24 Zul Hajj Yaum_e_Mubahila

24 Zul Hajj Yaum_e_Mubahila

*The_Day_Of_Triumph* Faman haaajjaka feehi mim ba’di maa jaaa’aka minal ‘ilmi faqul ta’aalaw nad’u abnaaa’anaa wa abnaaa’akum wa nisaaa’anaa wa nisaaa’akum wa anfusanaa wa anfusakum summa nabtahil fanaj’al la’natal laahi ‘alal kaazibeen Al Qur’an, Āal e ‘Imrān-( 3: 61) “So, if someone contends with you about ‘Isa (Jesus) after knowledge has come to you, say: ‘Come, let us (jointly) call our sons and your sons, our women and your women, and ourselves and yourselves (at the same place). Then let us supplicate fervently (i.e., most submissively) and invoke the curse of Allah upon the liars.”

24 Zillhajj Youm e MUBAHLA

“Najran se isaiyon ka wafad aaya, 60 ya 80 unke akabir ulema they isayi najran ke wo Aaqa SallAllahu Alaihi wa Aalihi wa Sallam ki Bargah me aaye. Aur aakar unhone Aaqa SallAllahu Alaihi wa Aalihi wa Sallam se kuch sawalat karna chahe Isa Alaihissalam ke baare me. Unke iradey gustakhana they, khair unhone sawalat kiye, Aaqa SallAllahu Alaihi wa Aalihi wa Sallam ne jawab diye. Kyunki wo log galat iradey se aaye they to tamam jawabaat sunkar unhone kaha ke hum kal aapko iska reply (jawab) denge. Aur unhone Mubahle ka socha wo maazAllah Isa Alaihissalam ko Khuda ya Khuda ka beta saabit karna chahte they (maazAllah). Unhone kaha k agar humne saabit kiya to hum Aapko bad-dua denge aur agar Aapne hame galat saabit kiya to Aap hame bad-dua den. Jiska Aqeeda jhoota hai wo halaak aur barbaad hojaega. Bewakoof log kyunki unka Aaqa SallAllahu Alaihi wa Aalihi wa Sallam ki Nabuwwat aue Sadaqat par to unka Imaan tha nahi, unko ye baat sujh gayi galat aur Aaqa SallAllahu Alaihi wa Aalihi wa Sallam ko challenge kardiya. Aaqa SallAllahu Alaihi wa Aalihi wa Sallam ne challenge kabool karliya ke subh mubahla hoga.
Ab Sahih Muslim Hadees No. 2404 ki Hadees-e-Pak me aata hai mubahla ke liye subh wo aaye to Aaqa SallAllahu Alaihi wa Aalihi wa Sallam ne bulwa bheja Sayyeduna Imam Hussain ko Sayyeduna Imam Hasan ko, Sayyeda Fatima tuz-Zahra ko aur Sayyeduna Ali al-Murtaza (Salamullah Alaihim) ko. Aur Quran-e-Majid me Allah Rabbul Izzat ne Aayat naazil ki:

Surah Aale Imran Aayat: 61

“Aajao hum (milkar) Apne Beton ko aur tumhare beton ko aur Apni Auraton ko aur tumhari auraton ko aur Apne Aapko bhi aur tumhe bhi (ek jagahpar) bula lete hain, fir hum mubahla karte hain. Aur jhooton par Allah ki lanat bhejte hain”

Allah Pak ne Aayat bheji aur farmaya Mere Habib (SallAllahu Alaihi wa Aalihi wa Sallam) inhe bulalen, kahen: Aajao, Mai Apne Beton ko bulata hun tum apne beton ko saath laao, Mai Apni Auraton ko bulata hun tum apni auraton ko saath laao, Hum Apni Jaano ke saath aate hain tum bhi apni jaano ke saath aao, is tarah aamne samne aakar mubahla karte hain. Is Aayat-e-Karima ke saath Hadees-e-Pak me aata hai ke Aaqa SallAllahu Alaihi wa Aalihi wa Sallam ne usi waqt Apni Ahle Bayt ko bula bheja ye Sahih Muslim ki Hadees hai Hazart Ali ko bulake Apne piche karliya, Hazrat Fatima ko Saath karliya, Hasano Hussain ke Haath Pakad liye aur arz kiya: Baari Ta’ala Ye Meri Ahle Bayt hai! Aur un isaiyon se kaha Mai Apne Bete laaya hun, Imam Hasan aur Imam Hussain ko mubahla ke muqaam par Aaqa SallAllahu Alaihi wa Aalihi wa Sallam ne Quran ki Zuban me Apne Bete Kehke aylan karwaya! “Abna Ana wa Abna Akum. Hazrat Sayyeda-e-Kainat ke zariye Aurato ki representation karwayi aur Apni Jaano ko pesh karte hain kehkar Apne saath Maula Al al Murtaza ko Pesh kiya! To goya Nass-e-Qurani se sabit hua ke Maula Ali Sher-e-Khuda Nafs-e-Mustafa Hain! Mustafa ki Jaan ka Hissa Hain!!

