Zahra ke maana phool bhi hai aur earth ke aasman me suraj aur chand ke baad sabse zyada chamakne wala Venus bhi. Venus ko hamesha se beauty batane keliye logo ne istemal kiya.
Aaqa SallAllahu Alaihi wa Aalihi wa Sallam ne farmaya Mai Suraj hun, Ali Chand hai, Sayyeda Fatimah “Zahra” hai aur Hasanain Farqadain (2 bade sitare) hain. (Inki pairwi karo)
Hazrat Jabir RadiAllahu Anhu riwayat karte hain ki RasoolAllah SallAllahu Alaihi wa Aalihi wa Sallam ne farmaya:
“Suraj ki pairwi karo, jab Suraj (aankho se) gayab ho jaaye to Chand ki paiwri karo, jab Chand gayab hojaye to Zuhra (Venus) ki pairwi karo, jab Zuhra gayab hojaye to Farqadain ki pairwi karo.”
Arz kiya gaya: Ya RasoolAllah, Suraj, Chand, Zuhra, Farqadain kya hain?
Farmaya: “Suraj Mai Hun, Chand Ali hai, Zuhra (Venus) Fatimah hai aur Farqadain Hasan aur Hussain hain.”
Alaihim Afdalus Salawatu was-Salaam
Shawahidut Tanzil, page 59.
Aal-e-Qutub Aal-e-Syed Abdullah Shah Ghazi 