10 Muharram Yaum e Shahdat Imam Husain AlahisSalam.

*10 Muharram ul Haraam*

*1383th Yaume Shahadat*

*Shaheed e Aazam Sayyed ush Shohada Sayyed ush Shabaabi Ahlil Jannah Sultan e Karbala Syed ul Mazloomeen Imaam e Aali’maqaam Imaam e Hammam Imaam e Arsh Maqaam Imaam e Tishna Kaam Hazrat Syedna Sarkar Mola Imaam Hussain Alaihis Salam*

*Aapki Wiladat 5 Shaban ul Muazzam 4 Hijri Mutabik 8 January 626 Esvi Baroz Mangal Me Hui, Aapki Shahadat 10 Muharram 61 Hijri Mutabik 10 October 680 Esvi Baroz Juma Hui, Aap Shehansha e Qull Aalam Huzoor Ahmad e Mujtuba Muhammad Mustufa ﷺ Ke Nawase Aur Mola e Kaynat Mola Imaam Ali Alaihis Salam Aur Syyeda e Kaynat Syyeda Fatima Zehra Salam un Aleha Ke Shehzadaye The, Aapki Shan Me Huzoor Alaihis Salam Ne Farmaya:- Hasan Aur Hussain Jannati Jawano Ke Sardar Hain, Hasan Aur Hussain Hi To Mere Gulshane Duniya Ke Phool Hain, Hussain Mujh Se Hain, Me Hussain Se Hu, Jisne Hussain Se Muhabbat Ki Usne Mujh Se Muhabbat Ki, Jisne Hussain Se Bugz Rakha Usne Mujh Se Bugz Rakha, Huzoor Alaihis Salam Aapke Liye Apna Sajda Taweel Fama Diya Karte The, Huzoor Alaihis Salam Aapke Liye Khutba Chor Kar Mimbar Sharif Se Neeche Tashrif Liyaya Karte The, Huzoor Alaihis Salam Apko Apni Dosh Mubarak Par Bedha Kar Sawari Karate The, Aapki Shahadat Ki Khabar Hazrat Jibreel Alaihis Salam Ne Aapke Nana Huzoor Alaihis Salam Ko Aapke Bachpan Me Hi Dedi Thi, Aapne 25 Martaba Paidal Hajj Ada Kiya, Aap Aa’imma e Ahle Baith Ke Teesre Imaam Hain, Aap 28 Rajab 60 Hijri Ko Madina Pak Ko Chora, 8 Zilhijja Ko Aapne Makka Sharif Ko Chora Aur Karbala Sharif Ki Taraf Rawana Hue, 2 Muharram 61 Hijri Ko Aap Karbala Sharif Pouche, 7 Muharram Ko Yazeedi Foj Ne Apke Qafile Ka Pani Band Kar Diya, Aur 10 Muharram Ko Aapko Badi Hi Bedardi Ke Sath Shaheed Kar Diya, Aapke Sath Karbala e Mualla Me 72 Shohada Shaheed Hue, Jinme Mashoor Aapke Bhai Hazrat Ghazi Abbas Alamdar, Aapke Shezade Hum Shakle Paighambar Hazrat Ali Akbar, Aapke Shezadaye Hazrat Ali Asghar, Aapke Bahanje Hazrat Aun, Hazrat Muhammad, Aapke Bhatije Hazrat Qasim, Aapke Bachpan Ke Dost Hazrat Habeeb Ibne Mazahir Alaihimus Salam Ye Sab Hazraat Shaheed Hue, Mola Imaam Hussain Alaihis Salam Ki Shahadat Ke Bad Jab Yazeedi Foj Ne Apke Sar Mubarak Ko Neze Par Buland Kiya To Apne Neze Par Bhi Quran Sharif Ki Tilawat Farmayi, Aapki Shahadat Ke Din Suraj Girhan Me Aa Gya, Aapki Shahadat Ke Din Se 6 Mah Tak Aasman Ke Kinare Surkh Rahe Bad Me Rafta Rafta Wo Surkhi Jati Rahi, Albatta Afaq Ki Surkhi Jisko Shafaq Kha Jata Hain Aaj Tak Mojood Hain Ye Surkhi Shahadat e Imaam Hussain Se Pehle Mojood Na Thi, Aapka Mazar Mubarak Karbala Sharif, Iraq Me Marjai Khaliak Hain…*

Waa Muhammada! Waa Muhammada! 😭

Umar Ibn Sa’d (Lanatullah) Ne Us Din Wahi’n Maqaam Kiya Doosre Din Sub’h Ko Humayd Bin Bukayr Ko Hukm Diya Ki Logo’n Me Koofa Kee Taraf Rawaana Hone Kee Munaadi Kar De Woh Apne Saath Aap Kee Betiyo’n Ko Aur Behno’n Aur Bachcho’n Ko Sawaar Kar Ke Le Chala Aur Ali Bin Hussain (Imam Zain al Abideen) Bimaar They.

