Waqiya Hazrat Esa AlahisSalam

HAZRAT MARYAM AlahisSala (MOTHER OF ESA) KA QISSA

Hazrat Maryam k father Imran apnay zamanay me Bani Isra’ael k bht naik aur parhezgar shakhs thay. Aur Maryam ki mother “Khanta” bhe naik aurtoun me se thi. Riwayat hai k us time k mash’hor Prophet Zikarya A.s Maryam ki behan k husband thay. Dosri riwayat hai k Zikarya Hazrat Maryam ki khala k husband thay. Aur khala ka naam “Ashiya’a” tha. Hazrat Maryam ki mother pregnant na hoti thi. Tau aik din wo kia daikhti hain k aik bird apny bachay ko khana khila rha hai. Tau un k dil me bhi betay ki khuwahish uthi aur betay k lye dil tarpa. Tau tab unho ny nazar mani k agar Allah unko beta ata’a farma de tau wo apny betay ko Bait-ul-muqaddas me Allah k lye waqf kar dengi ta k wo wahan ka khadim banay. Allah k hukm se wo bilkul thek hogaen, tb wo Hazrat Maryam k sath pregnant hogaen. Agay Allah ka farman hai k: phir Maryam ko janam dya tau kehnay lagi, Ae Parwardigar, main ne tau larki janam di hai. Aur Allah khoob janta hai jo usny janam dya, aur larka larki ki trah nahi hai means Bait-ul-Muqaddas ki khidmat me. Aur us zamanay me log Bait-ul-muqaddas k lye aulad ki nazar maantay thay. Jo baray ho kar wahan ki khidmat sar anjam daitay.

HAZRAT MARYAM KO FARISHTOUN/ ANGELS KI KHUSH-KHABRI

Allah Ta’ala farma rahy hain hai k Malaika/ Angels ne Maryam ko good news di k Allah ne un ko tamam jahan/ dunya ki aurtoun me se chunn lya hai (selected) …..( Aal-e-Imran 42-51) Ta k un k batan Mubarak se aisi azeem shakhsiyat ko janam dilwae jo baghair baap k ho. Aur wo goud me bhi logoun se baat karay, means doodh peenay k zamanay me aur logoun ko Allah ki ibadat ki traf bulaye, aur phir burhapay me bhi logoun ko Allah ki traf bulaye ga. (jab dobara dunya me tashreef layengay) Aur phir Allah ne Maryam ko hukm dya k kasrat se ibadat aur riyazat aur roko’u o sujood ada karo. Phir Maryam ne bhi is qadar Allah ki ibadat ki k aap k qadam mubarak phatt gae. Allah aap per, aap k maa baap aur aap k lakht-e-jigr (Esa) per reham farmaye. Riwayat hai k Rasool Akram SAWW ne farmaya: ” Jahan ki tamam aurtoun me se 4 aurtain kafi hain, jo tamam jahan wali aurtoun ki sardaar hain: * Fatima binte Muhammad SAWW * Khadija binte Kholed (wife of Muhammad SAWW) * Maryam binte Imran (mother of Esa A.S) * Aasiyah (wife of Fir’oun/Pharaoh)…”

HAZRAT MARYAM AUR JIBREEL A.S KI MULAQAT: (MARYAM KA PREGNANT HONA)

