Day: September 22, 2020

This Hadith tells the Bughz of Ahele BAYT in hearts of Muwayia

Hazrat Miqdam RadiAllahu Anhu Muawiya Ko Milne Ke Liye Gaye Shaam Me To Muawiya Ne Sayyedna Miqdam Se Kaha Kya Aapko Khabar Hai Ke Sayyedna Hasan Faut Ho Gaye Hain? To Sayyedna Miqdam Ne Ye Sunkar Kaha انا لله وانا اليه راجعون To Muawiya Ne Kaha Ke Miqdam Tu Hasan Ke Marne Ko Ummat Ke Liye Musibat Samajh Raha Hai?

Jab Unhone Ye Baat Suni To Farmaya Ke Mai Hasan Ki Wafat Ko Musibat Kyun Na Samjhun Maine Khud Dekha Ke Rasoolullah Sallallahu Alaihi Wasallam Sayyedna Hasan Ko Daaye’n Taraf Bithate The Aur Sayyedna Hussain Ko Baaye’n Taraf Bithate The Aur Farmate The Hasan Mujhse Hai Hussain Ali Se Hai

Ye Sunkar Muawiya Ke Ek Chamche Ne Kaha Hasan Ek Aag Ka Angara Tha Jise Allah Ne Bujha Diya (Nauzubillah) To Sayyedna Miqdam Ne Farmaya Allah Ki Qasam Muawiya Tune Mere Dil Ko Aag Laga Di Hai Mai Us Waqt Tak Yahan Se Nahi Uthunga Jab Tak Ke Tujhe Aag Na Laga Dun, Allah Ki Qasam Agar Mai Jhut Bolun To Mujhe Yahan Par Tok Dena Aur Agar Mai Sahi Bolun To Mujhe Bata Dena

Sun Muawiya Mai Tujhe Allah Ki Qasam Dekar Puchta Hun Ke Kya Aaqa Sallallahu Alaihi Wasallam Ne Nahi Farmaya Tha Ke Sona Mard Ke Liye Haram Hai? Muawiya Ne Kaha Haa’n Farmaya Tha
Fir Kaha Mai Allah Ki Qasam Dekar Puchta Hun Ke Kya Aaqa Sallallahu Alaihi Wasallam Ne Resham Ko Mard Ke Liye Haram Nahi Farmaya Tha? Muawiya Ne Kaha Haan Farmaya Tha
Phir Farmaya Allahm Ki Qasam Dekar Puchta Hun Ke Kya Aaqa Sallallahu Alaihi Wasallam Ne Darindon Ki Khaal Pehenne Aur Uspar Sawari Ko Haram Nahi Farmaya Tha? Muawiya Ne Kaha Haan Farmaya Tha.

Sayyedna Miqdam Ne Kaha Muawiya Ye Teeno Haram Kaam Tere Ghar Me Hote Hain Muawiya Ne Kaha Miqdam Mai Pehle He Janta Tha Mai Baato’n Me Tujhse Jeet Nahi Sakta.

(Sunan Abu Dawood, Hadees-4131)

Alyhimusssalam w RadiyaALLAHUtaalaAnhuma

“Hurr bin Kaseer al Kindi riwayat karte hain, kehte hain ke mai namaz padhke nikla Imam Hussain Alaihissalam ke saath Masjid se aur Aapke saath saath chal pada. Chalte chalte Aapka Ghar aagaya. Jab mai Aapke darwaze tak pahuncha to Aapne Dekha ke ye banda chalte hue Mere Ghar aagaya. To mai mudne laga wapis to Imam-e-Aali Muqaam Alaihissalam ne mujhe pakad liya aur farmaya wapis na jao.

Maine kaha: Huzoor mai to bus aise he Aapke saath aagaya tha. Imam Hussain Alaihissalam ne farmaya: nahi khana khaake jao.

Andar legaye mujhe, khana mangwaya, mujhe khilaya. Uske baad khushbu mangwayi, mujhe di khushbu lagalo. Maine khusbu lagali.
Fir uske baad Apna Musalla uthaya, uske niche se ek thaila nikala aur muje diya aur farmaya: Lejao is se zarurate puri karna! Mai wo thaila leke ghar aaya. Ghar aakar giney to 500 Dirham they us thaili me!!

Sirf Unke saath chand kadam chalke Unke Darwaze tak gaya, talab bhi nahi ki, koi haajat nahi rakhi, bagair mangne ke jholi bharke rawani ki!

Ye sakhawat maal se nahi aati ye sakhawat haal se aati hai. Maaldar hoke bhi bakheel hota hai. Ye sakhawat haal se aati hai, dosto jab dil sakhi hojate hain to bhale ek lukma paas na ho bande ka karam thamta nahi hai! Ye Unka Karam Tha Ye Unki Sakhawat Thi!”

Alaihim Afdalus Salawatu was Salaam

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.