Imam Ali aur Char yahoodi

Hazrat Khwaja Banda Nawaz Gesu daraz farmate hai:

Ek dafa 4 yahoodi peshwao’n ne Hazrat Umar e Farookh Razi Allahu Anhu ke paas jaakar kaha ke aap Paighambar e Islam Salllallahu Alaihi Wa Aalihi Wa Sallam ke doosre khalifa hai’n aur Paighambar e Islam ka ilm aap ko mila hai aap se hum chand sawalat karte hai’n agar aap jawaab dede’n to ham islam qubool karenge warna hum samjhenge ke tumhara deen baatil hai.

Hazrat Umar e Farookh Razi Alahu Anhu ne jawaab diya ke kya sawalaat hai’n? unhone kaha ke:

1) Doozakh ka quffal kya hai?
2) Uski chaabi kya hai?
3) Bahisht ka quffal kya hai?
4) Aur uski chaabi kya hai?
5) Wo kon ahl e qabr hai jo qabr me reh kar saare jahan me phirta hai?
6) Aur Aadam ke siwa kon hai jo bagahir maa baap ke paida huwa?
7) Ghoda astabal me kya kehta hai?
8) bakri aur ounth apne ahate me kya kehte hai’n?
9) kawwa ghoonsle me kya kehta hai?
10) gadha ahate me kya kehta hai?.

Is qism ke aur sawalaat bhi the Hazrat Umar e Farookh ne kuch der soch kar farmaya ke mumkin hai Umar baaz sawalaat ke jawabaat na de sake. Ye sunkar yahoodi akabir hanse aur mazaaq karne lage.

Umar umaiya jo Imam Ali Alaihissalam ke ghulam the daudhte huwe Imam Ali ke paas gaye aur kehne lage Ali islam ki madad kijiye. Aap ne daryaft farmaya ke kya huwa? Unhone kaha 4 yahoodi akabir e deen aaye hai’n aur Hazrat e Umar se chand sawalat kiye hai’n jis se unhone mazaaq udhana shuru kardiya hai.

Imam Ali alaihissalam ne Rasoolallah Salllallahu Alaihi Wa Aalihi Wa Sallam ka jubba zeb e tan farmaya aur Rasoolallah Salllallahu Alaihi Wa Aalihi Wa Sallam ki dastaar sar par baandhi aur jaldi se Hazrat e Umar e Farookh ke paas pohonch gaye. Aap ne yahoodio’n se poucha ke tumhare sawalaat kya hai’n? mujhse poucho, Rasoolallah Salllallahu Alaihi Wa Aalihi Wa Sallam ne mujh par ilm ke hazaar darwaaze kushadah farmaye hai’n, aur phir har darwaze me se hazaar darwaze aur khoole hai’n. jo marzi aaye poucho.

Yahoodiyo’n ne kaha: Doozakh ka quffal kya hai? aap ne jawab diya: Kalima Laa Ilaaha Illahu Muhammed Ur Rasoolallah. unhone kaha iski chaabi kya hai? aap ne jawab diya: Allah ke saath shirk karna. unhone kaha bahisht ke darwaze ka quffal kya hai? aap ne farmaya ke: Shirk billah. Unhone kaha iski chaabi kya hai? aap ne farmaya: Kalima Laa Ilaaha Illahu Muhammed Ur Rasoolallah. Unhone kaha wo kon ahl e qabr hai jo qabr me hoote huwe jaha’n ki gardisht karta hai? aap ne farmaya: Paighambar Younus Alaihissalam kyu’n ke wo machli ke pe’t me the aur machli darya me gasht kar rahi thi.

Aap ne tamaam sawalo’n ke jawaab dediye aur wo mutmain hogaye jis ka nateeja ye nikla ke unme se 3 akaabir ne islam qubool kar liya. baaqi ek rehgaya us ne kaha ke aap mujhe Daqyanos ka nasab uske sheher ke rasm o riwaaj aur waalidain ke naam aur uske zamaane ki khaasiyat batae’n aur ye bhi batae’n ke uska qila kitna bada tha uske kitne darwaaze the kitne burj aur kitne kangoore the. tab mai’n imaan le aau’nga.

Imam Ali Alaihissalam ne filfaur uske sawalaat ke jawaab diye aur wo bhi daulat e islam se musharraf hogaya.

(Sharah Jawame UI Kilam: Pg 440-441)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s