Hazrat Maryam apnay “khaas” dinoun me Masjid se bahar nikalti thi, ya ksi bhi aur zarurat k lye, like pani aur khana wagera hasil krny k lye. Tau aik bar aap ksi hajat k lye nikli thi aur phir Masjid-e-Aqsa k mashriqi side tashreef farma thi k Haxrat Rooh-al-Ameen Jibreel samnay agae aur insani shakal me aye. Tau Maryam ne daikha tau kehnay lagi, “Main Rehman ki panah mangti houn tujh se, agar tu muttaqi aur parhezgar hai?” Tab Jibreel ne kaha, “Main koi insan nahi houn, aur aya is lye houn k aap ko pakeeza bacha doun..” Maryam kehnay lagi: “Mujhy bacha kaisay ho sakta hai? Jab k ksi bashar/ insan ne mujhy chu’a tak nahi, aur na hi main bad’kar houn..” Farishtay ne kaha: “Isi trah hoga. Teray Rab ne kaha hai k wo Mujh ko asaan hai. Aur ye Hum islye kar rahy hain ta k Hum usko logoun k lye nishani bana’ain k Hazrat Adam ko baghair maa baap k aur Hawwa ko baghair maa k aur ab aap ki aulad ko baghair baap k paida karain. Aur ye Hamari traf se rehmat hai..” Means wo (Esa) bachpan me logoun k lye ba’ais-e-sa’adat o rehmat hongay aur un k lye dua karengay aur logoun se Allah ki ibadat karwaengay. Hazrat Jibra’el ne Maryam ki qameez k gareban/ neck me phoonk mari thi, tau wo phoonk ‘sharam-gah’ tak khud phunchi aur is trah hamal thehar gya. (She got pregnant) Ayaat e Mubarka se maloom hota hai k Hazrat Jibreel ko Maryam k pass bheja gya tha aur aap insani shakal me thay. Unho ne Maryam k gareban me phoonk mari, na k Na’aoz-Billah sharam-gah k muqabil thehray. Bulkay wohi phoonk nechay muqam tak phunch gae. Aur farmaya gya: “Phir Hum ne us me Apni Rooh phoonk di, yani Rooh..” Agay Farman hai: (Phir wo us k sath hamla hogaen) means bachay k sath, (phir us ko dour jagah me lay gae) aur ye islye farmaya k Hazrat Maryam jab pregnant huen tau tang-dil (depressed) huen k log un k mutaliq ghalat ilzam a’aed karaingay. . Jab aap per hamal (pregnancy) ki alamaat zahir huen tau sab se pehlay Bani Isra’ael k aik naik o parhezgar shakhs ko uski jhalak pari. Uska naam Yousuf bin Yaqoub barhai (carpenter) tha. aur wo Maryam ka khala-zad bhi tha. . Yousuf ko is baat se intahai hairat hue, because wo Maryam ki diyanat o pakeezgi aur ibadat ko khoob janta tha. But is sab k bawajod wo aap ko pregnant bhi daikh raha tha. Aik martaba wo aap k samnay aaker baat cheet karny laga. aur pucha: . “Ae Maryam, kia beej/ seed k baghair kheti / crop ugg sakti hai?” . Maryam ne kaha: “Ji haan. Batao kis ne pehli martaba kheti ko paida kia?” . Yousuf ne phir pucha: “Kia baghair mard k aulad ho sakti hai?” . Maryam ny farmaya: “Ji haan, Alah Ta’ala ne Adam ko baghair Maa Baap k paida farmaya..” . Yousuf ne phir kaha: “tau acha apni khabar do.” . Tau Maryam ne farmaya: “Allah ne mujhay khush-khabri di hai, Apni traf se aik nishani ki, jis ka naam Masih Esa bin Maryam (Christ) hoga. Aur wo dunya o akhirat me izzat wala hoga, aur logoun se bachpan me bhi aur burhapay me bhi kalaam karega aur saleh’een me se hoga..” . Aur Hazrat Zikarya A.S ne bhi Maryam se yhi sawalaat kye thay, aur Maryam ny yhi jawabaat dye thay… Wallah’alam . Logoun ne Na’aoz Billah Mayam A.S ko Yousuf (carpenter) k sath badnam kia aur un pe tuhmat o ilzam lagaya

HAZRAT MARYAM PER MUSHKILAAT KA WAQT

Bani Isra’ael k logoun me ye baat mash’hor aur aam hue thi k Hazrat Maryam pregnant ho chuki hain. Tau jin logoun ka Zikarya k haan ana jana tha, unho ne aap k ghar ana jana band kar dya. . Hazrat Maryam ka kehna tha k jab wo tanha hoti thi tau wo bacha un k sath baat cheet karta tha. aur jab un k sath koi hota tha tau pait me khuda ki tasbeeh karta tha. . Logoun ki batoun aur buhtan se tang aker Maryam logoun se chup kar rehnay lagi. aur aik dour daraz jagah me apnay ko daal lya. Phir un ko Dard-e-zaah (labor pain) Khajoor k tanay (Date tree) ki traf lay aya. Means jab aap ko makhsoos halat o takleef shru hue tau aap intahai majbor ho kar jaisay tinkay ka sahara lay rahi houn. aur koi aap k pass mojod na tha, lehaza Maryam khajoor k tanay ko pakar bethen . Riwayat k mutabiq wo khajoor wali jagah wohi hai jahan ab Bait-e-Leham bana hua hai, jo azeem-ul-shaan building hai. Tau khair jab Maryam wahan phunchi tau kehnay lagi, “Haye afsos, kash main is se pehlay marr jati aur bhooli bisri hogae hoti…” . Is se intahai takleef aur fitnay k waqt maut ki tamanna (na k khud-kushi) k jawaz ka pata chalta hai. aur Maryam ne ye tamanna islye ki thi k aap ko pata tha k log aap ko burai aur badkari ki traf tuhmat-zada karaengay/ ilzam lagaen gay. aur aap ki baat ko sach na janain gay. . Agay farman hai: … ” Aur khajoor k tanay/ stem ko pakar kar apni traf hilao, tum per taza taza khajoor jharr parain gi, phir khao aur piyo aur aankhain thandi karo…” Pregnant aurat k lye khajoor, dry ho ya taza, is se behtar koi cheez nahi. Aur darkhtoun/ trees me koi darkht us darkht se zyada Allah k nazdeek izzat o ikram wala nahi, jis k nechay Hazrat Maryam thehreen (stayed) (means Khajoor).

