Qadri Silsila Ki Asl Kya Hai

Bahut Se Logo’n Ko Iss Baat Ki Maloomat Nahi Hai Ki Qadri Silsila Ki Asl Kya Hai. Dar Asl Qadri Silsila Hazrat Syedna Shaikh Abdul Qadir jilani (r.a) Se Qadri Kahlana Shuru Huwa Jinki Wiladat San 471 Hijri Aur Wisal San 561 Hijri Hai.
Lekin Sawal Ye Uth’ta Hai Ki Hazrat Abdul Qadir jilani (r.a) Se Qabl Ye Silsila Kis Naam Se Tha Aur Iski Asl Kya Thi?
To Iski Haqeeqat Ye Hai Ki San 144 Hijri Me Jab Hazrat Syedna Abdullah Al Mahaz Alaihissalam Ke Farzand e Akbar Hazrat Syedna Imam Nafs Zakiya Alaihissalam Ne Tahreek Alvi Ki Buniyad Daali To Inki Ba’et Karne Walo’n Mei’n Tamam Arbo Hijaz Ke Sath Sath Inke Tamam Khandan (Alvi Hasni Husaini) Ne Bhi Inse Ba’et Ki Thi. Aur Inke Tamam Bhaiyo’n Ne Bhi Jinmein Se Ek Hazrat Musa Al jaun Bhi The Jinki Nasl Se Hazrat Abdul Qadir jilani (r.a) Tawallud Huwe.Hazrat Imam Muhammad Nafs Zakiya Alaihissalam Kyunki Imam Silsila Hasni Zaidi The Lehaza Inke Bhaiyo Farzando’n Aur Mureedo Se Ye Silsila Duniya Mein Phail Gaya Aur Zaidi Qutbi Se Ma’roof Raha. Jaise Ki Shahzada DaraShikoh Ne Apni Mash’hoor Tasneef Safinatul Auliya Safa 198 Par Hazrat Shaikh Abu Bakr Qutbi (r.a) Ka Zikr Kiya Hai Jo Neshapur (Iran) Ke Rahne Wale The Aur Jinka Wisal San 367 Hijri Likha Huwa Hai. To Isse Saaf Zahir Hai Ki Qutbi Silsile Ke Buzurg Qadri Silsile Se Pahle Maujood The’n Aur Yahi Qutbi Silsila Huzoor Ghaus Paak (r.a) Se Qadri Mash’hoor Huwa.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s