To Jab Ye chale aur udhar se Najran ke isayi samne aaye tayyari karke mubahla ke liye. Jab un isaiyon ki Inpar nazar padi, Aaqa SallAllahu Alaihi wa Aalihi wa Sallam ka jalaal dekha, Shehzade Hasan aur Hussain dekhe, Sayyeda-e-Kainat aur Ali al-Murtaza ko dekha (Salawatullah Alaihim) to Hadees ke alfaz aate hain wo jo unke bade sarbara they isayi wafad ke unhone apne isaiyon ko rok liya, aur jo askaf-e-najran tha usne kaha: ‘Ya masharan nasara! Inni la ara wujuhan lou sa’alullaha ayi uzeera jabalan makanihi la za lahu.’ [Qazi Sanaullah, Tafseer Mazari,Volume 2, page 64] usne kaha “mai wo Chehre dekhraha hun ke agar in Chehro ne Apni Zuban se kehdiya Ay Allah ye pahaad apni jagah se hata de to Khuda ki Qasam pahad hat jaenge!” aur usne kaha mere isaiyi bhaiyon Khuda ke liye aage na bado, agar is mubahla me Mustafa (SallAllahu Alaihi wa Aalihi wa Sallam) ne dua kardi aur Hasan aur Hussain aur Sayyeda Fatima aur Sayyeduna Ali ke Zuban se Aameen nikalgaya to Khuda ki Qasam Qayamat ke din tak Ru-e-Zameen par koi Isayi nahi bachega! (Kyunki Huzoor Alaihissalam Apni Ahle Bayt se Farma diya tha ke Jo bhi Dua karunge us par Tum Sab Aameen kehna). Wo saare isayi wahi wapas palat gaye aur unhone tauba karli aur kaha ke hum mubahla se taaib hote hain challenge wapas lete hain.

To is waqiye me hua kya? “Abna Ana” Mai Apne Beton ke saath ata hun, To Beton se Hasan aur Hussain muraad liye (Alaihi-Mussalam), fir farmaya “Nisa ana wa Nisa akum” Jab Auraton ka zikr kiya to sirf Sayyeda Fatima tuz-Zahra ko bulaya kisi aur ko nahi, batana maqsud ye tha ke “Nisa Ana” me Fatimah is liye hai ke Qayamat tak Meri Nasl Isi se chalni hai. Ye Nehr-e-Kausar-e-Aal-e-Rasool hai (SallAllahu Alaihi wa Aalihi wa Sallam). Aur “Wa Anfusana wa anfusakum” Apni Jaano ke Saath aate hain tum apni jaano ke saath aao, Yahan Apni Zaat-e-Pak ke Saath Hazrat Ali Sher-e-Khuda ko Quran ki Nas se Apni Jaan me Shaamil kiya! Apne Nafs me Shaamil kiya! Isliye farmaya “Aliyumm Minni wa Ana Min Hu” aur ye bhi farmaya “Ya Ali Anta Minni wa Ana Minka” “Tu Mujhse Hai aur Mai Tujhse Hun. Isliye ke Anfusana wa Anfusakum! “Lahumaka Lahmi, Jismuka Jismi, Fark Nahi Mabain Piya.” Hazrat Ali Alaihissalam ko Apna Nafs qaraar diya, Jo Aapse Muhabbat karega wo Mujhse Muhabbat karega! Jo Aapse bugz rakhega wo Mujhse bugz rakhega.”

Alaihim Afdalus Salawatu was-Salaam
-Shaykh-ul-Islam Dr. Tahir-ul-Qadri

(Ye Waqiya Mubahla aur Aaayat-e-Munahla ka Nuzool aaj ke din hua tha aisa kaha jata hai)

Allahumma Salle Ala Sayyedina Muhammadiw wa Ala Aali Sayyedina Muhammadin
SallAllahu Alaihi wa Ala Aalihi wa Sahbihi wa Baarak wa Sallam

AZMATE AHLE BAI’T AUR AYATE MUBAHILA….

Hazrat Saiyedna Ibne Abbas رضي الله تعالي عنه Farmate hai Ke ek Martaba Najran ke Isaiyo Ka Ek Wafad Huzur ﷺ Ki Khidmat me Munazire Ki Garaz se Hazir hua Aur Aakar Arz kiya Ke Aap Hazrat Isa Aleyhissalam Ke Bare me Kya Kehte hai???

Huzur ﷺ Ne Farmaya Hazrat Isa Aleyhissalam Allah ke Bande-Wa-Rasool Hai Aur Uske Kalma Hai Jo Kuwari Butul Mariyam Aleyhisalam Ki Taraf Ilka Kiye Gae….