HAZRAT ESA KA MARYAM KI GOUD ME LOGOUN SE BAAT KARNA

Hazrat Maryam logoun se tang aker dour jagah ja kr rehnay lagi, aur khjoor aur chashmay k pani pe guzara kia. . Agay farman-e-Ilahi hai: …….”Pus agar tu ksi insan ko daikhy tau keh day k mene Rehman k lye rozay ki nazar mani hai, lehaza aj main ksi insan se baat nhi karoun gi.” (Kehnay se murad hai k isharay se samjha de) (Is trah k “chup” k rozay un ki shari’at me jaiz thay, jisme khanay k sath baat cheet bhi band hoti) . Phir kuch arsay logoun ne Maryam ko gum paya. Wo logoun se dour thi. . Phir achanak Maryam logoun k samnay ayen tau aap k sath aap ka bacha Esa bin Maryam bhi tha. . Logoun ny kaha, Ae Maryam! Ye tau tu intahai hairat o ta’ajub wala bura kaam kar laye hai? Ae Haroon ki behan, na tau tera baap bura admi tha, aur na hi teri maa bad’kirdar aurat thi? . Logoun ny aap per ilzam tarashi ki aur intahai jhoot ka palanda aap ki ba-barkat zaat per uchala. . Phir halat tang hogae aur tawakkal ka madar Wo hi Zaat reh gae tau Maryam A.S ny bachay ki traf ishara kia. Means Maryam ne logoun ko isharay se kaha k is bachay se baat karlo tau tumhary sab sawalaat ka jawab is se milyga. Tab sarkash logoun ne kaha, hum kaisay is say baat karen, jab k ye intahai doodh peeta goud ka bacha hai? Tu hamary sath mazaq kr rahi hai? . Logoun ka ye kehna tha k Esa A.S, jo kuch din k doodh peetay bachay thay, foran bol uthay: . ” Main Allah ka banda houn. Us ne mujhy kitaab di hai aur mujhy Nabi banaya hai. Mujhy ba-barkat bnaya hai. Aur Us ne mujhy jab tk main zinda rhoun, namaz o zakaat ki wasiyat ki hai. (Aur Us ne mujhy bnya hai) maa k sath neki krny wala. Aur jus din me paida hua, is din bhi mujh pe salamti hai, aur jis din main marounga aur jus din uthaya jaounga us din bhi mujh per salamti hai… “

ALLAH TA’ALA AULAD SE PAK HAIN : QISAH HAZRAT ESA A.S

Allah Surah Maryam k akhir me farmatay hain; …..”Aur kafir log kehtay hain k Khuda ne beta banaya hai. Beshak tum buri baat latay ho. Qareeb hai k is iftra se aasman phat jaen aur zameen shaq hojae, aur pahar para para ho kr girr parain k unho ne Khuda k lye beta tajweez kia. Aur Khuda k shayan nhi k ksi ko beta banaye. Tamam shakhs jo aasmanoun aur zameen me hain, sab Khuda k ru’baru banday ho kr ayengay. Us ne unko ( ilm k ahatay me) ghair rakha hai aur ek ek ko shumar kar rakha hai aur sab qayamat k din Us k samnay akelay akelay hazir houngay…” (Maryam 88, 89) . Aur farmaya; ……”aur yahood kehnay lagay k Uzair (a.s) Allah ka beta hai. Aur Nasara kehnay lagay k ‘Maseh’/ Esa Allah k betay hain. Ye un k moun ki baat hai. Pehlay kafir bhi isi trah ki baatain krty thay. Ye bhi un hi ki perwi krny lgay hain. Khuda in ko halakak karay, ye kahan behkay phirtay hain…” ( Surah Tuba 30) . Isi trah Arab k jahil mushrikeen khayal krty thay k Malaikah/ Angels Allah ki beti’an (daughters) hain. Aur jinoun ki sardaar ‘jini’oun’ (females) se Allah ne shadi ki hai, jin se malaika paida hue hain. Tuba tuba, Allah un ki bakwasoun se bht hi buland o bala hai, aur un k shirk se paak hai. Is baray me Allah ka farman hai: ……” aur unho ne Farishtoun ko, jo Rehman k banday hain, larkian (girls) bnaya hai. Kia ye un ki paidaish k waqt hazir thay? Anqareeb un ki baat likhi jaegi aur sawal kia jaega…” (Surah Safaat 149-160)

