Month: May 2022

الله

Tauheed ko Maanne Ki Wahid Shart Marifat e ilahi hai. (Ye wo cheez h jise pane ke liye aur jis tak pahunchne ke liye insaan ko paida kiya gaya hai lekin istak pahuchne ke liye Siraat e Mustaqeem se guzarna padega aaiye samjhe kaise)

Allah Rabbul Izzat Quran Majeed Furqaan e Hameed mei’n farmata hai ki…

(Main ek chupa hua khazana tha aur maine iss baat ko mehboob rakha aur maine chaha ke mai pehchana jao tou maine makhlook ko paida kiya phir Allah ne Apne Noor se ek Noor ko juda Kiya aur wo Noor Allah ke kul qainaat ki takhleeq ki wajah bani ) كنت كنزا مخفياً فأحببت أن أعرف فخلقت الخلق

Aaiye dekhe hadeese paak ki raushni mein ke wo Noor kya hai? Imaam Ahmad bin Humbal Fazael e Sahaba baab Fazael e Maula Ali hadees no. 205, Al Makhtoota aur inhi Ahmad bin Humbal ne apne musnad, jild 5, hadees no.243 me Rasoolallah (S.A) ke Qaul ko naql kiya hai ke Rasoolallah ne farmaya, Allah ne jis Noor ko apne se juda Kiya tha wo Noor Main aur Ali hai. Tou pata ye chala ke Allah ke sabse pehle wo Noori makhlook jo kul kaenat ke takhleeq ke wajah thaeri wo Muhammad e Arbi (S.A) aur Maula Ali (a.s) hain. Aur isi ke saath saath Allah ne azal se he Rasool Allah (S.A) ke

Shareeyat aur Maula Ali ke Tareeqat ka baab qaayam kar diya kyuki Allah ke tamam makhlook me insaan Ashraf hai tou ise par Allah ki Marifat ko hasil karne ki shart bhi thaeri.

Aur iss tarah Allah ne ye wazeh kar diya ke Allah ke Marifat inke waseele ke

baghair hasil nhi ho sakti aur namoone ke liye azazeel ko kainaat ke samne pesh kar diya wo iss tarah ke jab janab e Adam ke peshani me uss Noor e azal jo (Maula Ali aur Rasoollalah) ka Noor tha rakha to Allah he ne hukm sunaya ki Aye jamate momineen Adam ka sajda karo tamaam farishtou aur tamam saleheen ki Arwahoo’n ne Jinmein ambiya auliya sab shamil the fauran sajda karke khuda ke hukm ke tahet uss Noor ki tazeem Baja lae siwae azazeel ke jisne sajde se inkar kar diya aur usi din se woh mardood hokar khuda ki laanat ka haqdaar hua aur iblees kaha Jane laga

Bus usi din se Allah tak pahunchne ke liye sirate Mustaqeem ka raasta qaayam hua jo Tamam rasul aur ambiya ka hai jinke peshwa rasoole khuda sallallahu alaihi wasallam hai aur jinhe huzoor alaihissalam ki shariyat ke baab se guzarna pada yaha’n tak ki Rasool allah sallallahu alaihi wasallam par ye baab band hua aur ummate muslima ke momeneen yaani auliya aur asfiya ke liye yahi baab Hazrat Ameerul Momineen maula Ali alaihissalam se khol diya gaya jo Hazrat Imam Mahdi a.s Ke Aamad tak khula rahega. (Ala Inna Auliya Allah La Khaufun Alaihim Walahum Yahzanoon. Para 11 Surah Yunus Aayat:62

_Ab ye aapki kismat h ke aap kis raste par chal kar Tauheed ko samajhna chahte hai uss raste par ke jis raste ko Allah ne Siraat e Mustaqeem kaha (Yaani Rasoolo Ambiya Saleheen Siddiqueen Shohda Auliya Asfiya Ka Raasta) Jis par Allah Paak Ka Inaam o ikraam hua ya Azazeel (iblees, Mardood ka rasta) ki jisne Shariyat

Aur Tareeqat Se Khula Inkaar kiya, jis par Allah ka ghaizo ghazab hua.

