23 Safar ul Muzaffar Youm e Wisaal Hazrat Fatimah binte Asad Salamullah Alaih!

23 Safar ul Muzaffar Youm e Wisaal Hazrat Fatimah binte Asad Salamullah Alaih!

Aap wo Azeem ul Martabat hasti hain jinhe Aaqa SallAllahu Alaihi wa Aalihi wa Sallam ne hamesha Ammi Ammi kaha karte, Jo khud bhuki rehna pasand kartin, apne khudke bacho ko bhuka rakhna gawara kartin magar Aaqa SallAllahu Alaihi wa Aalihi wa Sallam bhuke rahen ye Unhe kabhi gawara nahi hota. Wo Azeem hasti hain Maula Ali Alaihissalam ki Walida Sayyeda Fatimah binte Asad Salamullahi Alaiha.
Sayyeda Bibi Aamina Salamullahi Alaiha aur Hazrat Haleema Sadia Salamullahi Alaiha ke saari Dastan Aaqa SallAllahu Alaihi wa Aalihi wa Sallam ke Umr Mubarak ke sirf 6 Baras tak ke hain. Uske pehle bhi kuch aur uske baad ke saari caretaking Sayyeda Fatimah binte Asad aur Hazrat Abu Talib Alaihi-Mussalam ne ki hai.
Afsos Unka Zikr bhi nahi???

Jab Sayyeda Fatimah binte Asad Salamullahi Alaiha ka Wisaal hua to Aaqa SallAllahu Alaihi wa Aalihi wa Sall

“Hazrat Anas bin Maali RadiAllahu Anhu bayan karte hain ke jab Hazrat Fatimah binte Asad bin Hashim RadiAllahu Anhum jo ke Hazrat Ali ibne Abi Talib RadiAllahu Anhuma ki Walidah Majeeda hain faut hogayin to Huzoor Nabi-e-Akram SallAllahu Alaihi wa Aalihi wa Sallam wahan tashreef le gaye aur Unke Sar ke paas khade hogaye aur farmaya: “Allah Ta’ala Tujhpar Reham Farmaye. Ay Meri Maa! Tu Meri Maa ke baad Meri dusri Maa thi aur Tu Mujhe Sair karti thi aur Mujhe kapde pehnati thi aur Meri khatir khud phatey purane kapde pehan leti thi aur Apne Aapko pakiza chizon se mehroom rakhti thi aur Mujhe khilati bhi thi. Aur is Saare Amal se Tu Allah ki Raza aur Daar-e-Aakhirat talab karti thi.”

Fir Aap SallAllahu Alaihi wa Aalihi wa Sallam ne 3 dafa Unhe gusl dene ka hukm farmaya. Pas jab Kaafoor mila paani pahuncha to Huzoor Nabi-e-Akram SallAllahu Alaihi wa Aalihi wa Sallam ne Apne Haath se usey undela fir Huzoor Nabi-e-Akram SallAllahu Alaihi wa Aalihi wa Sallam ne Apna Kurta Mubarak utaara aur Unhe pehna diya aur us chadar ke zariye jo Aap SallAllahu Alaihi wa Aalihi wa Sallam par they, Unhe Kafan pehnaya. Fir Huzoor Nabi-e-Akram SallAllahu Alaihi wa Aalihi wa Sallam Usama bin Zaid, Abu Ayyub Ansari, Umar bin Khattab aur ek Habshi gulam ko qabr khodne keliye farmaya. Unhone qabr khodi aur jab lahad tak pahunche to usey khud Huzoor Nabi-e-Akram SallAllahu Alaihi wa Aalihi wa Sallam ne Apne Dast-e-Aqdas se khoda aur uski mitti Apne Haathon se nikaali aur jab Aap SallAllahu Alaihi wa Aalihi wa Sallam lahad ke khodne se faarig hue to Aap uske andar daakhil hokar let gaye, fir farmaya: “Allah Wo Hai Jo zinda karta hai aur maarta hai aur Wo Zinda hai Usey kabhi maut nahi aani. Ay Allah Meri Walidah Fatimah binte Asad ko Baksh de aur Usey Uski Hujjat ki Talqeen farma aur Uski Qabr Uspar Khushada farma Apne Nabi aur Mujhse qabl Anbiya ke waaste. Pas beshaq Tu sabse zyada Reham farmane Wala hai.”
Fir Unpar 4 Takbiren padhin aur Aap SallAllahu Alaihi wa Aalihi wa Sallam Hazrat Abbas, Hazrat Abu Bakr RadiAllahu Anhuma ne Unhe Lahad me dakhil kiya.”

-Al fateha

Abu Nuaim, Hilyatul Auliya, 3/121
Tabrani, Mujam al Kabir, 24/351, #871
Tabrani, Mujam al Awsat, 1/67, #189
Haysami, Majma uz Zawaeed, 9/257

Dr. Tahir-ul-Qadri, An Najabat fee Manaqibis Sahabti wal Qarabat (RadiAllahu Anhum), Page 419,420, Hadees 430

Allahumma Salle Ala Sayyedina wa Maulana Muhammadiw wa Ala Bintihi wa Ummihi wa Abeehi wa Ammihi wa Jaddihi wa Azwajihi wa Aalihi wa Sahbihi wa Baarik wa Sallim

Hazrat Fatimah bint Asad (رضئ اللہ تعالی عنہ)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s