Urs of Hazrat Data Ganj Baksh(Rehmatullah alaih)

﷽-الصــلوة والسلام‎ عليك‎ ‎يارسول‎ الله ﷺ

✒”AAPKI KARAMAT”:-

~Urs Mubarak GANJ E HAQIQAT HUJJATUL KAMILIN MAZHARUL ULOOM HAZRAT MAKHDOOM SAYYED ABUL HASAN ALI BIN USMAN ALI HAJVERI AL MAROOF DATA GANJ BAKHSH LAHORI radiyallahu anhu (Urs :- 18, Safarul Muzaffar, Mazar :- Lahor Sharif, Pakistan)~

🔳 GANJ E HAQIQAT HUJJATUL KAMILIN MAZHARUL ULOOM HAZRAT MAKHDOOM SAYYED ABUL HASAN ALI BIN USMAN ALI HAJVERI AL MAROOF DATA GANJ BAKHSH LAHORI Radiyallahu Anhu Ka Qayam Jab Lahor Me Hua To Aapne Waha Ek Masjid Ki Taamir Shuru Ki. Jab Masjid Ki Taamir Puri Hui To Aisa Lag Raha Tha Ke Aapki Masjid Ki Mehraab Shahere Lahor Ki Dusri Masjido Se Zyada Dakhin (South) Ki Janib Jhuki Hui He. Waha Ke Ulma Ne Aapki Masjid Par Aitraaz Kiya Magar Aap Khamosh Rahe.

🔳 Ek Baar Juma Ke Moke Par Aapne Lahor Ke Tamam Ulma Ko Apni Masjid Me Namaz Padhne Ki Dawat Di. Aur Aapne Imamat Farmai. Jab Namaz Mukammal Hui To Aapne Sabko Qible Ki Taraf Khada Kiya Aur Puchha Ke “Dekho Qibla Kis Taraf He”?

🔳 Aapka Ye Farmana Tha Ke Logo Ki Nazro Se Hijabat (Parde) Uth Gae. Logoke Samne Ab Wo Masjid Nahi Balke ‘Khana e Kaaba’ Tha. Hazrat Ki Ye Karamat Dekh Kar Logone Maan Liya Ke Aapki Masjid Ka Qibla Bilkul Durust He.

📌Sabak:- Aulia Allah Ki Yahi Aadate Karima Hoti He Ke Wo Pehle Kisi Baat Ko Wo Dalilo Se Samjhaate He Agar Phir Bhi Koi Na Mane To Wo Allah Ke Hukm Se Apni Karamat Ka Izhar Farmate He.

18 Safar ul Muzaffar

977wa URS E PAAK

Hujjat ul Kameleen Hazrat Abul Hasan Syed Ali Hujweri Almaroof Data Ganj Baksh (Rehmatullah Alaih)

Aapki Wiladat 400 Hijri Me Ghazni Ke Qareeb Hujwir (Afghanistan) Me Hui, Aapka Wisaal 18 Safar 465 Hijri Mutabik 1072 Esvi Me Hua, Aap Hazrat Shaykh Abul Fazl Muhammad Al Khuttali (Rehmatullah Alaih) Ke Mureed wa Khalifa Hain, Aapke Khalifa Hazrat Abdullah Urf Shaykh Hindi (Rehmatullah Alaih) Hain, Aap Junaidi Silsile Ke Shaykh Hain, Khawaja e Khawajgan Hazrat Khawaja Moin ud Deen Chishty Sarkar Khawaja Gareeb Nawaz (Rehmatullah Alaih) Ne Aapke Mazar Mazar Sharif Par Chilla Kashi Ki Hain, Aapka Mazar Mubarak Lahore (Pakistan) Me Marjai Khaliak Hain…

👥 Share this Msg Your other Group and Other Contacts

✒”AQIDA E ILM E GAIB DAATA SAHAB KI NAZAR ME”:-

~Urs Mubarak GANJ E HAQIQAT HUJJATUL KAMILIN MAZHARUL ULOOM HAZRAT MAKHDOOM SAYYED ABUL HASAN ALI BIN USMAN ALI HAJVERI AL MAROOF DATA GANJ BAKHSH LAHORI radiyallahu anhu (Urs :- 18, Safarul Muzaffar, Mazar :- Lahor Sharif, Pakistan)~

