12 Zilhajj Yaum e Shahdat of Hazrat_Usman_e_Ghani_(R.A)

“Wo Usman jisse Ghazwa e Tabook pe Aaqa SallAllahu Alaihi wa Aalihi wa Sallam ne kaha Fojiyo ke pass Saaj o Saman nahi hai. hai koi mere lashkar e Islam ko Saaj o Saman dene wala?.

Sara Saman Ghodo samet Sayyeduna Usman e Ghani RadiAllahu Ta’ala Anhu ne de diya us Amal Se Huzoor itna khush huye dhiram o dinaar Huzoor jholi me lekar uchalte they aur Usman e ghani RadiAllahu Ta’ala Anhu ki Taraf ishara karte they arz karte they Moula Usman ne aaj jo qurabani di hai uske badle me Aaj ke bad yeh jo kuch bhi karey Issey Sawal Na karna issey koi hisab na lena koi Hisab Na lena.”

Jame Tirmizi, Abwab ul manaqib, 5/625 #3700.

-Shaykh-ul-Islam Dr Muhammad Tahir-ul-Qadri

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Barik wa Sallim.


Sayyeduna Usman-e-Gani RadiAllahu Anhu ke Character ki Azmat ka Andaza lagaiye ke jab Sayyeda Ruqaiyya Salamullahi Alaiha ke Wisaal ke baad Sayyeda Umme Kulsum Salamullahi Alaiha ka bhi Wisaal hogaya to Aaqa SallAllahu Alaihi wa Aalihi wa Sallam ne farmaya ke Agar Meri 40 Betiyan bhi hotin to unka nikah ek ke baad ek Usman se karaata!!
Allahu Akbar!!

Aaj Aap RadiAllahu Anhu ka Youm-e-Wisaal hai.


Aaj Us Azeem Hasti ki Shahadat ki Raat hai ke Jinhe ek aisa khaas Sharf mila jo kainat me kisi aur ko nahi mila. Wo Ye ke Aap Wo Wahid Hasti hain Jinhe Ek Nabi ki 2 Shehzadiyo se Nikah ka Sharf Haasil hua!!
Isliye Aapka Laqab “Zun Noorain” hai yaani 2 Noor Waale!

Jab Jang e Badar keliye 313 ka Karwa rawana hone laga tab Hazrat Sayyeda Ruqaiyyah Salamullahi Alaiha bahot beemar thin to Khud Aaqa SallAllahu Alaihi wa Aalihi wa Sallam ne Hazrat Usman ko Hukm diya ke Usman Madina me he rehkar Unki dekhbhal karo. Isliye Aap Gazwa Badar me shamil na hosake magar Hukm e Rasool ki Farmabardari me they isliye Ashaab e Badar me Sayyeduna Usman RadiAllahu Anhu ka bhi Naam hai aur Unhe Maal e Ganimat me se Hissa bhi mila!

Jab Sayyeda Umme Kulsum Salamullahi Alaiha ka Wisaal hua to Huzoor ne sabse farmaya: Khuda ki Qasam! Agar Meri 40 Betiyan bhi hoti to Mai ek ke baad ek Unka Nikaah Usman se karwata!
Aisa Azeem Tha Hazrat Usman RadiAllahu Anhu ka Character!! SubhanAllah

Aur jab Apne Rab milne ka Din aaya to Uske Pichli Raat Aapke Khwab me Aaqa SallAllahu Alaihi wa Aalihi wa Sallam Tashreef laaye aur Aapke Saath Sayyeduna Abu Bakr Siddiq aur Sayyeuna Umar e Farooq RadiAllahu Anhuma they. Aur Aaqa SallAllahu Alaihi wa Aalihi wa Sallam ne Unse farmaya: Ay Usman kal Roza rakho Tumhari Iftari Hamare Saath hai!!

Pas 12 Zil Hajj ki Raat Quran e Pak ki Tilawat karte waqt Aapko Shaheed kardiya gaya.
12 Zilhajj ki tarikh har kitab me aayi hai jaha jaha Sayyeduna Usman-e-Gani RadiAllahu Anhu ki Shahadat ka Zikr hai aur 18 Zilhaj ki tarikh sirf ek jagah aayi hai.

SallAllahu Alaihi wa Ala Aalihi wa Sahbihi wa Baarak wa Sallam

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s