Shiaa Aur Raafzi Me Farq

Tabarani Ne Bayan Kiya Hai Ki Nabiyy-E-Karim SallAllahu Ta’ala Alayhi Wa Aalihi Wa Sallam Ne Hazrat Ali KarramAllahu Ta’ala Waj’hah-ul-Karim Se Farmaya Ki Jannat Me Chaar-04 Aadmi Sab Se Pehle Daakhil Honge Mein, Tum, Hasan Aur Husain (Alayhim-us-Salam) Aur Hamaari Awlaad Hamare Pichhe-Pichhe Hogi Aur Hamari Biwiya’n Hamaari Awlaad Ke Pichhe-Pichhe Hongi Aur Hamaare “Shia”(Mutabbi’iyn) Hamaare Daaein-Baaein Honge”.

[Haytami Fi As-Sawa’iq-ul-Muharriqah, Saf’h-161.]

Daylami Ne Bayan Kiya Hai:

“Aye Ali !
Allah Ta’ala Ne Tujhe Teri Awlaad Tere Bacchon Teri Ahel Aur Tere “Shion”Ko Bakhs Diya Hai.
Pas Khush Ho Jaao Kyun Ki Too Hawz-E-Kawthar Se Bhare Huwe Pet Waala Hai.”

[Haytami Fi As-Sawa’iq-ul-Muharriqah, Saf’h-101.]

Yaad Rahe Ki Ahadith-E-Mubaraka Me “Shiaa” Se Muraad “Pairokaar” Aur “Shiaan-E-Ali” Se Muraad “Hazrat Ali KarramAllahu Ta’ala Waj’hah-ul-Karim Ke Pairokaar” Aur Un Ka Woh Giroh Hai Jo Sahaba-E-Kiram Ridwan-ul-Allahi Ta’ala Alayhim Ajmaeen Ke Maqaam Wa Martabe Ko Bhi Dil-o-Jaan Se Taslim Karta Hai, Jaise Ki Isi Kitab Me Hai Ki:

Aap Ke “Shia” Ahl-E-Sunnat Hain Kyun Ki Wahi Allah Ta’ala Aur Us Ke Rasool SallAlahu Ta’ala Alayhi Wa Aalihi Wa Sallam Farmana Ke Mutabiq Un Se Muhabbat Rakhte Hain.
Aur Doosare Log Haqiqat Me Un Ke Dushman Hain Kyun Ki Shariat Ke Qawaanin Ke Hudood Se Khaarij Aur Hidayat Ke Tariqon Se Hata Ne Waali Muhabbat Sab Se Badi Adaawat Hai.
Yahi Wajah Hai Ki Is Qism Kee Muhabbat Un Kee Halaakat Ka Baa’is Ban Jaaegi”.

[Haytami Fi As-Sawa’iq-ul-Muharriqah, 519.]

Aur Imam Shafi’iy Rahmat-ul-Allahi Ta’ala Alayh Ne Apne Ash’ar Me Lafz-E-Shiat Isti’mal Nahin Farmaya Balki Lafz-E-Raafziyyat Isti’mal Farmaya Hai Mulahiza Ho Imam Shafi’iy Rahmat-ul-Allahi Ta’ala Alayh Farmate Hain Ki :

“Agar Aal-E-Muhammad Kee Muhabbat Rafd Hai To Jinn Aur Insaan Gawaah Ho Jaaien Ki Mein Raafzi Hoo’n.”

[Haytami Fi As-Sawa’iq-ul-Muharriqah, Saf’h-133.]

Aur Aik She’r Me Aap Farmate Hain Ki :

“Agar Wali (Hazrat Ali KarramAllahu Ta’ala Waj’hah-ul-Karim) Kee Muhabbat Rafd Hai To BeShak Mein Sab Se Bada Raafzi Hoo’n.”

[Haytami Fi As-Sawa’iq-ul-Muharriqah, Saf’h-133.]

Ab Agar Koi Aisa Shiaa Hai Ki Jo Sahaba-E-Kiram Se Bughz Rakhta Hai To Woh Shian-E-Ali Se Nahin Balki Woh Raafzi Hai Is Liye Shiat Aur Raafziyyat Me Tameez Nihaayat Zaroori Hai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s