Hadith:Nabi Pakﷺ ki Imam Hasan se Muhabbat.

*Hazrat Syedna Abu Hurairah Razi Allahu Tala Anhu Ki Ameer ul Momineen Hazrat Syedna Mola Imaam Hasan Alaihis Salam Se Muhabbat*

Hazrat Syedna Abu Hurairah Razi Allahu Tala Anhu Bayan Karte Hain:- Ke Me Madine Ke Bazaron Me Se Ek Bazar Me Nabi ﷺ Ke Saath Tha Nabi ﷺ Wapas Hue To Me Aapke Saath Wapas Hua Fir Nabi ﷺ Ne Farmaya Baccha Kahan Hai Ye Aapne Teen Martaba Farmaya Hasan Ko Bulao, Hazrat Syedna Imaam Hasan Alahis Salam Aa Rahe The Aur Unki Gardan Me Khushbudar Haar Pada Tha Nabi ﷺ Ne Apna Haath Is Tarah Phailaya Ke Aap Imaam Hasan Ko Gale Lagane Ke Liye Aur Imaam Hasan Ne Bhi Apna Haath Phailaya Aur Woh Nabi ﷺ Se Lipat Gaye Fir *Nabi ﷺ Ne Farmaya Aye Allah! Me Isse Muhabbat Karta Hun Tu Bhi Isse Muhabbat Kar Aur Unse Bhi Muhabbat Kar Jo Isse Muhabbat Rakhe Syedna Abu Hurairah Ne Bayan Kiya Ke Nabi ﷺ Ke Is Irshad Ke Baad Koi Shakhs Bhi Mujhe Syedna Hasan Se Zyada Pyara Nahi Tha.*

📚 *Reference* 📚

Sahi Bukhari, Hadees No:- 5884