https://youtu.be/XUpEv7Of0G0

__
Aaqa O Maula Huzoor Muhammad E Mustafa (صلى الله عليه وآله وسلم‎)‎ Ne Farmaya : Apne Bachcho Ko Teen(3) Chize Shikhao,
1) Apne Nabi Se Muhabbat,
2) Apne Nabi Ke Ghar (Ahlebait) Walo Se Muhabbat Aur
3) Quran Ki Tilawat.
.
اَللّٰھُمَّ صَلِّ عَلَی سَیِّدِنَا مُحَمَّدٍ وَ عَلَی اٰلِ سَیِّدِنَا مُحَمَّدٍ وَ بَارِکْ وَ س٘لِّمْ

Hazrat Ali (کرم اللہ تعالیٰ وجہہ الکریم) Se Kisi Ne Aulaad Ki Tarbiyat Ke Talluk Se Pucha Kis Tarha Se Ki Jaye To Aap Ne Teen(3) Nukaat Bayan Farmaye :
.
1- Paidaish Se Saat(7) Saal Ki Umar Tak Apni Aulaad (Bacho) Ko Aayse Paalo (Parwarish) Jays Woh Aaqa Hai Tum Uske Gulaam Ho Isliye Ke Us Umar Mein Tumhare Piyar Aur Tawajjo Ki Shadeed Zarurat Hoti Hai,
.
2- Jab Woh Saal(7) Se Badh Jaye To Saat(7) Se Chawda(14) Saal Tak Ki Umar Mein Aayse Paalo (Parwarish) Jayse Tum Aaqa Ho Woh Gulaam Ho isliye Ke Ab Uski Zindagi Ka Woh Dour Shuru Hora Hai Usse Ghar Se Bahar Bhi Nikalna Hai Behruni Shaobat Bhi Iktiyar Karni Hai Muzir Asraat Ko Kubool Na Kare isliye Uski Galtio Par Jabran Uski islaa Kijiye,
.
3- Aur Phir Jab Isse Badh Jaye Chawda(14) Saal Se Ekkis(21) Saal Tak Aayse Paalo (Parwarish) Jayse Woh Tumhara Museer Hai Aur Har Kaam Mein Usse Mushaorat Karo Taake Aainda Zindagi Ke Liye Aur Aane Wale Zindagi Ke Liye Woh Taiyar Hojaye!!

NAJAF SHAREEF
Later on Sarkar Waris went to Najaf Shareef and embracing the tomb of Hazrat Ali wept
bitterly. His heart imbibed the blessings and favours of our Prophet’s family. He saw, what he
was longing to behold.

INCIDENT OF THE MU‐E‐NAJAF
The fact that his heart imbibed the blessings and bounties of the Lord of the Universe is
corroborated by a subsequent event at the time of departure to Iraq in 1312 Hijrah by his
biographers to whom he ordered to search in the valley of As‐salaam in Najaf to bring precious
Najaf pearls for beads and fifty two Mu‐e‐Najaf (The hair of Hazrat Ali) when he brought these
things our Saint said that the “Mu‐e‐Najaf’ was not brought on which the likeness of Hazrat Ali
is visible, holding the sword Zul‐Fiqar (the sword of Hazrat Ali).
The father of the biographer of “Hayat‐e‐ Waris” was often saying that when our Saint
returned to Hijraz, from his hints and suggestions it was evident his spiritual attainments were
accomplished in Najaf, where he learnt the way to surrender to the will of God completely.

KARBALA
At Karbala Sarkar Waris camped in the vicinity where his ancestors became martyrs and learnt
the habit of enduring thirst and hunger.

BAGHDAD: AT THE SHRINE OF HAZRAT GHOUSE‐E‐PAK
When his thoughts were charged by the atmosphere of Karbala he reached Baghdad via
Kazimine and Samarah and camped near the shrine of Hazrat Ghous‐e‐Pak for some days.
During the day he visited the tombs of past Sufis and was praying at night in the mosque near
the tomb of Hazrat Ghousul‐Saqlain.

PALESTINE
It is reported that he returned to Mecca from Baghdad and participated in the Hajj ceremony
and left for Medina. From there he proceeded to Africa and returned to Medina. Now and then
he was paying a visit to Haleb (Aleppo) and Sham (Syria). During his visit to Hijaz he
performed three or four Hajj, visited Medina and returned by sea to Bombay. From there
passing through Indore, Ujjain, Tonk, Ajmer and Delhi in 1257 Hijra reached Lucknow.
Remaining there for one week he returned to Deva Shareef.
None could recognise him when he entered Deva Shareef wearing a tahband (loose garment
draped over lower body) bare foot and bare head. When he was recognized news spread that
“Mittan Mian” has come back and everyone felt happy.