Yeh Bibiya’n Jab Aap Kee Laash Aur Aap Ke Azizo’n Aur Farzando’n Kee Laasho’n Kee Taraf Se Guzri’n To Aah-o Naala Karne Lagi’n.

Qurrah Bin Qays Tamimi Kehta Hain: Mein Ghoda Badha Kar Qarib Gaya Un Aurto’n Ko Mein Ne Dekha. Mein Ne Aisi Aurte’n Kabhi Nahin Dekhi Thi’n. WAllah Aahwaane Sheraa’i Se Badh Kar Haseen Thi’n.
Mujhe Khub Yaad Hai Zainab Bint Fatimah SalaamUllahi Alaiha Ka Yeh Kehna Kabhi Nahin Bhulunga.

Jis Waqt Apne Bhaa’i (Imam Hussain) Kee Laash Par Pahonchi’n To Kehti Thi:
Waa Muhammada! Waa Muhammada! Malaa’ika-e Aasman Kee Salaat Aap Par Ho. Hussain Maidaan Me Pade Hu’e Hain.
Khoon Me Doobe Hu’e Hain.
Tamaam A’za’ Tukde-Tukde Se Hain
Ya Muhammada Aap Kee Betiya’n Bandi Jaati Hain. Aap Kee Zurriyyat Qatl Kee Ga’i. Hawa Un Kee Laash Par Khaak Daal Rahi Hai.

Yeh Sun Kar WAllah Dost Dushman Sab Ro Diye.

Phir Baaqi Laasho’n Ke Sar Juda Kiye Gaye. Shimr Laeen Aur Qays Bin Ash’ath Mal’oon Wa Amr Bin Hajjaj Mal’oon Ke Saath Bahattar Sar Rawaana Kiye Gaye. Un Logo’n Ne Un Saro’n Ko Ubaydullah Ibn Ziyad (Lanati) Ke Paas Pahoncha Diya.

Tarikh At-Tabari, 04/232_233.

Qurrah Bin Qays Tamimi Kehta Hai: Mujhe Khoob Yaad Hai, Zainab Bint Fatimah SalaamUllahi Alaiha Ka Yeh Kehna Kabhi Nahin Bhooluga, Jis Waqt Apne Bhaa’i (Imam Hussain) Kee Laash Par Pahonche’n To Kehti Thi’n:

Ya RasoolAllah (SallAllahu Aalihi wa Alaihi wa Sallam)‎ !
Aap Par Aasmaan Ke Firishto’n Ka Durood-o Salaam Ho!
Aye Allah Ke Rasool Aap Kee Duha’i Hai! Duhaa’i Hai!
Dekhiye Yeh Hussain Maidan Me Khoon Me Lathde Hu’e A’zaa’ Burida(Tamam Ke A’zaa’ Tukde-Tukde) Pade Hain.
Ya Muhammada! Ya Muhammada Aap Kee Betiya’n Asir Wa Qaidi Hai.
Aap Kee Zurriyyat Ke Laashe Be-Gor-o Kafan Pade Hain Aur Hawaa’en Un Par Khak Uda Rahi Hain.

Yeh Sun Kar WAllah Dost Wa Dushman Sab Ro Diye.

Ibn Kathir Fi Al-Bidayah Wa-Al-Nihayah, 08/247,
Ibn Athir Fi Al-Kamil Fi Al-Tarikh, 04/80,
Ibn Jawzi Fi Al-Radd ‘Ala Al-Muta’assib Al-‘Anid Al-Mani’ Min Dhammi Yazid,/53.

Karbala Waalon ki Shab-e-Qadr

“Jaame Tirmizi ki Abwab ut Tafseer me hai ke Imam Hasan-e-Mujtaba Farmate Hain Mere Baba Tajdar-e-Kainat SallAllahu Alaihi wa Aalihi wa Sallam ne Khwab dekha aur subh pareshan bedaar hue. Aapne farmaya ke Meri pareshani ka sabab ye ke Maine Khwab dekha ke Banu umaiyya ke hukmarano ko Apna Mimbar paamal karte dekha hai. Aaqa farmate hain yake baad digare Mere Mimbar pe baithe, Mimbar-e-Rasool paamal horaha hai.

