Month: March 2022

https://youtu.be/0w99TzPuST0

Maula-e-Kaiynaat Ali-Ibn-Abu Taalib (a.s) Ne Farmaya:

“Aye Salmaan (r.a) Momin Uss Waqt Tak Kaamil Nahi Hota Jab Tak Woh Mujhey Nooraniyat Ke Saath Na Pehchaan Ley, Woh Momin Hai Jisskey Qalb Ka Khudaa Ne Imaan Ke Saath Imtehaan Liya Aur Usskey Seeney Ko Islaam Ke Liye Khol Diya, Pas Woh Apney Deen Ka Aarif Aur Mutabassir Hogaya Aur Jo Iss Sey Qaasir Raha Wo Shak Karney Wala Aur Shubat-e-Shaitaniya Mein Giraftaar Hai.

Aye Salmaan-o-Jundab (Abu-Zar) Ba-Tehqiq Ke Nooraniyat Ke Saath Meri Maarifat Khudaa Ki Maarifat Hai Aur Khudaa Ki Maarifat Meri Maarifat Hai Aur Yahi ‘Deen-e-Khaalis’ Hai.”

Aye Salmaan-o-Jundab Imtehaan Diya Huwa Momin Wo Hai Ke Jiss Par Humarey Amr Se Koi Cheez Warid Nahi Hoti, Magar Yeh Ke Allah Isskey Seeney Ko Isskey Qabool Karney Ke Liye Kushada Kar Deta Hai Aur Issmey Wo Shak-o-Shuba Nahi Karta Aur Jiss Ne Kaha Kyun Kar Aur Kaisey Wo Kaafir Ho Gaya,

Pas Allah Ke Amr Ko Maan Lo Ke Hum Amrullah Hai.”

Aye Salmaan Khudaa Ne Farmaya :

“Ista’anat Chaho Sabr Aur Salaat Ke Saath”

Pas Sabr Muhammad Mustafa (s.a.w) Aur Salaat Se Muraad Meri Wilaayat Hai Aur Issi Wajah Se Farmaya Ki Ba-Tehqiq Bahut Dushwaar Hai.”

“Aye Salmaan Mainey Jo Kuch Kaha Aur Sharah Ki, Iss Par Jo Imaan Laya Wo Momin Hai, Jisskey Qalb Ka Imtehaan Allah Ne Imaan Ke Saath Liya Hai Aur Issi Se Raazi Hai Aur Jissney Shak Kiya Wo Naasbi Hai, Agar Wo Humari Wilaayat Ka Daawa Karey To Jhutaa Hai.”

(Nehjul Israr, Jild-1, Safa-82, 83-87, Mashariq-ul-Anwaar)

Duniya me ALLAH se darne wala aakhirat ke Aman ka haqdar.

Hazrat Abu Huraira RadiAllahu Anhu, Nabi e Akram SallAllahu Aalihi wa Alaihi wa Sallam se un baato me jo Aap SallAllahu Aalihi wa Alaihi wa Sallam ne ALLAH Ta’ala se riwayat ki, riwayat karte hain ki ALLAH Ta’ala ne Farmaya Mujhe Meri Izzat ki Qasam! Mai apne bande me do khauf aur do amn ikatthe nahi karu’nga. Agar usne duniya me mujh se khauf rakha to Mai use Qayamat ke din amn dunga aur agar duniya mein woh mujh se be-khauf raha to Mai use Qayamat ke din khauf se do-char kar du’nga.

Sahih Ibne Hibban – 640,
Baheqi, Shu’ab ul Imaan – 777