Najran Ke Isai Kehne Lage Ke wo Allah ke Bete hai, Huzur ﷺ Ne Farmaya Wo Kese?? Yani Kya daleel hai Ke Wo Allah ke Bete Hai, Najran ke Isaiyo ne Kaha Kya Apne Esa Banda Dekha Hai Jo Bagair Baap ke Paida Hua ho ???

Huzure Aqdas ﷺ Ne Farmaya Agar Isa Aleyhisalam Khuda ke Bete Hone ki Tumhare Pas Ye Daleel hai To Fir Batao ki Adam Aleyhissalam Ke Mutallik Kya kehte ho ?? Kyunke Aadam Aleyhisalam To Na Maa Aur Na Baap Dono ke Bagair Paida Hue Hai Aur Hazrat Isa Aleyhissalam ki to Fir bhi Walida Mohtarma Hai…

Ye Sunkar Najran ke Isai La-Jawab Ho gae Magar Zidd Aur Hatt Dharmi Ki Wajah Se Fuzul Bate Karne Lage, Huzur ﷺ Ne Farmaya Tum Mere Sath Mubahila Karo Jo Saccha hoga Bach Jaega Aur Jo Jutha Hoga Barbad ho jaega Aur Humare Tumhare Juthe Aqeede ka Pata Chal Jaega…

Chunache Allah Taa’la ne Is Mubahile Ke Bare me Ye Ayate Kareema Nazil Farmai…

TUM UNSE FARMA DO AAO HUM BULAE APNE BETE AUR TUMHARE BETE AUR APNI AURTE AUR TUMHARI AURTE AUR APNI JANE AUR TUMHARI JANE FIR MUBAHILA KARO TO JUTHO PAR ALLAH KI LAN’AT DALE….

Ye Sunkar Us Isai Wafad ne Kaha Hume 3 din ki Mohlat de Sarkar-E-Do-Alam ﷺ Ne Unhe 3 din Ki Mohlat di Aur Jab 3 din Guzar gae To Wo Isai Wafad Nihayat Shaandar Poshake Pehankar Aur Apne Bade-Bade Padariyo ko Sath Lekar Aa gaya….

Idhar Huzur Sarware Kainat ﷺ Is Azeem Shaan-O-Shokat se Tashrif Lae ke

APKI GOUD ME SAIYEDNA IMAAM-E-HUSSAIN HAI AUR APKA DAHINA HATH PAKDE HUE SAIYDNA IMAAM HASAN HAI ,AUR SAIYEDA KHATUN-E-JANNAT FATIMA ZAHRA AUR SAIYEDNA ALI-E-MURTUZA رضي الله عتهما PICHE-PICHE HAI AUR HUZUR ﷺ UNSE FARMA RAHE HAI KE JAB ME DUA KARU TO AMEEN KEHNA”

Fir Huzur ﷺ Ne Baragh-E-Rabb Me Arz kiya Aye Allah Ye Mere Ahle Bai’at hai….

Jab Isaiyo ke Bade Padri ne Ye Haseen-Wa-Pur Jalal Manzar Dekha to Ghabra Kar Pukar Utha “AYE ISAIYO !
BESHAK ME ESE CHEHRE DEKH RAHA HU KE AGAR YE LOG ALLAH TAA’LA SE SAWAL KARE TO WO PAHADO KO UNKI JAGAH SE HATA DE TO ALLAH TAA’LA UNKI DUWAO SE PAHADO KO HATA DEGA” Khuda ke Liye Inse Mubahila na Karna Warna Halak Ho Jaoge Aur Qatamat tak Roo-E-Zameen Par Koi Isai Baki Na Rahega…

Apne Bade Padri ki Ye Bat Sunkar Isaiyo Ke Wafad Ne Huzur ﷺ Se Arz Kiya Aye Abul Qasim ! Hum Apse Mubahila Nahi Kar sakte Aap Apne Deen Par Rahe Aur Hume Humare Deen Par Rehne De, Fir Unhone Kuch Zujiya Dekar Sulah Kar li….

Huzur-E-Aqdas ﷺ ne Farmaya Ke Khuda ki Kasam !
“AZABE ILAHI IN ISAIYO KE BAHUT QAREEB AA CHUKA THA, AGAR YE MUBAHILA KARTE TO SAB KE SAB ISI WAQT BANDAR AUR SUWWAR BAN JATE AUR NAZRAN KE JUNGLE AAG SE BHADAK UTHTE AUR NAJRAN KE CHARINDE-PARINDE TAK NESTO NABUD HO JATE AUR EK SAAL KE ARSE ME TAMAAM NASARA HALAQ TO JATE….

Allahu Akbar…..

(GULZARE SHOHDA, Safa-105-106-107)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s