Zikr e Hazrat Khalid bin Waleed Radiallahu anhoo.

*29 Jamadi ul Awwal*

*Yaume Wisaal*

*Sahabi e Rasool Saifullah Al Maslool Hazrat Syedna Khalid Bin Waleed Razi Allahu Tala Anhu*

*Aapki Wiladat 592 Esvi Me Makka Sharif Me Hui, Aapka Wisaal 29 Jamadi ul Awwal 21 Hijri Mutabik 642 Esvi Me Hua, Aap Sahabi e Rasool Hain, 3 Hijri Mutabik 628 Esvi Me Sulaih Hudaibiyah Ke Baad Huzoor Sarkar e Do Aalam Hazrat Muhammad Mustafa Sallallahu Alaihi wa Aala Aalehi wa Sallam Ne Aap Ke Bhai Se Farmaya “Khalid Jaisa Aqalmanad Aur Samajdar Shakhs Zada Waqt Tak Islaam Se Door Nahi Reh Sakta, Aapke Bhai Ne Aapko Khat Ke Zarye Islaam Apnane Ke Liye Kha, Aakhir Me Aapne 8 Hijri Mutabik 629 Esvi Me Madina Paak Me Huzoor Alaihis Salam Ki Bargah Me Pahunche Aur Musalman Hue, Jung e Mu’tah Me Hazrat Zaid Bin Haarisa, Hazrat Jafar Bin Abu Talib, Hazrat Abdullah Bin Rawahah Ki Shahadat Ke Bad Aapko Lashkar Ka Sardar Banaya, Aap Bhut Bahaduri Se Lade Aur Jung Ke Doran Aapki 9 Talware Toot Gyi, Phir Raat Me Lashkar Ko Madina Paak Ki Taraf Wapas Lautne Ke Liye Kaha, Dushmano Ke Lashkar Ne Darkar Picha Nahi Kiya, Is Tarha Muslamano Ko Halak Hone Se Bacha Liya, Is Jung Ke Baad Huzoor Alaihis Salam Ne Aapko “Saifullah Al Maslool” Ka Laqab Ata Farmaya, Iske Baad Aapne Fateh Makka, Ghazwa e Hunain, Ghazwa e Ta’if Aur Ghazwa e Tabook Me Hissa Liya, 8 Hijri Me Maah e Ramzan Me Huzoor Alaihis Salam Ne “Uzza” Daivi Ka But Todne Ke Liye Nakhla Bheja, Aur Banu Jazimah Aur 9 Hijri Me Dumatul Jandal Ki Jung Me Aapko Lashkar Ka Sardar Banakar Bheja, 10 Hijri Me Aapko “Wadd” Ka But Todne Ke Liye Dumatul Jandal Bheja, 10 Hijri Me Hajjatul Wida Ke Mauqe Par Aapne Huzoor Alaihis Salam Ke Gesu Mubarak Ko Tabbaruk Ke Taur Par Jama Kiya Aur Iski Barkat Se Aap Hamesha Fatehyaab Hote The, Aapne Bhut Saari Jung Me Fateh Hasil Karke Faaras (Iran), Iraq Aur Shaam Tak Islami Saltanat Phailai, Aapka Mazar Mubarak Homs Syria Me Marjai Khaliak Hain…*


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s