AL QAULUL QUR’AN FEE AZMAT-E-SAYYEDUNA IMRAN:Allah ki Security

img_20211115_1857402513744791965211116.jpg

Phir agar wo (bhi) isi tarah Imaan laayen jaise tum is par Imaan laaye ho to wo waqeyi Hidayat paa jayenge, aur agar wo mu pher len to (samhlen ki) wo mahaz mukhalifat me hain, pas AB ALLAH AAPKO UNKE SHARR SE BACHAANE KELIYE KAAFI HOGA, aur Wo khoob sunne waala jaanne waala hai”.
Surah Baqrah 2:137

Jaise jaise Deen-e-Haq ki Dawat badhti gayi, kuffar ne Musalmano pe zulmo sitam aur taklifen bhi badha diye. Baat yaha tak pahunch gayi ke kuffar ab RasoolAllah (SallAllahu Alaihi wa Aalihi wa Sallam) ko he maazAllah qatl karne ka irada karne lage. Hazrat Abu Talib Alaihissalam ne dekha ke halaat khatarnaak hotey jarahe hain, to phir Huzoor ki hifazat keliye ke security guards rakhna shuru kardiye! Har waqt koi na koi Aaqa SallAllahu Alaihi wa Aalihi wa Sallam ke Ghar ke bahar guard banke khada hota. Hazrat Abu Talib Khud jayeza lete they security ka, aur guards me Unki Apni Aulad bhi hoti! Aur jab quraish ke sardaro ne Banu Hashim ka boycott kiya aur Banu Hashim ko 3 saal tak Sheb-e-Abu Talib me rehna pada, to un 3 saalo me ek raat bhi Aaqa SallAllahu Alaihi wa Aalihi wa Sallam Apne Bistar pe nahi soye! Har raat Hazrat Abu Talib kabhi Maula Ali ko kabhi kisi aur Beto ko, ya ghar ke kisi jawan ko Aaqa SallAllahu Alaihi wa Aalihi wa Sallam ke Bistar par lita dete aur Huzoor ko dusre Bistar par, taake agar koi badbakht hamla karey to Aaqa SallAllahu Alaihi wa Aalihi wa Sallam ko kuch na ho! Hazrat Abu Talib Alaihissalam Apna Khudka Beta Qurban karna gawara karsakte they magar Huzoor SallAllahu Alaihi wa Aalihi wa Sallam ke Jism-e-Aqdas pe ek kharonch bhi Aapko nagawaar thi! Ye aisi Qurbani ke jisme Apni Aulad ko qurban karne se bhi piche na hatey, kya aisi Muhabbat sirf Bhatija samjhkar karte? Agar sirf Bhatija samjhkar karte to kisi aur ko qurban karna gawara karte, Maula Ali ko na sulaate! To ye Muhabbat kisi aur wajah se thi!!
Is tarah Hazrat Abu Talib Alaihissalam Aaqa SallAllahu Alaihi wa Aalihi wa Sallam ki Security ke Incharge ban gaye they Khud he! Aur har roz Aap security guard mukarrar karte. Ye silsila Hazrat Abu Talib Alaihissalam ke Wisaal ke baad bhi jaari raha aur Hijrat ke Baad Madina me bhi Aaqa SallAllahu Alaihi wa Aalihi wa Sallam ki security keliye musalla guards hote! Aur guards ka system us din se band hua jab Allah Ta’ala ne ye Aayat naazil farmayi ke “AB ALLAH AAPKO UNKE SHARR SE BACHAANE KELIYE KAAFI HOGA.” Yaani Allah Ta’ala Khud Apne Habib ka Security Guard ban gaya!
Ab gaur karne ki baat ye ke Allah Ta’ala to pehle se he Apne Rasoolo ki hifazat karta hai. To Ye Aayat nazil hone se pehle bhi to Allah Ta’ala Aaqa SallAlahu Alaihi wa Aalihi wa Sallam ki Hifazat farmata tha, to ab farmana ke “Abse Allah Aapko Kaafi hai” ka kya matlab banta hai? Matlab saaf hai ke jab tak Hazrat Abu Talib Alaihissalam duniya me they, Huzoor pe “Allah ki Hifazat” ka Zariya Aap they! Jab Aapka Wisaal hogaya to Allah Ta’ala ne ab Hifazat ki zimmedari direct Apne Haathon me leli!
To Allah Ta’ala ne Aaqa SallAllahu Alaihi wa Aalihi Sallam ki Bachpan me kafalat aur Aylan-e-Nabuwwat ke baad Hifazat, iska zariya Hazrat Abu Talib Alaihissalam ko banaya! Aur Jab Aap duniya se parda farma gaye to ye zimmedari kisi aur ko na di balke Khud Apne paas leli! Jis bande ko Allah Ta’ala Apne Sabse Pyaare Habib ki security ka incharge banaye, wo koi kafir kaise hosakta hai?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s