Subh pareshan uthe, Tabiyat-e-Muqaddasa pe malal tha, us malal ko dur karne keliye, Imam Hasan-e-Mujtaba farmate hain Allah Pak ne Ye Surat naazil farmayi “Inna Anzalna Hu Fee Laylatil Qadr” Shab-e-Qadr ki Surat utri. Aur Surat me hai ke Wama Adraka ma Laylatul Qadr, “kya aap jante hain ye Laylatul Qadr kya hai?” Jawab diya: “Laylatul Qadri Khairum min Alfi Shahra”. Shab e Qadr ek hazaar mahino se Afzal hai!

Hadees ke raawi jinhone Imam Hasan-e-Mujtaba se Ye suna wo kehte hain mai tabse sochne lag gaya ke hazar mahine kaunse? To Tirmizi Shareef me hai farmate ke jab waqt guzra aur giney to banu umaiyya ki hukumat ka daur pure hazar mahine bane!

Allah ne Huzoor ka ranj o malal dur karne keliye Surat utaari, Farmaya Mehboob jinko Apne Mimbar ko pamaal karte dekha hai, ek hazar mahine is Mimbar pe hukumat pe baithenge, inke hazar mahino se Mehboob Teri Ahle Bayt ki Ek Raat behtar hai!!

Ye hazar mahine banu umaiyya ke. Hadees to waha khatm hogayi ke hazar mahine banu umaiyya ke hazaar maah hain. Hadees khatam hogayi ab is se aage apna ijtehadi itlaaq karraha hun. Apni Zimmedari par itaalq karraha hun, apni Ilmi zimmedari par itlaaq karraha hun ke jab hazaar maah banu umaiyya ke takht-e-damishq ke hue to unse behtar hai Ek Raat.

To mera wijdaan ye kehta hai jab ek taraf takht e damishq ke hazar mahine hon aur ek raat jo takht e damishq ke hazar mahino se behtar hai Wo Sayyeda Zainab ki Shab-e-Aashur hai! Wo Hussain ki Shab-e-Aashur hai Wo Sakina ki Shab-e-Aashur hai Wo Sayyeda Zainab ki Shab-e-Aashur hai!

Ke wo takht par baithne walo ke ek hazar maah aur Mustafa Tere Shehzado Shehzadiyo ki Khaak-e-Karbala par Wo aakhri Ek Raat.”

Alaihim Afdalus Salawatu was Salaam

(Tirmizi, Hakim, Imam Razi Tafseer)

-Shaykh ul Islam Dr. Tahir-ul-Qadri

Allahumma Salle Ala Sayyedatina Zainab wa Ala Ummiha wa Jaddiha wa Abeeha wa Akhwaniha wa Ahle Baytiha wa Baarik wa Sallim

“Imam Ibne Kaseer al Bidaya wan Nihaya me riwayat karte hain ke Shab-e-Aashur hai, thake maande Hussain tek lagake thodi der keliye baithey, Aankh lag gayi. Laeen ibne ziyad aur yazid ke lashkaro ne Ahle Bayt ke Khaimo pe hamle ka faisla kardiya. badbakht lashkari Khaima-e-Ahle Bayt ki taraf to shor hua. Sayyeda Fatimah tuz Zahra ki Shahzadi Sayyeda Zainab baahar Aayin, dekha shor kaisa hai. Raat ka andhera hai Shab-e-Aashoor hai, dekha ke yazidi lashkar aarah hai, daudkar andar Gayin Bhai Hussain uth jaiye dushmano ne hamle ki tayyari karli hai. Imam-e-Aali Muqaam uthke farmate hain Behan Zainab Hamne bhi Tayyari karli hai. Puchti Hain Bhai Hussain Aapne kaunsi tayyari karli hai? Farmaya Behan Zainab abhi Khwab me Nanajaan Aaye they aur farma rahe they Beta Hussain Hum Intezar karrahe hain Tere Istaqbal ka. Udhar bhi tayyariya horahi hain Isteqbal ki tayyariya. Hussain talwar leke uthe lashkar piche chala gaya.”

SallAllahu Alaihi wa Aalihi wa Sallam

-Shaykh-ul-Islam Dr. Tahir-ul-Qadri

Allahumma Salle Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahbihi wa Baarik wa Sallim.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s