Yaum e Shahdat Hazrat Zaid Shaheed Alaihissalam 1 Safar.

1 Safar ko Unki Shahadat hai Jinki parwai Imam-e-Aazam Abu Hanifa karke Imam bane . Unke baareme Muhaddis-e-Akbar Imam Shuabi ne farmaya:
“Allah Ta’ala ki Qasam! Kisi aurat ne bhi Unse zyada Fazilat ka Hamil, Unse zyada Faqih, Unse zyada Shujaah aur Unse zyada Zahid paida nahi kiya!!”

Aur Unke bare Khud Imam-e-Aazam Abu Hanifa RadiAllahu Anhu farmate hain:
“Maine Unke Zamane me Unse zyada Faqih, Unse zyada Aalim, Unse zyada Haazir Jawab, Unse zyada baat ki Wazahat karne wala kisiko nahi dekha!!”

Wo Azeem Hasti hain Imam Hussain Alaihissalam ke Potey, Imam Zainul Aabideen Alaihissalam ke Shahzade, Hazrat Sayyeduna Imam Zaid bin Ali Alaihi-Mussalam!!
(Imam Muhammad al Baqir Alaihissalam ke Bhai)

Aap Ilm o Amal ke Samandar to they he aur Aap Haq ki aawaz buland karne se bhi nahi darte they (jo ke Ahle Bayt-e-Athaar ki Shaan hai!)

Aapne hukumat ke kiye jaane waale zulm ke khilaf aawaz uthayi to hukumat ne Imam Abu Hanifa ko Unke khilaf fatwa deno ko kaha. To Imam-e-Aazam ne fatwa diya ke Jo Imam Zaid Alaihissalam ki Madat karega usko Badr Waalo jaisa Sawab milega!!

Jab Imam Zaid Alaihissalam ko Shaheed kiya gaya to us hukmraan ne Aapke Jism-e-Aqdas se kapde nikaale aur Aapko suli par chadhaya aur kaha ke Ahle Bayt ke Log koi khaas nahi hote Inke Jism bhi maut ke baad sad jaate hain (maazAllah).

To 4 saal tak Aapka (ba-zaahir) murda Jism-e-Pak suli pe latka raha lekin jo bhi shakhs kareeb se guzrata usko Mushk se behtar khushu aati!! Aur Allah ne Aapke Satr ki Hifazat ki!!

Jab Aapke Shahdat ki Khabar Aapke Bhatije Imam Jafar as Sadiq Alaihissalam tak pahunchi to gum ke maare Aap nidhaal hogaye, kai hafto tak Apne Chacha ke gum me rote rahe. Aur farmaya:

“Allah Rabbul Izzat ki Qasam! Imam Zaid Hum me sabse zyada Quran ko padhne waale, Allah ke Deen ki Hum me sabse zyada Samajh bujh rakhne waale aur Hum me sabse zyada Sulah Rehmi karne waale they. Allah Rabbul Izzat ki Qasam! Duniya aur Aakhirat me ab Hum me Unki Misl koi bhi maujud nahi..”

Imam Zaid Alaihissalam Bahot Bade Muhaddis bhi they aur aaj duniya me available gaaliban jo sabse purani Hadees ki Kitaab hai, Wo Imam Zaid bin Ali Alaihi-Mussalam ki Murattab ki hui “Musnad Zaid” hai! Jisme Aapne Apni Sanad se Aaqa SallAllahu Alaihi wa Aalihi wa Sallam ki Ahadees Riwayat ki Hain aur Wo Kitab pdf aur hard copies me kai languages me maujud hai!

kamse kum 2 rakat Nafl padhke Uska Sawab Aapki Bargah me Bataor-e-Hadiya pesh karen.. InshaAllah

Allahumma Salle Ala Sayyedina Muhammadin wa Alaa Aale Sayyedina Muhammadin wa Sahbihi wa Baarik wa Sallim)

Yaume Shahadat

Imaam ul Muslimeen Mudabbir e Quran Haleef Al Quran Aalim e Aal e Muhammad Faqih e Ahle Baith Hazrat Syedna Zaid Shaheed
(Alaihis Salam)

