Qaseeda Madeehiyya Dar Shaan e Kareem e Ahle-Bait, Sibt e Akbar, imam e Dosara, Sarkar e Sabz-Qaba , Mola Amir ul Momineen Syedina Hasan Al Mujtaba (Alayhis Salam)
Khuda ka Fazl yun ab gaam gaam hai Logo
Zuba’n pe Naam e Hasan a.s. Subh o Shaam hai Logo
Hasan a.s. wo Sibt e Rasool e Anaam hai Logo
imam Das ka , khud ibne imam hai Logo
Jo Dil se Sibt e Nabi ka ghulam hai Logo
Wo Surkhuru hai Wohi shadkaam hai Logo
Jise Nabi kahein “Sayyid” Hasan a.s. wo Arfa-Muqam
Hasan a.s. ke Rutbe mein kisko Kalam hai Logo
Nabi ki Aal ka wo Fard e Awwaleen Hasan a.s.
Ke jiski Madh’a mein Rab ka Kalam hai Logo
Jo ban ke aaya hai Tafseer e Surah e Kausar
Hasan a.s. us Ehd-e-ilaahi ka Naam hai Logo
Qarar e Zehra s.a. hai Wo Jansheen e Haider a.s. hai
Habib e Haq ka Wo Qaim-muqam hai Logo
Hasan a.s. ko dekh ke kehti hai Khalq Hairat se
Ye Hu-ba-Hu Sh’he Khairul-Anaam hai Logo
Ke Jiske Naam ki Tasgheer ko “Hussain” kahein
Hasan Wo Husn ka Maah e Tamam hai Logo
Hussain a.s. O Zainab s.a. O Kulsum s.a. hain jiske Bhai Behen
Hasan a.s. Wo Sahib e Fakhr e Dawaam hai Logo
Jise Salam karein Das imam badh badh kar
imamzada Hasan a.s. wo imam hai Logo
Wo jiska Saif e Qalam Rashk e Zulfiqar bana
Wo jiski Sulh’a jihad e Tamam hai Logo
Gadagaron ko bheek mein jo Saltanat de de
Hasan a.s. us Aali-Himam ka hi Naam hai Logo
Kareem insa na paoge Aye jahan walo !
Khud Ahle-Bait ka ye Qaul e Aam hai Logo
Wo jin Labon ko diya Jaam e Zeher Dunya ne
Wo Bosa-gaah e Rasool e Anaam hai Logo
Badal saka na zeher jiska Lutf e Khulq o Karam
Hasan a.s. wo Shiree’n-Dehen , Khush-kalam hai Logo
Koi kar sakta hai Kya Wasf e Sh’he Sabz-Qaba a.s.
Ke Unki Madh’a ko Rab ka Kalam hai Logo
Main Naam lene se pehle Durood kyun padhun
Ke Baad Naam ‘Alayhis Salam’ hai Logo
Tufayl e Qadir eJila.n r.a. Janab e Shabbar a.s. ka
Faraz e Hasni ik Adna Ghulam hai Logo.
Aali Martabat, Tarjumaan e Mashrab e Auliya, Haq Aagah Hazrat Syed Faraz Hasani Warsi Damat Barkatuhumul Aaliya.
Aal-e-Qutub Aal-e-Syed Abdullah Shah Ghazi 