Kya Aap Jaante Hain?

Kya Aap Jaante Hain?

Hadees-e-Wilayat yaani “Man Kuntu Maula Hu Fa Aliyyum Maula Hu” : “Jiska Mai Maula Hun Uska Ali Maula Hai”. Is Hadees-e-Pak ko 98 Sahaba-e-Kiram ne riwayat kiya hai aur bahot saare Aaimma-e-Hadees ne apni apni turuk aur asaneed ke saath is Hadees apni kitabo me darj kiya hai jinka total hota hai 153. 153 alag alag Sanad ke saath ye ek Hadees riwayat hui hai!
Jo Hadees bahot zyada sanad ke saath riwayat ho usko Hadees-e-Mutawatir kehte hain.
Mutawatir yaani bahot kasrat se riwayat hone wali Hadees-e-Pak. Isliye Mutawatir Hadees ke bareme koi bhi zara sa bhi shaq baki nahi rehta uske Sahih hone me yaani wo 100% Farman-e Rasool-e-Pak SallAllahu Alaihi wa Aalihi wa Sallam hoti hai. Isliye agar kisine kisi Mutawatir Hadees ko manne se inkar kiya to wo shakhs kafir hojata hai kyunke usne Farman-e-Rasool SallAllahu Alaihi wa Aalihi wa Sallam ka inkar kiya. Aur fir shayad mushkil se koi aur riwayat hogi jo itne zyada martaba riwayat hui ho! Yaani ye Hadees-e-Pak Mutawatir Hadees ke group me ekdum top pe hai to is Hadees ki Azmat ka andaza lagayen ke kya hoga!

Aur jis din Aaqa-e-Do Jahan Huzoor Sarwar-e-Kainat SallAllahu Alaihi wa Aalihi wa Sallam ne ye baat irshad farmayi wo 18 Zilhaj ka din tha aur Ghadeer-e-Khum ki waadi thi. Jab RasoolAllah SallAllahu Alaihi wa Aalihi wa Sallam Hazrat Maula Ali Alaihissalam ki Wilayat ka Aylan farma chuke, to sabse pehle Sayyeduna Abu Bakr Siddiq aur Sayyeduna Umar-e-Farooq RadiAllahu Anhuma ne Sayyeduna Ali Alaihisalam ko Mubarakbaad di ke: Ay Ali Mubarak Ho! Aap aajse Hamare Maula ban gaye! Is mauka par Allah Ta’ala ne ye Aayat-e-Kareema nazil farmayi:
“Aaj Maine Tumhare Liye Tumhara Deen Mukammal Kardiya.”

Yaani kisi shakhs ka Imaan us waqt tak pura nahi hota jab tak wo Hazrat Ali KarramAllahu Wajhahul Kareem ko apna Maula, Wali aur Madadgar nahi maan leta! Un saari 153 riwayaton ko Shaykh-ul-Islam Dr. Tahir-ul-Qadri ne apni saalon ki mehnat aur research se apni Hadees ki kitab “Al Kifaya fee Hadeesil Wilaya” me jama kiya hai saare references ke saath.

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s