AL QAULUL QUR’AN FEE AZMAT-E-SAYYEDUNA IMRAN:Ek Baap aur Ek Beta

img-20220530-wa00633219707739082791333

“Mai us Shehr(-e-Makka) ki Kasam khata hun.
(Ay Habib-e-Mukarram!) Isliye ki Aap is Shehr me Tashreef farma hain.
Walid ki Qasam (aur Unki) Qasam Jinki Wiladat hui.”
Surah Balad 90:1,2,3

Allah Ta’ala ne Surah Balad me Shehr-e-Makka ki Kasam khaayi aur farmaya ke isliye is Shehr ki Kasam kha raha hun ke Ay Habib Aap is Shehr me rehte hain! Aur fir farmaya ke Kasam hai Walid ki aur Kasam hai Jiski Wiladat hui. Ab Allah Ta’ala kisi shakhs aur uske bache ki kasam kharaha hai jo Makka me rehte hain. Iske pehle Mukhatib to Aaqa SallAllahu Alaihi wa Aalihi wa Sallam hain kyunki Aapse badhkar kaun Jiski Allah ke haan zyada Azmat hai. Aur fir Aapke Walid ki Kasam hai (ya Hazrat Ibrahim Alaihissalam bhi Huzoor (SallAllahu Alaihi wa Aalihi wa Sallam ke Dada hain to Unko Walid kaha jasakta hai).
Lekin Is Aayat me Naam mention nahi, aur Quran ki har aayat ke bayshumaar maana hain. Allah Ta’ala jab kisiki ya kisi shaye ki kasam khata hai to maqsad us shakhs ki ya us chiz ki azmat ko zaahir karna hota hai. Isliye Allah Ta’ala kisi kafir ki kasam nahi khata. Ab jinki yaha kasam khayi jarahi hai wo Imaan waale hona chahiye. Aur Allah Ta’ala jab Kasam kharaha hai unki to iska matlab hai ke un dono ne Allah ke Deen ki bahot madad ki hai. To Hazrat Abu Talib Alaihissalam ne, jab tak Aap duniya me rahe, apna har lamha Islam
ki madad keliye waqf kardiya. Aur us waqt bhi aur Aapke Wisaal ke baad bhi phir Maula Ali Alaihissalam ne Deen ki madad ki. Aur ye mashhur waqiya hai ke jab Hazrat Abu Talib Alaihissalam ke Gharme Dawat-e-Tauheed ki sabse pehli majlis hui to usme Aaqa SallAllahu Alaihi wa Aalihi wa Sallam ne sabse pucha ke kaun Meri madad karega? To Hazrat Ali Alaihissalam, jo us waqt 10 saal ke lagbhag they, Aapne fauran kehdiya: Ya RasoolAllah mai Aapki madad karunga. RasoolAllah SallAllahu Alaihi wa Aalihi wa Sallam ne phir pucha ke kaun Meri madad karega, phir Maula Ali Alaihissalam ne farmaya Ya RasoolAllah Mai Aapki madad karunga. Teesri baar phir aisa he hua! Yaani batana Maqsood hai ke jab Deen ka koi madadgaar na tha, Ye Baap Bete they! Jab bhi Islam pe koi aafat aayi to Difa In Dono ne kiya! To isme koi hairani ki baat nahi ke Yaha Walid ki Kasam se muraad Hazrat Abu Talib hain aur Walad ki Kasam se muraad Maula Ali hain! RadiAllahu Ta’ala Anhuma.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s