Bismillah Hir Rehma Nir Raheem ka Raaz!

Bismillah Hir Rehma Nir Raheem ka matlab hai ke “Allah ke Naam se Shuru Jo Nihayat Meharban Hamesha Rahem farmane Wala Hai.”

Jab pehle Allah Ta’ala ka Naam hai to Arabi me fir “Allah” se pehle BA aur ISM kyu hai?

Shaykh-ul-Islam Dr. Tahir-ul-Qadri apni kitab Tafsir e Minhaj ul Quran Surah Fatiha part 1 page 79 se 83 tak me ISM ke Raaz ko detail me explain kiya ke ISM ka matlab “Alamat” hai, lekin Allah Ta’ala ki Alamat ko paana kisike bus me hai he nahi, hamari waha tak rasayi he nahi na aqal pahunch sakti hai, to pata kaha se chale, to ek Aisi Alamat ki Zarurat thi Jise Rabb-e-Kainat ki Khabar bhi ho aur Wo dusro ko bhi Khabar de. Jo Apni Zaat ke Mazhar me bhi Kaamil ho aur Us Zaat-e-Mutlaq ke Izhar keliye bhi Kamil ho. To Aisi Kamil Hasti Jo ISM ke Khawaas ki Sahih Taur par Hamil bhi ho, Wo Sirf Zaat-e-Muhammadi SallAllahu Alaihi wa Aalihi wa Sallam he Hai! yaani Aaqa SallAllahu Alaihi wa Aalihi wa Aalihi wa Sallam ki Taraf Ishara!

Lekin ISM ke pehle aur ek huruf hai BA. BA se agar uska nuqta nikal diya jaaye to baa ki identity khatam hojati hai aur uska kuch matlab nahi rehta. To BA ke Nuqte me BA ki identity hai. aur fir sabko pata hai Sayyeduna Maula Ali Sher e Khuda KarramAllahu Wajahahul Kareem ne farmaya: Bismillah Shareef ke BA ka Nuqta Mai Hun!

Aur Aaqa SallAllahu Alaihi wa Aalihi wa Sallam ne farmaya jisko Meri Bargah me aana hai usey Ali ke waaste se he aane ki ijazat hai warna nahi! aur fir shuru se aakhir tak Quran Gawah hai ke Allah ki Bargah tak rasayi bhi sirf o sirf Aaqa SallAllahu Alaihi wa Aalihi wa Sallam ke Waaste se he milti hai!

To Bismillah Hir Rehma Nir Raheem ka Matlab aisa hua,
“Pehle Ali Ali kar fir Huzoor ka Waseela de, tab jaake Allah ko paayega Jo Nihayat Meharban Hamesha Rahem Farmane Wala hai!”!

SallAllahu Alaihi wa Aalihi wa Sallam
KarramAllahu Ta’ala Wajahahul Kareem

(ISM ki Tafseer Shaykh ul Islam ne Detail me ki hai, BA ki Tafseer us jagah pe nahi mili, shayad aage ho, lekin ye to sabko pata he hai BA ke Nuqte ka Raaz, to fark nahi padta 🙂 )

Nuqta-e-Ba-e-Bismillah”

Baab-e-Madinat-ul-Elm Maula-e-Kaiynaat Imam Ali (a.s) Ne Farmaya:

“Tamam aasmani kitaabon ke asraar Qur’an majeed mein hain aur tamam Qur’an ka ilm Surah-e-Faateha mein, aur Surah-e-Faateha ka ilm Bismillah-ir-Rehmaan-nir-Raheem mein aur Bismillah ka ilm Ba-e-Bismillah mein aur Ba-e-Bismillah ka ilm iske Nuqtey mein hai aur Main Ali (a.s) wo Nuqta hoon
jo Ba-e-Bismillah ke nechay hai.”

(Ref: Anmol-Jawahir Pg-2

“Her Dor Me Koshish To Bahut Ki Gyi”
“Par Qatre Ke Muqaddar Me Samandar Nahi Aaya”
“HAIDER (A.s) Ko Bhala Kese Samjh Paayegi Duniya”
“Duniya Ki Samajh Me To QALANDAR Nahi Aaya”

(AlaihisSalam)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s