ALLAH TA’ALA AULAD SE PAK HAIN : QISAH HAZRAT ESA A.S

Allah Surah Maryam k akhir me farmatay hain; …..”Aur kafir log kehtay hain k Khuda ne beta banaya hai. Beshak tum buri baat latay ho. Qareeb hai k is iftra se aasman phat jaen aur zameen shaq hojae, aur pahar para para ho kr girr parain k unho ne Khuda k lye beta tajweez kia. Aur Khuda k shayan nhi k ksi ko beta banaye. Tamam shakhs jo aasmanoun aur zameen me hain, sab Khuda k ru’baru banday ho kr ayengay. Us ne unko ( ilm k ahatay me) ghair rakha hai aur ek ek ko shumar kar rakha hai aur sab qayamat k din Us k samnay akelay akelay hazir houngay…” (Maryam 88, 89) . Aur farmaya; ……”aur yahood kehnay lagay k Uzair (a.s) Allah ka beta hai. Aur Nasara kehnay lagay k ‘Maseh’/ Esa Allah k betay hain. Ye un k moun ki baat hai. Pehlay kafir bhi isi trah ki baatain krty thay. Ye bhi un hi ki perwi krny lgay hain. Khuda in ko halakak karay, ye kahan behkay phirtay hain…” ( Surah Tuba 30) . Isi trah Arab k jahil mushrikeen khayal krty thay k Malaikah/ Angels Allah ki beti’an (daughters) hain. Aur jinoun ki sardaar ‘jini’oun’ (females) se Allah ne shadi ki hai, jin se malaika paida hue hain. Tuba tuba, Allah un ki bakwasoun se bht hi buland o bala hai, aur un k shirk se paak hai. Is baray me Allah ka farman hai: ……” aur unho ne Farishtoun ko, jo Rehman k banday hain, larkian (girls) bnaya hai. Kia ye un ki paidaish k waqt hazir thay? Anqareeb un ki baat likhi jaegi aur sawal kia jaega…” (Surah Safaat 149-160)

BIRTH PLACE OF HAZRAT ESA AND HIS CHILDHOOD IN HINDI “ROMAN URDU

Birth Place of Hazrat Esa and his Childhood
.
Hazrat Esa Bait-ul-Laham k qareeb paida hue.
Jab aap paida hue tau us din mashriq o maghrib me tamam ‘butt”/ idols girr paray aur shetaan hairan o pareshan ho gae thay.
.
Hatta k baray Iblees ne apnay shetanoun ko haqeqat haal ki khabar di k Hazrat Esa ki birth ki wajha se aisa hua tha.
.
Phir Shetanoun ne daikha k Esa apni maa ki goud me hai aur angels un k gird hifazati hisaar qa’aem kye hue hain. Aur Aasman me us din aik azeem sitara bhi zahir hua tha. aur mulk Faris ka badshah bhi us sitaray ki wajah se khauf-zada hogya tha. Us k jadogaroun ne bataya tha k sar-zameen me koi azeem bacha paida hua hai.
.
Phir us badshah ne tohfay tahaif k bahanay us bachay ko qatal karanay k lye admi bhejay. Maryam ko khabar hogae tau wo apnay bachay ko laikar Egypt chali gaen. aur us waqt tak wahan rahin jab tak Esa 12 years k na hogae.
.
Esa A.S k karamaat-o-Mujizaat / miracles bachpan se hi mash’hor honay lagay thay.
Aik baar, jis baray admi k ghar Esa n Maryam thehray hue thay, uska maal gum hogya. Ghar me bht log thay, wo bara admi in sab ki kafalat karta tha.

HAZRAT ESA A.S ALLAH K HUKAM SY LARHKI KO ZINDA KARNA

Zinda honay wali larki ka haal aur Saam bin Nooh A.s ka zinda hona
.
Esa A.s ne us larki se pucha, ” tu ne dair kis wajha se ki..”
Arz kia;
…”jab pehli baar awaz aye tau Allah ne farishtay ko bheja, us ne mere a’azaa (organs) ko hukm-e-Ilahi se durast kia aur mere jism ko jora.
…. phir dosri baar awaz aye tau mere jism me rooh daal di gae.
… phir teesri bar awaz aye tau mujhay darr lga k kahin ye qayamat ki cheekh tau nhi.

 

.. qayamat k darr se mera sir safaid (white) hogya. Aur meri palkain aur eye brows bhi darr se foran white hogaen.
.
Phir larki apni maa ki traf mutawjja hue aur kaha;
..”haye maa, aap ko kis cheez ny majboor kia k aap ne mujh ko dobara uthwaya?
Amma, aap kash sabr karti aur Allah se sawab ki umeed rakhti. Mujhy ab dunya ki koi hajat nhi rahi.
.
Phir larki Esa ki traf mutawjja hue;
…” Ae Allah k kalmay aur Us ki rooh , mere Rab se ye bhi faryad kr dijye k mujhy wapis aakhirat ki traf lauta de. Aur maut ki sakhti ko mujh pe aasan kar de.
Tau Esa A.s ne us ki baat bhi qabool kar li aur dua ki aur wo larki wapis maut ki aaghosh me chali gae. Aur zameen usko apny andar lay gae.
.
Is trah Hazrat Esa ki zindage me aik azeem muajizah ka zahoor hua. Aur yahood Esa A.s per mazeed ghazabnak hogae.
.
Is he trah bani Isra’ael ne Hazrat Esa se Saam bin Nooh A.s ko dobara zinda uthaye janay ka sawal kia.
Tau Esa ne Allah k hukm se Saam bin Nooh ko zindah kia aur wo kharay hogae.

