Zikr e Sahaba Hazrat Abdullah Bin Salam (R.A)

Advertisement

Hadith:Ali Mujhse Hai aur Mai Ali se

“Imam Nasai riwayat karte hain ke kuch logo ne Hazrat Ali ke Shaan ke khilaf kuch baate ki jis se Aaqa SallAllahu Alaihi wa Aalihi wa Sallam ke Chehra-e-Anwar par gazab numaya hua! Aapne farmaya:

“Ma Turiduna Min Aliyyin?”
“Mere Ali ki shikayat karne waalo, tum Ali se kya chahte ho?”

Aur fir farmaya:
“Inna Aliyyam Minni wa Ana Minhu wahuwa Waliyyu Kulle Momineen Min Ba’adi”

Sunlo “Ali Mujhse Hai aur Mai Ali se Hun aur Mere Baad Ali har momin ka Wali hoga” aur Qayamat tak Ali har momin ka Wali hoga!

Aur Auliya ne likha jis saaleh, nek, sahib-e-martaba, sahib e wilayat ki Wilayat ki takhti par jab tak Hazrat Ali Mohar na lagaye, wo na Qutub ban sakta hai na Gaus ban sakta hai! Waliyo ko Wilayat bhi Hazrat Ali ke Mohar se milti hai!
Aur ye baat jo maine kahi ye Shah Ismail Dehalvi sahab ne bhi apni kitab Siraat-e-Mustakeem me likhi jo Hazrat Shah Muhaddis Dehalvi ke potey hain halanke unke aqaid mukhtalif hogaye they Ahle Sunnat ke Aqeede se magar Shah Ismail Dehalvi sahab ne apni kitab me ye baat likhi hai ke Waliyo ko Wilayat bhi Hazrat Ali ke Mohar se he milti hai!”

(Alaihissalam)

[Imam Ahmed, Musnad, 4/437
Imam Nasai, Sunan al Kubra 5/133, Hadees no. 8476]

Hadith: Wilayat e Ali

“Hazrat Ammar Bin Yaasir RadiyAllahu Ta’ala ‘Anhu Se Riwayat
Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa- Sallam Ne Farmaya :“Jo Mujh Par Imaan Laaya Aur Meri Tasdiq Kee Use Mein Wilayate Ali Kee Wasiyyat Karta Hoo’n, Jis Ne Use Wali Jaana Us Ne Mujhe Wali Jaana Aur Jis Ne Mujhe Wali Jaana Us Ne Allah Ko Wali Jaana, Aur Jis Ne Ali KarramAllahu Ta’ala Waj’hah-ul-Karim Se Mahabbat Kee Us
Ne Mujh Se Mahabbat Kee, Aur Jis Ne Mujh Se Mahabbat Kee Us Ne Allah Se Mahabbat Kee, Aur Jis Ne Ali Se Bughz Rakkha Us Ne Mujh Se Bughz Rakkha, Aur Jis Ne Mujh Se Bughz Rakkha Us Ne Allah Se Bughz Rakkha.”

Is Hadith Ko Haythami Ne Majma’-uz-Zawa’id Me Riwayat Kiya
Hai

Refrence 📗

Haythami Fi Majma’-uz-Zawa’id Wa Manba’-ul-Fawa’id, 09/108, 109,
Ibn Asakir Fi Tarikh Dimashq Al-Kabir, 45/181, 182,
Hisam-ud-Deen Hindi Fi Kanz-ul-’Ummal, 11/611, Al-Hadith Raqm-32958.