Meri Amanat!
Sayyeduna Maula Ali Alaihissalam bayan karte hain ke Unhone Apne Walid Hazrat Sayyeduna Abu Talib Alaihissalam se suna. Wo bayan karte they: “Jab Sayyeda Aamina (Salamullahi Alaiha) ne Huzoor Nabi-e-Akram SallAllahu Alaihi wa Aalihi wa Sallam ko Janam diya to Aap SallAllahu Alaihi wa Aalihi wa Sallam ke Jadd-e-Amjad Hazrat Abdul Muttalib Alaihissalam Tashreef laaye aur Aap SallAllahu Alaihi wa Aalihi wa Sallam ko uthaya, Mathe par Bosa diya, Fir Hazrat Abu Talib ke hawale karte hue farmaya: Ye Tumhare paas Meri Amanat hai, Mere is Bete ki Bahot Badi Shaan hogi! Fir Hazrat Abdul Muttalib ne Unt aur Bakriyan Zibah karwayin aur Tamam Ahle Makka ko 3 din tak ziyafat ki. FirMakka Mukarram ki taraf aane waale har raaste par unt zibah karwaye rakh diye jinse tamam insano, janwaron aur parindon ko gosht lene ki ijazat thi.”
Imam Abu Nuaim, Dalailun Nabuwwah, 1/138, Hadees 81
Aal-e-Qutub Aal-e-Syed Abdullah Shah Ghazi 