Day: May 19, 2022

Pasandīdah aur nā-pasand ḳhẉāb dekhne par

“Ḥaz̤rat Abū Salamah raḍiya Allāhu ‘anhu bayān farmāte haiṅ keh maiṅ jab ḳhẉāb dekhtā hūṅ to bīmār par̥ jātā hūṅ, yahāṅ tak keh maiṅ ne Ḥaz̤rat Abū Qatādah raḍiya Allāhu ‘anhu ko farmāte huwe sunā keh maiṅ bhī jab ḳhẉāb dekhtā hūṅ to bīmār par̥ jātā hūṅ, yahāṅ tak keh maiṅ ne Ḥuz̤ūr Nabīye Akram ṣallá Allāhu ‘alayhi wa-Ālihi wa-sallam ko farmāte huwe sunā: achc̥hā ḳhẉāb Allāhu Taʻālá kī ṭaraf se hotā hai. Jab tum meṅ se ko’ī pasandīdah ḳhẉāb dekhe to kisī se us kā z̲ikr nah kare magar jis se woh maḥabbat kartā ho (to us se bayān kare) aur jab aisī chīz dekhe jo use nā-pasand ho to us ke shar se aur Shayṭān ke shar se panāh māṅgnī chāhiye aur tīn martabah (bā’īṅ jānib) thutkār de aur use kisī se bayān nah kare to woh (ḳhẉāb) ko’ī nuqṣān nahīṅ degā.”
–
[Buḳhārī fī al-Ṣaḥīḥ, 6/2582, raqam: 6637
Muslim fī al-Ṣaḥīḥ, 4/1772, raqam: (4) 2261]