 

Aur phir unho ne Esa ko Hazrat Nooh ki kashti (Noah Ark) aur us se related dosri batain aur khabrain zikr ki.
.
Phir Hazrat Esa A.s ne dobara Bargah-e-Rabbul Izzat me hath uthaye aur Saam bin Nooh dobara maut ki wadi me wapis chalay gae.

DASTAR KHUWAN KA QISSA (HAZRAT ESA A.S)

Dastar khuwan ka qissa
.
Farman e Ilahi hai:
.
“Jab logoun ne kaha k Ae Esa bin Maryam kia tera Rab taqat rkhta hai k Wo hum per Aasman se aik khuwan nazil karay. (Tau Esa ne kaha) Allah se daro agar tum momin ho?
Kehny lgay hamara khayal hai k hum is se khaen aur hamary dil mutmain ho jaen aur hum jaan lain k aap ne sach farmaya aur hum is per gawah ho jaen.
Tau Esa ne dua ki, Ae Allah hamary Rab hum per Asman se khuwan nazil frma ta k wo hmaray awwal o akhir k lye khushi ho aur Aap ki traf se nishani ho, aur hum ko rizq ata’a farmaye aur Aap behtareen rizq ata’a krny walay hain.

 

Allah ne farmaya, Main usko tum per nazil karounga, phir us k baad jo tum me se kufr karega tau Main usko aesa azaab dounga k Main ne jahan waloun me se ksi ko bhi aesa azab na dya hoga… “
.. (Ma’aeda 112-115)
.
Hazrat Esa ne apny logoun ko 30 din rozay rkhnay ka hukm dya. Phir jb unho ne 30 din puray kr lye tau Esa ne dastar khuwan utarny ki request ki.
.
Phir Allah ne Aasman se dastar khuwan nazil frmaya. Aur sab log usko 2 badloun /clouds k bech me utarta dekh rhy thay aur ahista ahista qareeb ho rha tha.
Aur jab bhi dastar khuwan kuch agay barhta, hazrat Esa dua krty k Ae Allah isko rehmat bana, azab na bana, aur isko barkat o salamti wala bana.

 

..hatta k dastar khuwan aker Esa k samnay theher gya. Us per roomal dhaka hua tha. Esa kharay hue aur arz kr rhy thay:
.. “Bismillah khairrur Raziqeen..”
“Allah k naam se jo rizq denay waloun me sab se behtar hai..”
.
Hazrat Esa ne usko khola tau us me 7 fishes, 7 rotiyan aur sirka tha. Aur kaha jata hai k anar (pomegranate) aur dosray fruits thay. Aur intahai taiz pyari khushbu thi. Aur Allah ka isko ‘ho ja’ ka hukm mila tha, wo wajood me aker Asman se samnay agya..

ALLAH TA’ALA KA DASTAR KHUWAN KO WAPIS UTHA LENA (QISAH HAZRAT ESA A.S)

Allah Ta’ala ka dastar khuwan ko wapis utha lena
.
Phir Esa ny unko khanay ka hukm dya tau kehnay lgay k tab tak na khaengay jab tak aap na khaa lain.
Tau akhir kar Hazrat Esa ne faqeeroun, muhtaaj, mareezoun, langray log ko hukm frmaya. Wo 1300 afraad thay. Un sab ne khana khaya. Aur Khuda k fazal se jisko jo beemari thi sab khatam hogae.
.
Wo dastar khuwan daily aik baar utarta tha aur log us se khatay thay. Akhri shakhs bhi us hi trah saaf aur sair ho kr khata tha jis trah pehla shakhs khata tha.
Hatta k 70,000 afrad us se khatay thay. Phir ye dastar khuwan ata raha.
… phir Allah ne Esa A.S ko hukm frmaya k is dastr khuwan ko faqeeroun aor maskeenoun tk rakho aur maal’daar logoun ko mana krdo.

