Month: November 2020

Abdullah Bin Shaddad Apne Walid Ka Bayan Naql Karte Hein Ki Ek Dafa Nabi Alayhissalam Zuhr Ya Asr Ki Namaz Ke Liye Tashreef Laye Aur Hasan Ya Hussain Ko Uthaye Huye Thae Jab Aap Namaz Padhne Ke Liye Aage Badhe Toh Unhein Zameen Par Baitha Diya Fir Aap Ne Namaz Shuru Kardi Jab Nabi Alayhissalam Sajde Mein Gaye Toh Sajda Bohot Lamba Kiya, Mere Walid Kehte Hein Maine Sar Utha Kar Dekha Toh Nabi Alayhissalam Sajde Mein Thae Aur Aapke Nawase Aapki Pusht Mubarak Par Baithe Huye Thae Mein Dobara Sajde Mein Chala Gaya Jab Nabi Alayhissalam Namaz Se Farigh Huye Toh Sahabae Kiraam Ne Arz Kiya Ya Rasoolullah! Aapne Is Namaz Mein Itna Lamba Sajda Kiya Ke Isse Pehle Kabhi Itna Lamba Sajda Nahi Kiya Aapko Is Namaz Mein Koi Khas Hukm Mila Tha Ya Aap Par Wahi Nazil Ho Rahi Thi? Nabi Alayhissalam Ne Farmaya In Dono Baaton Mein Se Koi Bhi Pesh Nahi Aayi Balke Mera Beta Mujh Par Sawar Hogaya Tha Mujhe Ye Accha Nahi Laga Ke Mein Usko Uski Marzi Ke Bagair Neeche Utarun. (Mustadrak Ala al-Sahihain, Hadees-4775, Imam Hakim Nishapu

INSAAN KA DIL HI ASAL KABA HAIN :-

Hazrat Bayazid Bustami (R.A) Ki Aadat Thi Ki Jab Bhi Wo Hajj Ke Liye Makka Jaate To Raaste Me Har Shahar Se Guzarte Hue Pehle Waha Ke Darveshon Se Milte. Uske Baad Hi Wo Dusre Kaam Karte.

Jab Wo Basra Pahuche To Ek Darvesh Se Milne Gaye, Jisne Unse Puchha, “Aye Bayazid, Aap Kahan Ja Rahe Hai “?

“Makka Ja Raha Hun Taaki Khuda Ka Ghar Ho Aaun,” Unhone Jawab Diya.

Tab Darvesh Ne Puchha, “Tum Safar Ke Liye Kya Rasad Saath Le Ja Rahe Ho ?”

Unhone Jawab Diya, “Do Hazaar Chandi Ke Sikke”.

Darvesh Ne Kaha, “Utho Aur Saath Baar Mera Tawaaf Karo Aur Chandi Ke Sikke Muje De Do”.

Bayazid Jaldi Se Uthe, Apna Thaila Khola, Use Chuma Aur Darvesh Ke Saamne Rakh Diya.

Darvesh Ne Kaha, “Aye Bayazid, Tum Kaha Ja Rahe Ho ? Wo Makaan Khuda Ka Ghar Hai, Aur Mera Dil Bhi Khuda Ka Ghar Hai. Khuda Dono Gharon Ka Malik Hai, Lekin Main Kasam Khakar Tumse Kehta Hun Ki Wo Makaan Jab Bana Tha, Tabse Lekar Ab Tak Khuda Ne Kabhi Usme Kadam Nahi Rakha, Aur Yeh Makaan Usne Jab Banaya Tabse Usne Ise Kabhi Chhoda Nahi”.