 Anfusana
(Jaan/Nafs-e-Mustafa (SallAllahu Alaihi wa Aalihi wa Sallam))

“Pas Aapke paas Ilm aajane ke baad jo shakhs Isa (Alaihissalam) ke muamle me Aapse jhagda karey to farmaden ke AAJAO HUM (MILKAR) APNE BETON KO AUR TUMHARE BETON KO AUR APNI AURATON KO AUR TUMHARI AURATON KO AUR (ANFU-SANA yaani) APNE AAPKO BHI AUR TUMHE BHI (EK JAGAH PAR) BULAATE HAIN, phir Hum mubahla karte hain aur jhooton par Allah ki lanat bhejte hain.”
“Beshaq yehi sachha bayan hain, aur koi bhi Allah ke siwa layak-e-Ibadat nahi, aur beshaq Allah he to bada gaalib hikmat wala hai.”
Surah Aal-e-Imran 3:61,62
Jaise upar humne dekha ke Aal-e-Ibrahim khususan Aal-e-Ismail (Alaihi-mussalam) me Imaan aur Hidayat kaayam rakhne ki zimmedari Allah Ta’ala ne leli kyunke Wo Uske Barguzida Rasool ki Dua thi aur Allah Ta’ala Apne Nabiyo ki Dua ko kabhi radd nahi karta. To kufr aur shirk ki aaludgiyo se paak Aal-e-Ismail Alaihissalam me he Sardar ul Ambiya Sayyeduna Muhammad-e-Mustafa SallAllahu Alaihi wa Aalihi wa Sallam ki Wiladat-e-Ba-Sa’aadat hui aur Khud Aaqa SallAllahu Alaihi wa Aalihi wa Sallam ne farmaya ke “Mera Noor har zamane me Nikah ke zariye he Paak Sulbo aur Paak Rehmo me muntakil hota chala aaya.” Yaani Aaqa SallAllahu Alaihi wa Aalihi wa Sallam ki Zaat-e-Aqdas ko Allah Ta’ala ne Itna Paak aur Saaf rakha ke kisi zamane me kufr aur
bayhayayi ki koi aaludgi Aaqa SallAllahu Alaihi wa Aalihi wa Sallam ke Nasab Mubarak ke kareeb bhi nahi aasaki. Aaqa SallAllahu Alaihi wa Aalihi wa Sallam ke Nasab Mubarak me har shakhs Sahib-e-Imaan tha. Aaqa SallAllahu Alaihi wa Aalihi wa Sallam ke Noor ke kareeb koi kufr ki aaludgi aayi he nahi. Isiliye to Aaqa SallAllahu Alaihi wa Aalihi wa Sallam ki Zaat-e-Aqdas aur Aapse judi har shaye har tarah ki aaludgiyo se Paak aur Saaf hai. Aaqa SallAllahu Alaihi wa Aalihi wa Sallam ka Noor bhi Paak, Aapki Jaan-e-Aqdas bhi Paak, Hatta ke jin Sulbo aur Rehmo me Aapka Noor Jalwa Afroz hua, wo Sulb aur Reham waale bhi Paak. Kufr ki aaludgi kareeb aa he nahi sakti thi.
Ab Surah Aal-e-Imran ki us Aayat-e-Kareem ko dekte hain jo upar darj gayi. Iska pasmanzar mukhtasar me yun hai ke Najran ke kuch Isayi raahib is niyat se Madina aaye taake RasoolAllah SallAllahu Alaihi wa Aalihi wa Sallam ke saath Hazrat Isa Alaihissalam ke bareme munazra kare aur maazAllah Unhe Khuda ka beta sabit kare. Jab unlogo ne challenge kiya to Allah Ta’ala ne Aaqa SallAllahu Alaihi wa Aalihi wa Sallam ki taraf ye Aayat Wahi ki aur Huzoor ki Zuban Mubarak se farmaya ke: “Tumhara challenge kabool hai, aao Hum Apne Beto ko saath laate hain, tum apne beto ko laao, Hum Apni Aurato ko laate hain, tum apni aurato ko laao aur HUM APNI JAAN ke saath (yaani Hum bhi aate hain) aur tum bhi aao, phir Hum mubahla karte hain.” Jab ye Aayat nazil hui to Sahih Muslim samet kai Kutub-e-Hadees me aata hai ke RasoolAllah SallAllahu Alaihi wa Aalihi wa Sallam ne Maula Ali Alaihissalam, Sayyeda Fatimah tuz Zahra aur Hasnain Kareemain (Alaihi-Mussalam) ko bulaya aur jab Wo aaye to farmaya: “Ay Allah Ye Meri Ahle Bayt hai!”