 

Tau ye baat munafiqoun per bht sakht guzri aur is k mutaliq idher udhar batain ki.
Phir dastar khuwan ana bilkul band hogya. Aur jin logoun ny khilaf batain ki thi, wo khinzeeroun / pigs me tabdeel hogae.
.
Riwayat hai k Hazrat Muhammad SAWW ne farmaya:
…” dastar khuwan utra aur us me roti aur gosht tha. Aur un ko hukm mila k khiyanat na karain aur zakheera na karain aur kal k lye na utha rakhain.
Laiken unho ny khiyanat ki aur zakheera kia aur utha kr rakha, tau wo bandaroun aur souwaroun (monkeys n pigs) me change hogae.. “

HAZRAT ESA A.S KA SAMANDAR (SEA) PER CHALNA

Hazrat Esa A.S ka samandar (sea) per chalna

.
Hazrat Esa A.S k log un ko dhoondtay hue Samandar ki traf gae tau dekha k Esa A.S samandar per chal rahay thay.
Kabhi koi mauj aap ko ouper utha deti , phir koi mauj aap ko nechay utaar deti. .. Aur aap ne aik chadar ourh rakhi thi, aur aik chadar ki azaar (lungi) baandh rakhi thi.
.
Hatta k aap logoun k pas phunchay tau aik admi ne kaha, ” kia main aap k paas na ajaoun Ae Allah k nabi??”
Esa ne kaha; Kioun nahi.
.
Phir us admi ne aik qadam pani per rakha aur dosra rakhnay laga tha k cheekha, Ohh, Ae Allah k Nabi, main tau gharq ho raha houn…
Esa ne farmaya, ” Mujhay apna hath de, Ae kamm eman shakhs. Agar Ib-e-Adam ka ‘jau’ (Barley) k barabar bhi yaqeen durast ho tau wo pani per chal paray…” (Subhan’Allah)
.
Riwayat hai k Allah Ta’ala ne Esa ko wahi farmai k Ae Esa aik jagah se dosri jagah mutaqil /transfer hota reh, kahin log teray thikanay ko na jaan lain, phir tujh ko takleef phunchay. .
.
Riwayat k mutabiq Esa A.s ne apnay logoun se kaha:
” Jau / barley ki roti khao aur khalis pani peo aur dunya se aman o salamti k sath nikal jao. aur gandum /wheat ki roti se bacho, kioun k tum uska shukar ada nahi kar sktay.
..Dunya se ibrat pakro aur is ko abaad na karo , dunya ki muhabbat har khata ki jar/root hai aur bad-nigahi dil me shehwat ko paida karti hai…”

BURAI ME ACHAI KI TALASH (QISAH HAZRAT ESA A.S)

Burai me achai ki talash
.
Hazrat Esa A.s aur aap k sathi aik murdar /dead body k paas se guzray tau logoun ne kaha, is ki badbu (stink) kis qadar sakht hai…
.
Esa A.S ny farmaya, is k daant kis qadar safaid/ white hain. (matlab ye tha k kisi ki brai na talash karo, bulkay us ki achai talash karo..)
.
Hazrat Esa ne farmaya:
Mujhay 3 logoun pe ta’ajub hai:
* Aik wo shakhs jo dunya ka talabgar ho, jab k maut us ki talabgar hai.
* Dosra wo shakhs jo mehlaat /palaces ka bananay wala ho, jab k us ka
thikana qabar hai.
* Teesra wo shakhs jo moun phaar kar hansay jab k jahannum us k agay

HAZRAT ESA A.S KO AASMAN PER UTHAYE JANAY KA ZIKR

Hazrat Esa A.S ko Aasman per uthaye janay ka zikr
.
” Aur wo, yani yahood Esa k qatal k lye khoob chaal chalay, aur Khuda bhi Esa ko bachanay k lye chaal chalay aur Khuda khoob chaal chalnay wala hi hai…
Us waqt Khuda ne farmaya, Esa! Main tumhari dunya me rehnay ki muddat puri kar k tum ko Apni traf utha lounga.
Aur tumhay kafir’oun (ki suhbat) se paak kar dounga. Aur jo log tumhari perwi krengay, unko kafir’oun per qayamat tak ghalib rakhounga. Phir tum sab Mere paas laut aao gay.
Jin batoun me tum ikhtilaf karty thay, us din tum me us ka faisla kar dounga..”
.
Tau Allah Ta’ala ne saaf irshad farmaya k Esa ko aasman per utha lya gya hai. aur un yahood se aap ko chutkara dila dya jo aap ko azyat o qatal k darpay thay. aur aik zalim Badshah ki support unko hasil thi.
.
Us Badshah ka naam Dawood bin Nora tha. aur us ne Esa k qatal ka hukm jari kia tha.
Phir logoun ne Bait-ul-Muqaddas me aap ko ghair lya aur ye Friday ki sham aur Saturday ki raat thi.
.
Esa A.s apnay 12 sathioun k sath ghar me dakhil hue, aap ny farmaya,
…” acha, tum me se koun hai jis ko meri shakal de di jae aur phir wo mere badlay qatal kar dya jae, tau wo jannat me mere darjay me mere sath hoga…”
.
Tau aik nojawan shakhs khara hua aur arz kia k, main hazir houn.
Tau phir us jawan ki shakal Esa wali hogae.
Aur Esa A.S us ghar k roshan-daan se Aasman per utha lye gae…
.
Aur ghar walay aap ko uth’ta daikh rahay thay.

