi aap ne uspar mitti dali woh jalkar khaq ho gaya aur aap ko aur tamam murideen ko fatah hasil hui.

Aapne apne murideen se kaha ki us rakkas ki raakh ko unke khanqah ke bahari darwaze ki sidhiyon ke niche dafn karne ko kaha taki ta qayamat tak aap ke bargah me aane wale uski raakh ko apne kadamo se raundhte hue aap ki bargah me aate rahenge.

Aap ne Nanded aur aas paas ke ilaqe me deen e islam ko roshan karne ka kaam kiya.Aap ne Taqriban nanded me 67 saal qayam kiya hai.Aap ka wisaal 21Muharram 1000 Hijri me Nanded me hua. Aap Ka mazar e mubarak Gadipura, Nanded, Maharashtra me hai.
(Allahu A’alam)
.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s