18 Zilhajj ko Roza rakhne ki zabardast Fazilat!
Hazrat Abu Huraira RadiAllahu Anhu se riwayat hai ke jisne 18 Zil Hijja ko Roza rakha uske liye 60 mahino ke rozo ka sawaab likha jaega, aur ye Gadeer-e-Khum ka din tha jab Huzoor Nabi-e-Akram SallAllahu Alaihi wa Aalihi wa Sallam ne Hazrat Ali Alaihissalam ka Haath pakadkar farmaya: Kya Mai momino ka Wali nahi hun? Unhone arz kiya: Kyon nahi, Ya RasoolAllah! Aap SallAllahu Alaihi wa Aalihi wa Sallamne farmaya: Jiska Mai Maula Hun uska Ali Maula Hai. Is par Hazrat Umar ibne Khattab RadiAllahu Anhu ne farmaya: Mubarak ho! Ay Ibne Abi Talib! Aap Mere aur har musalman ke Maula tehre. (Is mauqa par) Allah Ta’ala ne ye Aayat Naazil farmayi: “Aaj Maine Tumhare Liye Tumhara Deen Mukammal Kardiya.”
Tabrani, Mujam al Awsat, 3/324, Khatib Baghdadi, Tarikh-e-Baghdad, 8/290 Ibne Asakir, Tarikh e Damishq al Kabir, 45/176, 177 Ibne Kaseer, Bidaya wan Nihaya, 5/464 Raazi, Tafseer Kabir, 11/139 Dr. Tahir-ul-Qadri, Kanzul Mattalib fee Manaqib Ali ibne Abi Talib Alaihi-Mussalam As Sayful Jali ala munkir-e-Wilayat e Ali Alaihissalam Allahumma Salle Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahbihi wa Baarik wa Sallim.
Aal-e-Qutub Aal-e-Syed Abdullah Shah Ghazi 