Manqabat Imam e Hussain Alaihissalam

Ali (a.s) Ke Gaiz Ko Khulk-e-Hassan (a.s) Mein Dhaaley Huwey,
Hussain (a.s) Sabr Se Hai Jung Ko Sambhaaley Huwey

Chaley Joh Maut Ki Gardan Mein Haath Daaley Huwey,
Woh Saarey Sher Hai Sher-e-Khudaa Ke Paaley Huwey

Gazab Ki Pyaas Mein Bhi Beniyaaz Hai Abbas (a.s),
Khadey Hai Dhoop Mein Paani Pe Khaak Daaley Huwey

Khud Apney Waqt Kay Haider Hai Sayyed-e-Sajjad (a.s),
Aseer Ho Kay Bhi Hai Morcha Sambhaaley Huwey

Waha Se Laaye Hai Islaam Ko Bacha Kay Hussain (a.s),
Jaha Pe Maut Ko Bhi Zindagi Kay Laaley Huwey

Hussain Waaley Jo Hass Hass Ke Jaan Detey Hai,
Yeh Raastey Ali Asgar Ke Hai Nikaaley Huwey.