YAHOOD KA ESA A.S K HUM-SHAKAL KA SULI PE CHARHANA

Yahood ka Esa A.s k hum-shakal ka suli pe charhana
.
Phir Badshah k log ghar me enter hue tau aik jawan ko Esa ki shakal me dekha tau us hi ko Esa samajh kar utha lya aur qatal kar k suli per charha dya. aur kaantay us k sir per rakh dye.
Aur aam Nasara /Christians (jinho ny haqeeqat e haal na dekhi thi wo bhi yahood ki baat per muttafiq hogae k Esa ko suli de di gae hai.
.
Jis shakhs ko Yahood ne phaansi di, usko pakar kar rassi’oun se baandh kar raastoun per ghaseeta aur kehtay k tu tau murdoun ko zinda karta hai, shaitan ko jharakta hai aur beemaroun ko shifa deta hai, ab apni ye rassi kioun nahi turwa sakta??
Phir Yahood us per thooktay aur bator-e-zillat us k sir per kaantay phainkay.
aur aik lakri/ wood k paas laye aur usko suli de di.
.
Aur Esa A.s ki shabeh /shakal wala shakhs 7 din tak suli per raha.
.
Phir ye 3 firqoun / groups me batt gae :
*Aik ny kaha Hazrat Esa hum me rahay, jab tak chaha rahay, phir Allah ne unko utha lya.. (ye Yaqoubiah firqa tha)
* Aik ny kaha, wo hum me Allah k betay thay. jab tak chaha, rahay, phir Allah ne unko Apnay pass utha lya… ( ye Nastouriah firqa tha)

 

* Aik ny kaha, ye hamaray andar Allah k banday aur Us k Rasool thay, jab tak chaha rahay, phir Allah ne un ko utha lya. (Ye Musalman firqa tha)
.
Pehlay dono firqoun ne mill kar unko qatal kar dya aur Islam barabar maghloob raha. Phir jab Allah ne Muhammad ﷺ ko bheja tau tab Islam dobara paida hua.

HAZRAT ESA A.S K BAAD HAZRAT MARYAM A.S KA AHWAAL

 

Hazrat Esa A.S k baad Hazrat Maryam A.S ka ahwaal
.
Hazrat Esa k aasman per uthaye janay aur un k hum-shakal ko suli per charh janay k baad Umme-Esa aur aik aurat (jis ka Hazrat Esa ilaaj kia krtay thay) roti hue suli charahy shakhs k paas ayen. aur Badshah se sawal kia k is ko suli se utara jae. (Maryam guman kar rahi theen k ye Hazrat Esa hain).
.. Tau phir Badshah ne ijazat de di aur phir us jism ko dafan kia gya.
.
Maryam, Umme-Yahya k sath Esa ki qabar ki ziyarat k lye gaen tau wahan qabar per Jibra’el A.S ko mojoud paya. unho ne kaha k ye Maseh ki qabar nahi hai.
Maseh ko tau Allah ne aasman per utha lya hai.
Aur is baat ki alamat ye hai k ye shakhs dunya se gumm hai aur dosri alamat ye hai k jab fla’an din aye tau fla’an jagah chali jana.
.
Tau phir Maryam A.s jab muqarrah waqt per bataye gae muqam per gaen tau Esa apni Maa ko mill gae. Esa foran aye aur apni Maa ka matha chooma aur un k lye dua ki aur farmaya: ….
…” Ae Maa! Allah ne mujhay apnay paas utha lya hai aur ab meri aap ki mulaqat agay hogi. aur maut aap k qareeb aa chuki hai. Lehaza sabr karain aur kasrat se Allah ka zikr karain.
.
Phir Esa A.s wapis chalay gae.
.
Riwayat k mutabiq Maryam A.s Hazrat Esa k baad 5 saal zinda raheen aur 53 saal ki age me wafat paa gaen.
.
Riwayat hai k Jab Hazrat Esa aasman per uthaye gae tau us waqt un ki age 24 saal thi,
ya 33 saal thi… (Wallah-Alam)

