Yaum e Ashoor ki Bidaat o Khurafat

Shaykh Shihab Al-Deen Abi Al-Abbas Ahmad Bin Muhammad Bin Muhammad Bin Ali Ibn Hajar Al-Haytami Al-Makki Al-Shafi’i, Mufti-e Makka Mukarrama Aur Apne Zamaane Ke Shaykh-ul-Fuqaha’ Wa Al-Muhaddithin Mutawaffa 973 Hijri Apni Kitab “Al-Sawa’iq Al-Muhriqah” Me Yaume Aashoorah Ke Roz Kee Jaane Waali Bid’at-o Khuraafaat Par Raqam-Taraaz Hain Ki:

“Muta’assib Khaarjiyo’n Kee Bid’aat Se Bacho Jo Ahle Bayt Kee Qad’h(Mazammat-o Malaamat) Karte Hain. (Isi Tarh) Jaahilo’n Kee Bid’aat Se Bacho Jo Faasid Ko Faasid Se, Bid’at Ko Bid’at Se, Buraa’i Ko Buraa’i Se Taqaabul(Muqaabala) Karte Hain Ki Woh Log (Is Yaume Aashoorah Ko) Intehaa’i Farhat-o Suroor Ka Izhaar Karte, Eid Manaate, Zeenat Kee Numaa’ish Karte, Jaise Khizaab, Surma Aur Na’i Poshish(Libaas) Aur Fuzool Kharchi, Khilaafe Aadat (Rang  Ba-Range) Khaane Pakaane Waghaira Hain, Aur Un Ka Yeh E’teqaad Hai Ki Yeh Sunnat Se Hain Aur Umoore Aadiyyah Me Se Hain Haala’n Ki Tamaam Baato’n Ka Chhodna Sunnat Hai Is Li’e  Is Baare Me Na Ko’i Qaabile E’temaad Riwaayat Hai Na Asar Jis Kee Jaanib Rujoo’ Kiya Jaa’e.

Dar-Haqiqat Ba’z A’imma-e Hadith Aur Fuqaha-e Kiram Se Aashoorah Ke Din Surma Lagaane, Ghusl Karne, Mehndi Lagaane, Khichda Pakaane, Na’e Libaas Pehen’ne Aur Khushi Wa Inbesaat(Khushi) Ke Izhaar Karne Ke Baare Me Daryaaft Kiya Gaya To Farmaya Is Baare Me Na To Rasoolallah SallAllahu ‘Alayhi Wa-Aalihi Wa-Sallam Se Ko’i Riwaayat Hai Aur Na Kisi Sahaabi Se Aur Na A’imma-e Muslimin Se Kisi Ne Na A’imma-e Arba’a-e Ahle Sunnat Aur Na Un Ke Ilaawa Aur Kisi Ne Mustahab Bataaya. Aur Na Kisi Qaabile E’temaad Kutube Hadith Me Ko’i Riwaayat Hai Na Sahih Na Za’if.

Aur Yeh Jo Kaha Jaata Hai Ki Agar Aashoorah Ke Din Surma Lagayaa Gaya To Us Saal Me Aankhe’n Na Dukhengi Aur Yeh Ki Jis Ne Ghusl Kiya Woh Saal Bhar Bimaar Na Hoga Aur Yeh Jis Ne Apne Rizq Kee Wus’at Kee Allah Ta’ala Saal Bhar Bimaar Na Hoga Aur Yeh Jis Ne Apne Iyaal(Baal Bachche, Ahle Khana) Me Rizq Kee Wus’at Kee Allah Ta’ala Saal Bhar Rizq Me Kushaadgi Farmaa’ega, Aur Is Qism Kee Baate’n Aur Yeh Ki Is Din Namaaz Afzal Hai Aur Yeh Ki Is Din Hazrat Aadam Alayhi Al-Salam Kee Tawba Qubool Hu’i. Joodi Pahaadi Par Kashti Qaa’im Hu’i. Hazrat Ibrahim Alayhi Al-Salam  Ko Aag Se Najaat Mili Hazrat Isama’il Alayhi Al-Salam  Ke Zab’h Ke Waqt Dunba Ka Fidya Aaya Aur Hazrat Ya’qoob Alayhi Al-Salam Ke Paas Hazrat Yusoof Alayhi Al-Salam Ke Paas Hazrat Yoosuf Alayhi Al-Salam Waapas Aa’e. Yeh Sab Mawdoo’ Hain Siwaa’e Hadise Iyaal Par Wus’ate Rizq Ke, Lekin Is Kee Sanad Me Kalaam Hai Lehaaza Khaarjiyo’n, Naasbiyo’n Ne Apni Jahaalat Ke Sabab Is Din Ko Mausime Suroor(Eid) Bana Liya Aur Raafziyo’n Ne Maatam Ka Din. Haala’n Ki Yeh Dono’n Khata-Kaar Aur Mukhaalife Sunnat Hain. In Sab Ko Chand Huffaze Hadith Ne Aisa Hee Bayaan Kiya Hai.

Bila Shub’ha Hakim Ne Tasreeh Kee Hai Ki Is Din Surma Lagaana Bid’at Hai. Doosri Riwaayat Me Jo Yeh Hai Ki Is Din Jis Ne Surma Lagaaya Kabhi Us Kee Aankh Ko Aashoob Na Hoga Is Ke Li’e Bhi Kaha Ki Munkar Hai.

Ibn Jawzi Ne Apni Mawdoo’at Me Hakim Kee Sanad Se Isi Maqaam Par Bayaan Kiya Hai. Aur Ba’z Hafizo’n Ne Doosri Sanado’n Se Bhi Naql Kiya Hai.

Al-Majd Al-Lughawi Hakim Se Naql  Kiya Hai Ki Roza Ke Siwa Tamaam Woh Hadise’n Jo Aashoorah Kee Fazeelat Aur Namaaz, Infaaq, Khizaab, Tel-o Surma, Ghalla Pakaane Waghaira Kee Fazilat Me Manqool Hain, Sab Mawdoo’ Aur Bohtaan Hain.

Isi Tarh Ibn Qayyim Ne Tasreeh Karte Hu’e Kaha Ki Surma Lagaane, Tel Malne Aur Khushboo Lagaane Kee Hadis Aashoora Ke Din Ke Li’e Kazzabin Kee Manghadat Hadiso’n Me Se Hain.”

[Haytami Fi As-Sawa’iq Al-Muhriqah ‘Ala Ahl Al-Rafd Wa Al-Dalal Wa Al-Zandaqah,/534_536,

‘Abd Al-Haqq Muhaddith Dihlawi Fi Ma Thabata Mina Al-Sunnah Fi Ayyami Al-Sunnah,/15_17.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s