Aagaaz. e Safar e Karbala 28 Rajab.

#28Rajab #Safar_e_Imam_Hussainع
_
60 Hijri, 28 Rajab, Itwaar Kee Shab Syedna
Imam Hussain ع Ka Apne Ahl-o-Iyaal Ke
Saath Madinah Munawwarah Se Makka
Mukarrama Tashreef Le Jaana…
__________________________________________
Ahlebait ع Par Aaney Waali Musibato’ñ
Ke Muta’alliq Huzoor Muhammad ﷺ Ne‎
Jo Ishaara Farmaya Tha Un Me Se Woh
Jila-Watani Kee Musibat Bhi Aa Pahonchi…
_
(Jisey, Allama Ahmad Bin Muhammad Bin Ali Bin
Ahmad Bin Hajar Haytami Makki Al-Mutawaffa
873 Ne Apni Kitaab “Al_Sawa’iq_Al_Muhriqah”
Me Bayaañ Farmatey Hain Ki ::)
_
Huzoor Muhammad Mustafa ﷺ Ne Farmaya ::
“Meri Ummat Kee Taraf Se Mere Ahlebait ع
Ko Qatl Wa Jila-Watani (Desh Nikaal) Kee
Takaalif Pahonchegi Aur Hamaari Qaum Se
Sab Se Ziyaada Bughz Rakhney Waaley Banu
Umayya, Banu Mughira Or Banu Makhzoom Hain.”
_
Imam Hakim ر Ne Isey Sahih Qaraar Diya Hai…
_
Reference ::
[Ibn Hajar Makki Fi Al-Sawa’iq Al-
Muhriqah ‘Ala Ahl Al-Rafd Wa Al-Dalal
Wa Al-Zandaqah, Baab-10,/793.] _________________________________

*28 Rajab ul Murajjab*

*Aagaaz e Safar e Karbala, Imaam e Aalimaqaam Hazrat Syedna Mola Imaam Hussain (Alaihis Salam)*

*28 Rajab ul Murajjab 60 Hijri Itwar Ki Shab Hazrat Syedna Mola Imaam Hussain (Alaihis Salam) Ne Madina Pak Se Karbala Sharif Ki Taraf Apne Safar Ka Aagaz Kiya, Jisme Aapke Sath Chand Afraad Bhi Shamil The, Jinme Kuch Khawateen Bhi Thi, Madina Pak Se Ruksati Ke Waqt Mola Imaam Hussain (Alaihis Salam) Apne Nana Jan Sarkare Do Alam Huzoor Ahmad e Mujtuba Muhammad Mustafa (Sallallahu Alaihi wa Aala Aalehi wa Sallam) Ke Mazar Mubarak Par Jate Hain Aur Apna Sir Mubarak Apne Nana Jan Ke Mazar Mubarak Rakhkar Kehte Hai :- Nana ﷺ Jis Madine Ki Galiyon Me Apka Hussain Apke Kandho Par Baithkar Ghoomta Tha Aaj Iss Madine Ki Galiyo Ko Chorkar Aapka Hussain Ja Raha Hain, Nana ﷺ Aapki Ummat Ne Arsaye Hayaat Tang Kar Di Hain, Aur Aapne Jo Wasiyate Mere Liye Apni Ummat Se Ki Thi To Logo Ne Unhe Faramosh Kar Diya Hain Aur Ab Mere Qatl Par Aamadah Hain, Iske Bad Huzoor (Sallallahu Alaihi wa Aala Aalehi wa Sallam) Ke Mazar e Aqdas Se Aawaz Aati Hain:- “Aye Bete Hussain Wo Waqt Aa Gaya Hai Jiska Tumne Bachpane Me Wada Kiya Tha, Aye Hussain Khuda Hafiz! Tum Tanha Nahi Ja Rahe Ho Ye Tera Nana Bhi Qadam Qadam Par Tumhare Sath Hain, Uske Bad Mola Imaam Hussain (Alaihis Salam) Apni Walida Majida Syyeda e Kaynat Syyeda Fatima Zehra (Salamun Aleha) Aur Apne Bhai Hazrat Syedna Mola Imaam Hasan (Alaihis Salam) Ke Mazar Mubarak Par Tashrif Late Hain Aur Salam Pesh Karte Hain, Fir Aap Madina Pak Se Rawana Hote Hain, 28 Rajab ul Murajjab Ko Aapne Madina Sharif Se Apna Safar Shuru Kiya Makkah Sharif Pouche, Fir 8 Zilhijja 60 Hijri Ko Aapne Makkah Sharif Ko Chora Aur 2 Muharram 61 Hijri Ko Aap Karbala Sharif Pouche, Aur 10 Muharram Ko Aapko Aapki Aulad Aapke Sathiyo Ke Sath Badi Hi Bedardi Ke Sath Shaheed Kar Diya…*

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s