Maula Ali (a.s) Ki Shahadat Ke Baad Jab Imam Hassan Aur Imam Hussain (a.s) Janazey Ko Ley Kar Chaley To Raastey Mein Aik Ghur Sawaar Milla Jiss Sey Mushk Ki Khushbu Phail Rahi Thi.
Sawaar Ne Imam Hassan-o-Imam Hussain (a.s) Ko Salaam Kiya Aur Imam Hassan (a.s) Sey Kaha
“Aap Hassan-Ibne-Ali (a.s) Hain Jinki Gaza Wahi-o-Tanzeel Hai Aur Elm-o-Sharaf-e-Jaleel Mein Parwaan Charha Aur Amirul Momineen Ke Khalifa Aur Syed-ul-Wasiyeen (a.s) Hai”
Maula Imam Hassan (a.s) Ney Kaha “Haan!”
Phir Sawaar Ney Kaha!
“Yeh Hussain-ibn-e-Ali (a.s) Hain Sibat-e-Nabi-e-Rehmat (s.a.w) Jiski Gaza Ismat, Aima-o-Hikmat Wali Aulad Ke Jadd Hai.”
Maula Hussain (a.s) Ney Farmaya Haan!
Imam Hassan (a.s) Ney Farmaya “Humein Wasiyat Hai Ke Do Ke Elawaa Kissi Sey Kalaam Na Karein ‘Jibraeel’ Ya ‘Khizar’ (a.s) Aap In Dono Mein Sey Kaun Hai?”
Sawaar Ney Naqaab Palat Diyaa To Woh Maula Ali (a.s) Khud They.
(Reference : Rehanatul Muwadat Pg-29
Moalif-Abu Mohammad Naqvi
Bahawala : Al Qatra Jild-1, Pg-217)
Aal-e-Qutub Aal-e-Syed Abdullah Shah Ghazi 