Kunde Ki Niyaz 22 Rajab Ko Hi Honi Chahiye

“Aey momino niyaz dilao Imam ki
BAQAR ke laal Sahibe Aali Maqam ki”

Aajkal kuchh Ulema Hazraat ne ek ajeebo ghareeb mahaul paida kar diya hai, Rajab Shareef ka Mahina atey hi barsaati mendako ki tarah tarraaaney lag jatey hain ki kundo ki niyaz jayaz nahi, fizool ki rasm hai wagairah wagairah,

Majbooran aaj ye msg likh raha hoon ki koondo ki niyaz, yani 22 Rajabul Murarajjab ko Sarkar Sayedna Imam Jaafar Assaadiq Alaihissalam ki niyaz lagana, aur us tareeqey se lagana jaisa ki riwaz hai bila shuba jayaz aur baais e Rehmat wa barkat hai ismein kuchh fizool nahi, haqeeqat yahan mulahiza farmaein,

22 Rajab Sarkar Sayedna Imam Jaafar Assaadiq Alaihissalam ki niyaz

Hijri san 122 Rajab ki 22 tarikh ki raat yani 21 ka din guzarkar 22 ki raat bawaqte namaze tahajjud Allah Sub’hanahu wa Ta’ala ne Syedna Imam Jaafar Assaadiq Alaihissalam ko MAQAME GAUSIYATE KUBRA ata farmaya,

Subah yani 22 Rajab ko Aap ne Allah ki janib se ye azeem ne’amat Milne par bataur e shukr niyaz banwayi Jo dudh or chawal milakar banayi gayi jise hum kheer kehtey hain.

Aap khandane Rasool Sallallahu Alaihi wasallam ke chashmo chirag hain aap ke ghar mein tuti chatayi or mitti ke bartan hi the,
isi par Aap shakir o sabir the Aapne mitti k pyale me niyaz rakhkar apney dost o ahbab ko bulakar farmaya ki Aaj raat Allah Sub’hanahu wa Ta’ala ne mujhey maqame gausiyate kubra ata farmaya isi ka shukr ada karte huwe ye niyaz aap logo ko pesh karta hu aap k sahabzadey Syedna Imam MUSA KAZIM ALAIHISSALAM aur aap ke digar musahibeen ne daryaft kiya (puchha) ki is mein hamarey liye kya fayda hai

Aap ne farmaya ki Rabbe Ka’aba ki qasam
Allah Ta’ala ne Jo ne’mat mujhe Ata farmayi jis ka me shukr ada karta hu niyaz ki Shakl me isi tarah isi tarikh me Jo bhi shukr ada karega aur hamarey wasiley se Jo dua mangega to Allah Ta’ala uski murad zarur puri farmayega aur duwa zarur kubool hogi kyunki Allah Ta’ala apney shukr guzaar bando ko mayus nahi farmata.

Imam JAFAR Sadiq Alaihissalam ke parpotey Sayedna Imam HASAN Askari Alaihissalam se kuch dushmanaane Ahle Bayt ne sawal kiya ke jab hamare ghar me pital tanbe ke behatareen bartan moujood hain to mitti ke Kundo ki kya zarurat hai

Aap ne farmaya hamarey NANA JAAN Muhammadur Rasoolullah Sallallahu Alaihi wa Aalihi wasallam ki sunnat hai mitti ke bartan me khana.

Aaj musalmano ne hamare Nana jaan ki sunnato ko tark kar diya hai hum ne is niyaz ko mitti ke piyalo me is liye zaruri karar diya taki kam az kam saal me ek 1 martaba hi sahi Nana jaan ki ummat mitti ke kundo mein niyaz khakar Sunnat e Rasool Sallallahu Alaihi wasallam ada kar lein.

Kunde ki niyaz ya fatiha 22 Rajab ko hi karein

22 Rajab na hi aap ke wisal ki tarikh hai na hai paidayish ki

Ye to aapko maqame gausiyate kubra Milney par ada ki jati hai

Beshak Aap Aale Rasool Sallallahu Alaihi wa aalihi wasallam hain.

Hawalazaat
1: Minhajussaaliheen
musannifa Sayedna Imam Mohiyuddin ibne Abu Bakr Baghdad

2: Kashaful Asrar
Musannifa Syedna Imam Abdullah bin Ali Asfahani

3: Madame Asrare Ahle bait
Musannifa Syedna Imam Mohammad bin Ismail muttaqi makki

4: Makhzane Anware wilayat
Musannifa Syedna Imam Burhanuddin Asqalani
Sag e Khandan e Ahle Bayt :
Kadri Nawaz Panjtani :
Kodinar sharif gujrat :

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s