Phir In Chaaron ke saath Aaqa SallAllahu Alaihi wa Aalihi wa Sallam taye ki hui jagah ki taraf tashreef le gaye. Inke alawa Aaqa SallAllahu Alaihi wa Aalihi wa Sallam kisi aur ko saathme nahi legaye they. To Mubahla abhi shuru bhi nahi hua tha ke un Isaiyio me jo sabse senior tha usne apne logo se kaha ke mere sathiyon, Insa mubahla mat karo kyunki mai Aise Chehre dekh raha hun ke agar Inhone dua ki aur us par Aameen kaha to Qayamat tak Isaiyat ka naamo nisahan mit jayega! Aur phir wo Isayi rahibo ka wafad wahi palat gaya. To ab Quran ki Aayat ki taraf dekhte hain to fir “Aao Hum Apne Bachhon ko laate hain”, yaha Bachhe Imam Hasan aur Imam Hussain (Alaihi-mussalam)
hue! “Aao Hum Apni Aurato ko laate hain”, Aurato ki representation Sayyeda-e-Kainat Hazrat Sayyeda Fatimah tuz Zahra Salamullahi Alaiha ke zariye ki! Aur fir Quran ne aage farmaya ke “Hum Apne Aapko bhi laate hain”, tab Aaqa SallAllahu Alaihi wa Aalihi wa Sallam ne Apne Saath Maula Ali Alaihissalam ko khada kiya! Yaani “Apne Aapki” representation RasoolAllah ne Apne Saath Saath Maula Ali Alaihissalam ke zariye ki! Yaani baat roz-e-roshan ki tarah saaf hogayi ke Hazrat Maula Ali Alaihissalam ko Quran ne “Anfusana” kehkar Jaan-e-Rasool aur Nafs-e-Rasool ka hissa banaya! Quran ne Anfu-sana kaha aur uski Tafseer Aaqa SallAllahu Alaihi wa Aalihi wa Sallam ne batayi balke dikhayi!
Ab yaha gaur karne ki bat ye ke Allah Ta’ala ne Apne Habib SallAllahu Alaihi wa Aalihi wa Sallam ko har tarah ki aaludgiyo se hamesha Paak rakha aur phir Quran ne he Maula Ali Alaihissalam ko Jaan-e-Rasool (SallAllahu Alaihi wa Aalihi wa Sallam) ka Hissa banaya. To Maula Ali Alaihissalam ke Walid to Hazrat Abu Talib hain! Agar wo Imaan waale nahi they, to matlab hua ke Aaqa SallAllahu Alaihi wa Aalihi wa Sallam ki Jaan Mubarak ke kareeb kufr ki aaludgi aayi jo ke hargiz ho nahi sakta! To kanoon ek he rakho, agar maante ho ke Aaqa SallAllahu Alaihi wa Aalihi wa Sallam ki Zaat-e-Aqdas, Aapki Jaan-e-Muqaddas har tarah ki aaludgi se paak hai, to Hazrat Abu Talib ko Imaan waala manna padega kyunki Unke Sulb me RasoolAllah ki Jaan Mubarak ka Hissa raha. Aur agar aqeeda ye nahi ke Allah Ta’ala ne Huzoor ko har tarah ki aaludgiyo se paak rakha, to fir jo chahe kehte phiro. Lekin agar aqeeda wohi hai jisko Quran aur Hadees ne diya, to Hazrat Abu Talib RadiAllahu Ta’ala Anhu ko Imaanwala manna he padega. Baat Unki nahi baat yaha Aaqa ki Azmat aur taharat ki hai! SallAllahu Alaihi wa Aalihi wa Sallam.