Hadith Al Mustadrak Jild 2, Safa 265

🌹 HUZOOR E AKRAM ﷺ ne farmaya :

Surae Baqarah aur Aale Imran seekho kyunke ye Roshan Surate Qayamat ke din Apne Qariyo par Saya karengi goya Saya karne wale Badal ya Par phelaae hue Parindo ka Jhund hai.

📚 Al Mustadrak Jild 2, Safa 265

Muawiya Ke Darbar Mein Nabi Sallallahu Alaihi Wasallam Ki Gustakhi

Muawiya Ke Darbar Mein Nabi Sallallahu Alaihi Wasallam Ki Gustakhi

Hazrat Ubaiyah Ne Bayan Kiya Ke Muawiya Ke Pas Ka’b Bin Ashraf Ke Qatl Ka Zikr Kiya Gaya Toh Ibn Yamin Ne Kaha Ka’b Bin Ashraf Ko Muhammad Sallallahu Alaihi Wasallam Ne Dhoke Se Qatl Kiya Tha Ye Sunkar Sayyedna Muhammad Bin Maslamah Ne Kaha Aye Muawiya Teri Maujudgi Mein Rasoolullah Sallallahu Alaihi Wasallam Ko Gaddar Kaha Ja Raha Hai Aur Tu Khamosh Hai Aur Tune Ibn Yamin Ko Mana Tak Nahi Kiya Khuda Ki Qasam Teri Is Harkat Ki Wajah Se Mein Ab Kabhi Tere Saath Nahi Baithunga Aur Agar Mujhe Mauqa Mayassar Aaya Toh Us Ibn Yamin Ko Bhi Qatl Kardunga.

(Al-Sarim al-Maslul, Ibn Taymiyyah, Safah-170)

Hadith Mustadrak Ala al-Sahihain 4775

Abdullah Bin Shaddad Apne Walid Ka Bayan Naql Karte Hein Ki Ek Dafa Nabi Alayhissalam Zuhr Ya Asr Ki Namaz Ke Liye Tashreef Laye Aur Hasan Ya Hussain Ko Uthaye Huye Thae Jab Aap Namaz Padhne Ke Liye Aage Badhe Toh Unhein Zameen Par Baitha Diya Fir Aap Ne Namaz Shuru Kardi Jab Nabi Alayhissalam Sajde Mein Gaye Toh Sajda Bohot Lamba Kiya, Mere Walid Kehte Hein Maine Sar Utha Kar Dekha Toh Nabi Alayhissalam Sajde Mein Thae Aur Aapke Nawase Aapki Pusht Mubarak Par Baithe Huye Thae Mein Dobara Sajde Mein Chala Gaya Jab Nabi Alayhissalam Namaz Se Farigh Huye Toh Sahabae Kiraam Ne Arz Kiya Ya Rasoolullah! Aapne Is Namaz Mein Itna Lamba Sajda Kiya Ke Isse Pehle Kabhi Itna Lamba Sajda Nahi Kiya Aapko Is Namaz Mein Koi Khas Hukm Mila Tha Ya Aap Par Wahi Nazil Ho Rahi Thi? Nabi Alayhissalam Ne Farmaya In Dono Baaton Mein Se Koi Bhi Pesh Nahi Aayi Balke Mera Beta Mujh Par Sawar Hogaya Tha Mujhe Ye Accha Nahi Laga Ke Mein Usko Uski Marzi Ke Bagair Neeche Utarun. (Mustadrak Ala al-Sahihain, Hadees-4775, Imam Hakim Nishapu