Hadith:Salaam

Salaam

*Mafhoom-e-Hadees* Abdullah Bin Masud (RaziAllahu Anhu) Se Riwayat Hai Ki, Nabi-e-Rehmat (Sallallahu Alaihay Wasallam) Ne Irshaad Farmaya –
*“Salaam Allah Ke Naamo Me Se Ek Naam Hai Jisko Allah Ne Zameen Par Utaara Hai.*
Lihaza Usko Aapas Me Khub Failao Qunki Musalman Jab Kisi Qoum Par Guzarta Hai Aur Unko Salaam Karta Hai We Usko Jawaab Dete Hai, Tou Unko Salaam Yaad Dilane Ki Wajah Se Salaam Karne Walo Ko Uss Qaum Par Ek Darja Fazilat Hasil Hoti Hai Aur Agar We Jawaab Nahi Dete Hai Tou Farishte Jo Insan Se Behtar Hai Usko Salaam Ka Jawaab Dete Hai”.
*(Tirmizi Shareef Hadees No-325)*

Hadith: Sehat Ko Marz Se Pahle Ghaneemat Jano ….


Sehat Ko Marz Se Pahle Ghaneemat Jano ….

*Mafhoom-e-Hadees* Abdullah-Bin-Umar (RaziAllahu Anhu) Ne Kaha Ki, Rasool’Allah (Sallallahu Alaihay Wasallam) Ne Mera Shaana (Shoulder) Pakad Kar Farmaya –
“Duniya Me Iss Tarah Raho Jaise Musafir Ho Ya Raasta Chalne Wala Ho,”
Ibn Umar Kaha Kartey They Ki – ‘Shaam Ho Jaye Tou Subah Ke Muntazir Na Raho
Aur Subah Ho Jaye Tou Shaam Ke Muntazir Na Raho, Apni Sehat Ko Marz Se Pahle Ghaneemat Jano Aur Zindagi Ko Maut Se Pahle”.
*(Ibn Majah Hadees No-040)*