🔳 Khud HAZRAT SAYYEDNA DATA GANJ BAKHSH LAHORI radiyallahu anhu Tehrir farmate he ke ek Budhe Aadmi ne bayan kiya ke “Wo ek din HAZRAT ABU ALI bin HUSAIN DAQQAQ radiyallahu anhu ki Majlis me is Khyaal se gaya ke MUTAVAKKILO (Allah par Tavakkul (Bharosa) rakhne walo) ki Kefiyat ke Muta’alliq kuchh Daryaft kare”

🔳 HAZRAT ABU ALI bin HUSAIN DAQQAQ radiyallahu anhu ‘Tabristaan’ ka bana hua Khubsurat Amaama bandhe hue the. (Budhe ne Aapke Amaame ko laalach ki Nazar se dekha aur) Us Budhe ne Sawaal kiya ke “Tavakkul Alal Haq kya chiz he?”

🔳 HAZRAT ABU ALI bin HUSAIN DAQQAQ radiyallahu anhu ne farmaya ke “Logo ke Amaamo ko Laalach ki Nazar se na dekhne ko TAVAKKUL kehte he” ye farma kar Amaama utaar kar budhe Admi ke samne rakh diya.

📗(Buzurgo ke Aqide)

✒ HAZRAT DATA GANJ BAKHSH radiyallahu anhu ne Is Waqie ko Apni Kitab “Kashful Mehjoob” me likh kar Apna Aqida bata diya ke Allah ke Valiyo ko Allah ki Ataa se Ilm e Gaib hota he ke Allah ke Vali Logo ke Dil ki Niyyato ko bhi jaan lete he.

✒”AAPKI BARGAH ME SARKAR GARIB NAWAJ Radiyallahu Anhu KI AQEEDAT”:-

~Urs Mubarak GANJ E HAQIQAT HUJJATUL KAMILIN MAZHARUL ULOOM HAZRAT MAKHDOOM SAYYED ABUL HASAN ALI BIN USMAN ALI HAJVERI AL MAROOF DATA GANJ BAKHSH LAHORI radiyallahu anhu (Urs :- 18, Safarul Muzaffar, Mazar :- Lahor Sharif, Pakistan)~

🌹“GANJ BAKHSH E FAIZ E AALAM MAZHAR E NOORE KHUDA
NAAKISA RAA PIR E KAMIL KAAMILA RAA REHNUMA” 🌹

🔳 SAYYEDNA SARKAR KHWAJA GARIB NAWAZ radiyallahu anhu Multan se safar farmate huve Hindustan me dakhil ho gaye. Aur pehla kayaam ‘LAHORE SHARIF’ me shaher se bahar HAZRAT SAYYEDNA ‘SAYYED ALI HAJVERI’ Alma’aruf HAZRAT ‘DAATA GANJ BAKHSH’ radiyallahu anhu ke Mazar Mubarak par farmaya.

🔳 HAZRAT SAYYEDNA DAATA GANJ BAKHSH (radiyallahu anhu) ke Fuyuz O Barkat se maalamaal hokar SAYYEDNA SARKAR KHWAJA GARIB NAWAZ (radiyallahu anhu) ne Aapki Shaan me Ek She’ar farmaya

🌹“GANJ BAKHSH E FAIZ E AALAM MAZHAR E NOORE KHUDA
NAAKISA RAA PIR E KAMIL KAAMILA RAA REHNUMA” 🌹

🔳 Is She’ar ka matlab ye hai ke “Aey SARKAR DAATA GANJ BAKHSH radiyallahu anhu Aap KHUDA ke NOOR ke Mazhar hai aur Jahaan ko RAHMATE ILAAHI ke Khazaane baant rahe hai. Aap naakaso ke liye Pire Kaamil hai aur Kaamilo ke bhi Rahnuma hai”.

🔳 SAYYEDNA SARKAR KHWAJA GARIB NAWAZ (radiyallahu anhu) ne HAZRAT DAATA GANJ BAKHSH (radiyallahu anhu) ke Mazar Sharif ke paayenti ke karib jaha Chilla kiya hai

🔳’Waha Chille ki jagah par Sange Marmar ki Ek chaar diwari bani huyi hai aur us char diwari ki Ek diwar par SAYYEDNA SARKAR KHWAJA GARIB NAWAZ (radiyallahu anhu) ka ye She’ar jali harfo me (yaani lighting me) likha hua hai.’

🌹“GANJ BAKHSH E FAIZ E AALAM MAZHAR E NOORE KHUDA
NAAKISA RAA PIR E KAMIL KAAMILA RAA REHNUMA”

🌹SubhanALLAH . . .