HAZRAT ESA KI SIFFA’AT AUR HULYA MUBARAK

Hazrat Esa ki siffa’at aur hulya mubarak
.
Farman-e-Ilahi hai:
….. ” Nahi thay (aur kuch) Maseh ibne Maryam, magar Rasool. In se pehlay Rasool guzar chukay. Aur un ki Maa siddiqa theen…” (Maida’a 75)
.
…” Phir Hum ne in (Rasooloun) k peechay apnay (dosray) Rasool bhejay aur Esa Ibne Maryam ko bheja aur usko Injeel (Bibel) di… ” (Al-Hadeed 27)
.
Bukhari me hai k Hazrat Muhammad ﷺ ne farmaya:
.
….” Jis raat mujhay (Aasmanoun per) lay jaya gya tau main ne Musa A.s se mulaqat ki tau wo bht josh o jazbay walay insan thay. Baray qad-awar, achi jisamat, bharay jism walay thay, goya “Shinwah” ya “Zit” (qabeelay) k logoun me se houn. Un k baal kuch ghunghriyalay (curl) thay. …
.
….. Aur main ne Esa se mulaqat ki. Darmiyanay qad walay (Medium height), surkh o safaid chehray walay thay. Ghanay baaloun walay aur kushada seenay walay thay. (aur us waqt youn lag rahay thay) goya ghusal khanay se naha kar niklay houn…
.
…..Aur main ne Ibrahim A.S ko daikha aur main un ki aulad me sab se zyada un ki shakal o surat wala houn…” (Al-hadees)

HAZRAT ESA A.S KA WAPIS DUNYA ME ANA

Hazrat Esa A.s ka wapis dunya me ana
.
Hazrat Muhammad ﷺ ne farmaya:
.
…..”Logoun me Esa ibne Maryam k sab se zyada la’aiq main houn, kioun k hum dono k bech aur koi Nabi nahi.
Aur wo utraingay jab tum un ko daikho tau pehchan laina, darmiyanay qad, surkh o safaid hain. Bharay jism walay hain. Sir se goya pani tapak raha hai.

 

…. Wo aa kar Salaib (Cross) ko torr daingay aur khinzeer (pig) ko qatal kar daingay. Jazya aur millatoun (nations) ko khatam kar daingay.
… Hatta k un k zamanay me sirf Islam reh jaega….
.
… Aur un k zamanay me Allah Dajjal ko bhi un hi k hathoun halaak farmayega. aur zameen me aman-o-barkat ho jaegi.
.
Ount, shair, cheetay ga’aen sab sath charay gi.
Bheriyay bakrioun k sath charain gay.. (wolf with goats)
.
…Bachay bachi’aan saanpoun k sath khailengay. Koi aik dosray ko nuqsaan nahi phunchaye ga.
Jab tak Allah ne chaha, youn hi hota rahega, phir Esa wafat farmaingay tau muslims un per namaz parh kar un ko dafan karaingay… ” (Al-Hadees)

Hazrat Esa A.s ka wapis dunya me ana
.
Hazrat Muhammad ﷺ ne farmaya:
.
…..”Logoun me Esa ibne Maryam k sab se zyada la’aiq main houn, kioun k hum dono k bech aur koi Nabi nahi.
Aur wo utraingay jab tum un ko daikho tau pehchan laina, darmiyanay qad, surkh o safaid hain. Bharay jism walay hain. Sir se goya pani tapak raha hai.

 

…. Wo aa kar Salaib (Cross) ko torr daingay aur khinzeer (pig) ko qatal kar daingay. Jazya aur millatoun (nations) ko khatam kar daingay.
… Hatta k un k zamanay me sirf Islam reh jaega….
.
… Aur un k zamanay me Allah Dajjal ko bhi un hi k hathoun halaak farmayega. aur zameen me aman-o-barkat ho jaegi.
.
Ount, shair, cheetay ga’aen sab sath charay gi.
Bheriyay bakrioun k sath charain gay.. (wolf with goats)
.
…Bachay bachi’aan saanpoun k sath khailengay. Koi aik dosray ko nuqsaan nahi phunchaye ga.
Jab tak Allah ne chaha, youn hi hota rahega, phir Esa wafat farmaingay tau muslims un per namaz parh kar un ko dafan karaingay… ” (Al-Hadees)

Hazrat Esa A.s ka wapis dunya me ana
.
Riwayat k mutabiq Esa A.s 40 years tak dunya me thehrain gay.
Aik jagah aya hai k aap Damishq (Damascus) ki jama’a masjid k safaid minar per utraingay.
Aur subah ki namaz k wastay Iqamat tak ho chuki hogi. Tau aap ko Imam-ul-Muslim’een kahaingay,
…….Aye, namaz parhaye Ae Rooh-Allah!
Esa kahaingay, Nahi! Iqamat aap k lye kahi gae hai, aap hi parhain.
.
Phir Esa muslims k sath sawar ho kar jihad karaingay aur Dajjal ko Bab-e-Lad per qatal karaingay.
.
Taurat me Hazrat Muhammad ﷺ aur Esa A.s ki siffat likhi hue hain k wo dono aik jagah dafan houngay. aur ab bhi aik qabar ki jagah Aap ﷺ k Rozah-e-Athar me baqi hai.
.
In dono Prophets k bech kitna arsa (time period) hai??
…Tau is baray me bht se qaul hain.
600 years,…. 560 years…540 years…… 620 years…. (Wallah-Alam)

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s