Har Musalman par din me sirf 5 namaze farz hain magar Aaqa SallAllahu Alaihi wa Aalihi wa Sallam par 6 Namaz (Tahajjud), kyunki Aap Allah ke Sabse Bade Habib hain. Isi tarah Qayamat tak har Musalman par agar sahib e nisab ho to Eid ke din 1 Qurbani farz hai lekin Maula Ali Alaihissalam par 2 Qurbaniya Farz kyunki Aap Allah ke Sabse Bade Habib ke Sabse Bade Habib
Hazrat Hanash RadiAllahu Anhu bayan karte hain ke maine Sayyeduna Ali Alaihissalam ko 2 mendho ki Qurbani karte hue dekha to maine Unse pucha ye kya hai?
“Unhone jawab diya ke Aaqa SallAllahu Alaihi wa Aalihi wa Sallam ne Mujhe Wasiyat farmayi thi ke Mai Aap SallAllahu Alaihi wa Aalihi wa Sallam ki taraf se bhi Qurbani kiya karun. Lihaza Mai Aap SallAllahu Alaihi wa Aalihi wa Sallam ki taraf se bhi Qurbani karta hun!”
Imam Ahmed ne in alfaz ka izafa kiya: “Lihaza Mai hamesha Aap SallAllahu Alaihi wa Aalihi wa Sallam ki taraf se bhi Qurbani karta hun.”
Imam Abu Dawood, Sunan, 3/94, Hadees 279
Imam Ahmed, Musnad, 1/107, 149-15
Aal-e-Qutub Aal-e-Syed Abdullah Shah Ghazi 