AL QAULUL QUR’AN FEE AZMAT-E-SAYYEDUNA IMRAN:Surah Tauba ki us Aayat se kufr ka sabit hona?

Kuch riwayat me aata hai jab Hazrat Abu Talib Alaihissalam ka Wisaal ka waqt kareeb aaya to Aapne us waqt Kalma nahi padha aur ye kaha ke Mai Apne Baap Abdul Muttalib ke Deen par hun, ye kehkar Aapka wisaal hogaya. To Huzoor SallAllahu Alaihi wa Aalihi wa Sallam ne farmaya ke Mai Apne Chacha keliye Dua karunga, tab Surah Tauba ki ye Aayat nazil hui:

“Nabi (SallAllahu Alaihi wa Aalihi wa Sallam) aur Imaanwaalo ki Shaan ke laayak nahi ki mushriko ke liye dua-e-magfirat karen agarche wo qarabat daar he hon iske baad ki unke liye waazeh hochuka ki wo (mushrikeen) ahle jahannum hain.”
Surah Tauba 9:113

To is riwayat aur Aayat ko daleel banakar Hazrat Abu Talib Alaihissalam ke Imaan ka inkar kiya jata hai. Lekin is taraf wo log kabhi gaur nahi karte ke Surah Tauba Madina me nazil hui aur ye nazil hone waali aakhri Surato me se hai. Ye Surat 8 aur 9 Hijri me nazil hui. Aur iska bahot sara hissa Gazwa-e-Tabuk ke waqt nazil hua. Ye surat Madina ke aakhri daur me nazil hui aur Hazrat Abu Talib Alaihissalam ka Wisaal Makka me hua tha jab Aaqa SallAllahu Alaihi wa Aalihi wa Sallam ki Umr Mubarak 50 baras thi. Aur Hijrat ke waqt Umr Mubarak 53 thi aur 8 aur 9 Hijri ke waqt Aaqa SallAllahu Alaihi wa Aalihi wa Sallam ki Umr Mubarak 61-62 baras thi. To upar ki riwayat ke mutabik Allah ke Habib SallAllahu Alaihi wa Aalihi wa Sallam ne lagbhag 11-12 saal tak Apne Chacha ki Magfirat ki duaen ki. Aur Nabi ki dua kabhi radd nahi hoti to
tamam Anbiya ke Sardar ki dua kaise radd hosakti hai? Aur agar dua karne se rokna he tha to 12 saal ke baad hukm aaya ke dua mat kijiye. To un 12 saalo ki dua radd kardi Allah Ta’ala ne upar ki riwayat ke mutabik? Ya phir Allah Ta’ala ko maazAllah summ maazAllah ye pata nahi tha ke Uska Habib ek mushrik keliye dua-e-magfirat karraha hai? Aur mushrik kaun? Aayat to kehrahi hai ke kisi mushrik keliye dua-e-magfirat nahi ki jasakti. Mushrik wo hota hai jo shirk karta hai yaani Allah ke alawa kisi aur ko khuda maanta hai. To koi shakhs kisi kitab se ek riwayat laake dikha de jisme likha ho ke Hazrat Abu Talib ne Allah ke alawa kisi aur ki ibadat ki ho!
Jis shakhs ne Apni puri zindagi me kabhi shirk ne nahi kiya, wo mushrik kaise hogaya? Ye Aayat mushriko keliye hai, kyunki Aayat me clear mushrik word mention kiya hai Allah Ta’ala ne.
Aur teesri baat isi riwayat ki ke Hazrat Abu Talib ne kaha ke Mai apne baap Abdul Muttalib ke Deen par hun. To Hazrat Abdul Muttalib to Deen-e-Ibrahimi par they, sirf Allah ki Ibadat karte they aur Huzoor ko Allah ka Rasool maante they. Wo to Momin they. To Hazrat Abu Talib Alaihissalam ka farmana ke Mai Apne Baap ke Aqeede par hun, isse to apne aap sabit hogaya ke wo Imaan waale they!
Itne tazaad (contradictions) hain is riwayat me. Lekin logo ko nazar he aate kyunki baat yaha Maula Ali ke Baba ki hai, kisi aur ke baap ki hoti to ab tak aisi riwayato ki haqiqat logo ko bayan kardi hoti,magar yaha bugz jo hai Maula Ali Alaihissalam se…
Allah Ta’ala Hazrat Abu Talib Alaihissalam ke Sadqe Ummat-e-Muhammadi (SallAllahu Alaihi wa Aalihi wa Sallam) ke har fard ki har sharr se hifazat farmaye, har dua kabool farmaye aur Qayamat ke Din Unki Shafa’at hame nasib farmaye, Aameen bi Jaah Sayyedul Mursaleen SallAllahu Alaihi wa Ala Ammihi wa Aalihi wa Baarik wa Sallim

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s