Aapki Wiladat 80 Hijri Mutabik 698 Esvi Me Madina Pak Saudia Arab Me Hui, Aapki Shahadat 1 Safar ul Muzaffar 122 Hijri Mutabik 740 Esvi Me Hui, Aap Imaam e Aali’maqaam Mola Imaam Hussain (Alaihis Salam) Ke Pote Hazrat Syedna Imaam Zainul Aabideen (Alaihis Salam) Ke Sahabzade Aur Hazrat Imaam Muhammad Baqar (Alaihis Salam) Ke Bhai The, Imaam e Aazam Abu Hanifa (Razi Allahu Tala Anhu) Aapki Shan Me Farmate Hain:- Maine Unke Zamane Me Unse Zayada Faqih, Unse Zayada Aalim Unse Zayada Hazir Jawab, Unse Zayda Baat Ki Wazahat Karne Wala Kisi Ko Nahi Dekha, Muhaddis e Akbar Imaam Shuabi (Rehmatullah Alaih) Aapki Shan Me Farmate Hain:- Allah Ta’ala Ki Qasam! Kisi Aurat Ne Bhi Unse Zayada Fazilat Ka Hamil, Unse Zayada Faqih, Unse Zayada Shujaah, Aur Unse Zayada Zahid Paida Nahi Kiya, Hisham Bin Abdul Malik Ak Marvani Zalim Hakim Tha, Jisne Aapko Shaheed Karwaya Aur Us Par Shadeed Zulm Ye Ke Jism Mubarak Ko Dafan Na Hone Diya Barso Jism Suli Par Raha Itne Arse Me Badan Mubarak Ke Kapre Gal Gaye The, Allah Ta’ala Ke Hukum Se Makhri Ne Tehband Ki Shakal Jala Bun Diya (4 Ya 7 Ya 8 Sal) Bad Jab Hisham Mar Gya To Bhi Zalimo Ne Dafan Na Hone Diya Aur Jism Mubarak Me Aag Laga Kar Hava Ke Havale Kar Diya, Baaz Naik Bando Ne Dekha Huzoor Nabi Akram (Sallallahu Ta’ala Alaihi wa Aala Aalehi wa Sallam) Hazrat Zaid Shaheed (Alaihis Salam) Ki Suli Se Pusht Lagaye Khade Hain Aur Farmate Hain:- Ye Kuch Kiya Jata Hain Mere Beto Ke Sath, Aapka Mazar Mubarak Kufa (Iraq) Me Marjai Khaliak Hain…

Imam Zayd ibn ʿAlī – زَيْد ٱبْن عَلِيّ‎; 695–740 CE ) was the son of Imam Ali ibn Husayn aka Imam Zayn ul-Abideen , and great-grandson of Ali. Imam Zayd led an unsuccessful revolt against the Umayyad Caliphate, in which he was martyred. Ibn Qutaybah in his book “al-Ma’ārif”, republished in 1934 in Egypt, writes (at page 73) that one of the wives of Imam Zayn al-Abidīn was from Sindh, Pakistan, and that she was the mother of Zayd ibn Ali. A similar claim has also been made in the book “Zayd Shaheed” by Abd al-Razzaq al-Hasani, published in Najaf. Zayd’s mother Jodha was known by Muslim chroniclers as Jayda al-Sindhi. Imam Zayd was an excellent orator and spent much of his life learning and educating others. It is said that his half-brother, Imam al-Baqir, wanted to test him on the Quranic knowledge, asking him various questions for which he received answers beyond his expectation, causing to him to remark, “For our father and mother’s life! You are one of a kind. God grace your mother who gave you birth, she gave birth to a replica of your forefathers!” Al-Baqir also said: “No one of us was born to resemble ‘Ali ibn Abi Talib more than he did.”

The Umayyads ruled Islam for eighty-nine years. The beginning of their downfall was Zayd. He led an army and confronted the army chief of the Umayyads, Yusuf al-Thaqafi, the father of Hajjaj. Finally Zayd was killed and they kept his nude martyred body in a dungeon for four years. Walid Ibn Yazid ibn Abdu’l-Malik ibn Marwan became caliph in 126 A.H., he ordered that the body be taken down, burnt, and the ashes scattered to the wind or to be thrown into the rivers of Iraq.{ Alaihimussalaam }

Assalaatu Wasalamu Alaika Ya Jaddi Haleef Ul Quran Imam Zaid Shaheed Ibne Ali Ibne Hussain Ibne Ali Ibne Abi Taalib Alaihimussalaam.


Kon Hai? Imam Zaid Shaheed۴.👆🏻👆🏻👆🏻

2 Safar Ul Muzaffar Yaum e Shahadat Hazrat Sayyiduna Imam Aali Maqaam Abul Hasan Haleef Ul Quran Imam Zaid Shaheed Ibne Ali Ibne Hussain Ibne Ali Ibne Abi Talib Alaihimusalaam.

Assalaatu Was Salamu Alaika Ya Jaddi Ya Imam Zaid Ash Shaheed Alaihissalam.🙏🙏🙏

Hamare Khoon Me Wallah Baqa Hain Zaid Shaheed.
Hamare Waaste Mushkil Kusha Hain Zaid Shaheed.

Inhi Ko Dekh Kar Kehte The Jaffer e Saadiq,
Khuda Ki Raah Me Ahl e Wafa Hain Zaid Shaheed.

Aye Shah Ye Qalam Dooba Huwa Hai Ashkon Me,
Tumhara Naam Jo Is Ne Likha Hain Zaid Shaheed.

Tumhari Raakh Ne Jal Kar Padha Hai Rab Ka Kalaam,
Kalaam e Paak Ko Tum Se Wafa Hain Zaid Shaheed.

Tunhare Noor Ko Aabid Bhi Yehi Kehte The,
Nabi Ka Noor Aur Noor e Khuda Hain Zaid Shaheed.

Tumhare Haath Me Beshak Khuda Ki Nemat Hai,
Tumhari Nematen Nemat Khuda Hain Zaid Shaheed.

Tumhare Naam Se “Bismil” Ko Ishq Hai Maula,
Tumhare Naam Pe Ye Bhi Fana Hain Zaid Shaheed.

{ Kalaam e “Bismil” Pirzaada Syed Shah Jaffer Ali Hussain Zaidi Ul Waasty Chishty Nizami Hamzavi }


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s